Números 10:9 - Q'eqchi Bible

⁹ “Naq akaq wanqex sa' leech'och' ut texxik chi yalok rik'ineb' li xik' neke'ilok eere, yaab'asihomaq li tronpeet chi yo'oon xyaab'; chi jo'kan texjultiko'q re li Qaawa' leeYos ut texxkol chiruheb' li xik' neke'ilok eere.

Li Santil hu

⁹ Te̱ya̱basiheb li trompetas nak texxic chi pletic saꞌ le̱ chꞌochꞌ riqꞌuineb li xicꞌ nequeꞌiloc e̱re li yo̱queb chi rahobtesi̱nc e̱re. Cui te̱ba̱nu chi joꞌcan, texjulticokꞌ re li Dios ut aꞌan ta̱colok e̱re chiruheb.

Números 10:9 ပူးပေါင်းရင်းမြစ်များ

1 Samuel 10:18

ut kixye reheb' laj Israel: “Jo'ka'in xye li Qaawa', xYos laj Israel: Laa'in kin'isink chaq re laj Israel aran Ejiipt ut kexinkol sa' ruq'eb' laj Ejiipt jo'wi' sa' ruq'eb' chixjunil li awab'ejihom li yookeb' chaq chi rahob'tesink eere.

Jueces 2:18

Naq li Qaawa' naxwaklesi junaq aj k'amol b'e, A'an ajwi' natenq'ank re. Jo' najtil yo'yooq laj k'amol b'e, li Qaawa' naxkoleb' laj Israel sa' ruq'eb' li xik' neke'ilok reheb', xb'aan naq naxtoq'ob'a ruheb' li neke'tz'uyink xb'aaneb' laj rahob'tesinel li neke'numtaak sa' xb'eeneb'.

Génesis 8:1

Li Yos kixtoq'ob'a ru laj Noé jo'wi' chixjunileb' li xul re li k'iche' ut eb' li ketomq li wankeb' rochb'een sa' li jukub' kab'l. Ut kixtaqla jun li iq' sa' xb'een li ruuchich'och' ut kisaak li ha'.

Salmos 106:42

Ke'rahob'tesiik xb'aaneb' li xik' neke'ilok reheb', ut ke'kanaak chi maak'a' chik xkawilaleb'.

Salmos 106:4

Chinjultiko'q taxaq aawe, at Qaawa', sa' xk'ab'a' xraab'al laatenamit; chinaawula'ani taxaq ut chinaakol,

2 Crónicas 13:14

Naq eb' laj Judá ke'ilok chirixeb', ke'xk'e reetal naq sutsuukeb'. Jo'kan naq ke'xyaab'a xk'ab'a' li Qaawa' ut eb' laj tij ke'xyaab'asiheb' li pur.

Jueces 10:12

eb' laj Sidón, eb' laj Amalek ut eb' laj Madián. Ab'an naq laa'ex keyaab'a ink'ab'a', ma ink'a' tab'i' kexinkol?

Jueces 10:8

li ke'xch'i'ch'i'i ut ke'xrahob'tesi eb' laj Israel chiru waqxaqlaju chihab', chalen sa' li chihab' a'an. Q'axal ke'rahob'tesiik chixjunileb' laj Israel li wankeb' chaq junpak'al li nima' Jordán, aran Galahad, sa' xsutameb' laj Amor.

Josué 6:5

Naq te'ok chi eek'ank li xukub' ut teerab'i chi eek'ank li tronpeet, chixjunil li tenamit te'xjap reheb' chi kaw, ut li xsuttz'akil Jerikó taat'ane'q. Toja' naq jun xikikaqex chi tiik sa' xb'een Jerikó”, chan.

Números 31:6

Laj Moisés kixtaqlaheb' chi yalok junq mil chi winq li ke'sik'mank ru sa' li junq teep. Laj Pinjás, li ralal laj Elehasar laj tij, koho chirixeb' ut kixk'am li k'a'aq re ru jwal loq' jo' ajwi' li tronpeet re xyeeb'al resil li yalok.

1 Corintios 14:8

Ut wi ta li tronpeet ink'a' saqenk taa'eek'anq, ani tixkawresi rib' re xik chi yalok?

Amós 3:6

Ut naq na'eek'ank li pur sa' li tenamit, ma ink'a' tab'i' neke'xiwak eb' li poyanam? Ma taachalq junaq rahilal sa' xb'een li tenamit wi ink'a' taqlanb'il chaq xb'aan li Yos?

Jeremías 6:17

Toja' naq li Qaawa' kixxaqab'eb' aj k'aak'alehom reheb' ut kixye re li tenamit: “K'ehomaq reetal naq taayaab'asiiq li pur”. A'ut li tenamit ke'xye: “Ink'a' naqaj rab'inkil”, chankeb'.

Jeremías 4:21

Jo' najtil chik yooqin rilb'al li reetalil li yalok ut yooqin rab'inkil xyaab'eb' li pur?

Jeremías 4:19

Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Jeremías 4:5

“Yehomaq li esilal a'in reheb' laj Judá ut puktesihomaq reheb' laj Jerusalén. Yaab'asihomaq li pur yalaq b'ar sa' li na'ajej a'in ut yehomaq resil chi kaw xyaab' leekux: «Ch'utub'omaq eerib' ut yo'qeb' sa'eb' li kawub'resinb'il tenamit.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Isaías 18:3

Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Salmos 136:23

Naq wanko chaq sa' rahilal, koojultiko'k re, li xnimal xrahom wank chi junelik;

Jueces 6:34

Ab'an li xmusiq' li Qaawa' ki'eechanink re laj Jedehón, ut a'in kixyaab'asi li xxukub' re xb'oqb'aleb' laj Abiéser.

Jueces 6:9

Kexinkol sa' ruq'eb' laj Ejiipt jo'wi' sa' ruq'eb' chixjunil li neke'rahob'tesink eere. Kiwaanilasiheb' cheru ut kink'e eere li xch'och'eb'.

Jueces 3:27

Naq kiwulak sa' xyanqeb' laj Israel, sa' li xtzuulul Efraín, kixyaab'asi li xukub' ut eb' laj Israel ke'kub'e chaq sa' li tzuul re chalk rik'in. Toja' naq kixk'e rib' chiruheb'

Sofonías 1:16

xkutankil li tz'uyink ut xyaab'asinkil li tronpeet chirixeb' li kawub'resinb'il tenamit ut chirixeb' li xnajt xteramil ochoch.

Oseas 5:8

Yaab'asihomaq li pur aran Kibehá ut puktesihomaq li esil a'in aran Ramá. Yehomaq chaq reheb' laj Bet-Abén; kawal wanqeb' laj Benjamín.

Ezequiel 7:14

“Yaab'asihomaq li pur ut kawresihomaq chixjunil; ab'anan maajun taaxik chi yalok, xb'aan naq yo injosq'il sa' xb'eeneb' chixjunil li poyanam.

Jeremías 6:1

Ex ralal xk'ajol laj Benjamín, elenqex chaq sa' li tenamit Jerusalén! Yaab'asihomaq li pur aran Tékoha, taqsihomaq li eetalil aran Bet-Keren, xb'aan naq chalk chaq re jun nimla rahilal ut raaxiik' sa' xjayal releb'l li iq'.

Levítico 23:24

“Ye a'in reheb' laj Israel: Li xb'een kutan re li xwuq po, a'anaq li hilob'aal kutan cho'q eere, ut teeb'aanu leeloq'laj ch'utam re inninq'ehinkil rik'in xyaab' tronpeet.

2 Crónicas 13:12

Chek'e reetal naq li Qaawa' a'an laj k'amol b'e chiqu; ut eb' laj tij okeb' re chi xyaab'asinkil li pur re taaqatikib' yalok eerik'in. Ex aj Israel, mexyalok rik'in li Qaawa', li xYos eb' leexe'toonil yuwa', xb'aan naq maak'a' aj e”, chan laj Abías.

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Deuteronomio 20:1

“Naq tatxik chi yalok rik'ineb' li xik' neke'ilok aawe ut taawileb' li xkawaay, eb' li b'eleb'aal ch'iich' ut eb' li k'iila tenamit jwal naab'aleb' chawu laa'at, matxiwak chiruheb', xb'aan naq aawochb'een li Qaawa' laaYos, a' li ki'isink chaq aawe sa' li tenamit Ejiipt.