Números 10:33 - Q'eqchi Bible

³³ Jo'kan naq ke'elk sa' li xtzuul li Qaawa', ut oxib' kutan ke'b'eek. Li xLoq'laj Kaaxil li Sumwank k'amol b'e chiruheb', chiru li oxib' kutan, yo xsik'b'al b'ar naru te'hilanq.

Li Santil hu

³³ Joꞌcan nak queꞌel laj Israel saꞌ li tzu̱l Sinaí lix tzu̱l li Ka̱cuaꞌ. Oxib cutan queꞌbe̱c. Ut li Lokꞌlaj Ca̱x li xocxo cuiꞌ li contrato yo̱ chi xic chiruheb ut yo̱ chixsicꞌbal li naꞌajej bar teꞌhila̱nk cuiꞌ.

Números 10:33 ပူးပေါင်းရင်းမြစ်များ

Deuteronomio 1:33

ut a'an chaq laj k'amol eeb'e ut naxsik' li na'ajej b'arwi' texhilanq: chiru q'oqyink nekexkutanob'resi rik'in xam, ut chiru li kutan nekexb'eres rik'in li choql.

Éxodo 3:1

Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Ezequiel 20:6

Sa' li kutan a'an kinye injurament naq te'wisi sa' li tenamit Ejiipt ut tink'ameb' sa' jun li na'ajej insik'om chaq cho'q reheb', jun xq'emal ch'och' b'arwi' sa li wank, ut q'axal chik chaab'il chiru chixjunileb' li na'ajej sa' li ruuchich'och'.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Jeremías 3:16

Ut naq akaq xexk'ihank ut xexnaab'alo'k sa' li tenamit, maajun chik taa'aatinaq chirix li xLoq'laj Kaaxil li xSumwank li Qaawa'; maajun chik taak'oxlaq chirix a'an ut ink'a' taapatz'manq chi moko taa'ak'ob'resimanq chik, xb'aan naq ink'a' chik taa'ajmanq ru -chan li Qaawa'-.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Isaías 28:12

Li Qaawa' ak xyehom reheb': “Arin wank li na'ajej re hilank, arin naru wank sa' xyaalal. K'ehomaqeb' b'i' chi hilank li tawajenaqeb'”. Ab'anan ink'a' xe'raj xpaab'ankil a'an.

Salmos 95:11

Jo'kan naq kinye rik'in jurament sa' linjosq'il: «Maajoq'e te'ok sa' linhilob'aal!»”.

1 Samuel 4:3

Naq eb' laj puub' ke'sutq'iik chaq sa' li xmuheb'aaleb', li xcheekelaleb' laj Israel ke'xye chi jo'ka'in: “K'a'ut naq li Qaawa' xooxk'e sa' ruq'eb' laj Filistea anaqwan? Yo'qeb' Siló chi xk'amb'al chaq li xLoq'laj Kaaxil li xSumwank li Qaawa', re naq twanq sa' qayanq ut tooxkol chiruheb' li xik' neke'ilok qe”, chankeb'.

Jueces 20:27

Sa'eb' li kutan a'an li xLoq'laj Kaaxil li xSumwank li Yos wank aran Betel ut laj Pinjás, ralal laj Elehasar, ralal laj Aharón, yo chaq chi k'anjelak cho'q aj tij. Ut eb' laj Israel ke'patz'ok re li Qaawa': “Ma tento naq tooxik wi' chik chi yalok rik'ineb' laj Benjamín li qech aj Israelil malaj ut ink'a' chik tooxik?”, chankeb'. Li Qaawa' kixsumeheb': “Ayuqex xb'aan naq wulaj tinq'axtesiheb' sa' leeruq'”, chan.

Josué 4:7

teeye reheb': «Li xha'ul li nima' Jordán kixjach rib' chiru li xLoq'laj Kaaxil li Sumwank naq kinume'k junpak'al. Eb' li pek a'in a'an reetalil chiruheb' laj Israel, re naq jultikaq reheb' chi junelik li k'aru kixb'aanu li Yos»”.

Deuteronomio 31:26

“K'amomaq li hu a'in tz'iib'anb'il wi' li Chaq'rab' ut k'ehomaq chi xk'atq li xKaaxil li xSumwank li Qaawa' leeYos. Aran taakanaaq chi xch'olob'ankil xyaalal leemaak.

Deuteronomio 9:9

Naq laa'in kintaqe'k sa' xb'een li tzuul chi xk'ulb'aleb' li tz'alam pek li tz'iib'anb'ileb' wi' li Sumwank kixk'ojob' li Qaawa' eerik'in, kinwank chaq chi tzuul ka'k'aal kutan ut ka'k'aal q'oqyink chi ink'a' kinwa'ak chi moko kin'uk'ak.

Números 10:12

ut eb' laj Israel ke'elk sa' li chaqich'och' re Sinaí. Li choql koxxaqliiq toj sa' li chaqich'och' re Parán.

Éxodo 19:3

Chirix chik a'an kitaqe'k laj Moisés wan wi' li Yos, ut kib'oqe'k chaq xb'aan li Qaawa' toj sa' li tzuul. Aran kiyehe'k re: “Jo'ka'in taaye reheb' li ralal xk'ajol laj Jakob ut a'in taak'ut chiruheb' laj Israel:

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Jeremías 31:2

Jo'ka'in kixye li Qaawa': “Sa' li chaqich'och' kiwil xtoq'ob'aal ru li tenamit li kikole'k chiru li kamk. Naq laj Israel yo xsik'b'al jun li na'ajej taahilanq wi',