Números 10:29 - Q'eqchi Bible

²⁹ Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Li Santil hu

²⁹ Ut laj Moisés quia̱tinac riqꞌuin laj Hobab lix ba̱lc. Aꞌan li ralal laj Ragüel laj Madián. Quixye re: —La̱o xic ke saꞌ li naꞌajej li quixyechiꞌi ke li Ka̱cuaꞌ. Yoꞌo chikix ut la̱o takaba̱nu usilal a̱cue. Li Ka̱cuaꞌ quixye nak torosobtesi, chan.

Números 10:29 ပူးပေါင်းရင်းမြစ်များ

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Jueces 4:11

Nach' rik'in Kadés, chi xk'atq li xji laj Sahananín, wank li xmuheb'aal laj Jéber aj Ken, laj hi' re laj Moisés. A'an ak xjek'om rib' rik'in li xteepal laj Kaín ut li xch'uutal eb' laj Jobab.

Éxodo 3:1

Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

Éxodo 2:18

Naq ke'sutq'iik wan wi' laj Rewel, li xyuwa'eb', a'in kixye reheb': “K'a'ut naq xexsutq'iik chaq chi junpaat chiru li kutan a'in?”.

Génesis 32:12

Laa'at xatyehok we: «Relik chi yaal naq chaab'ilaqin aawik'in. Tink'eheb' chi k'ihank laawalal aak'ajol: jo'aqeb' li samahib' chire li palaw li ink'a' naru rajlankil xb'aan xk'ihal», chankat we”, chan laj Jakob.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Jeremías 50:5

Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Isaías 2:3

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Salmos 34:8

Li x'ánjel li Qaawa' naxk'aak'ale ut naxkoleb' jo'k'ihaleb' li neke'paab'ank chiru li Yos.

1 Samuel 15:6

ut kixye reheb' laj Ken: “Elenqex, jek'omaq eerib' rik'ineb' laj Amalek, re naq ink'a' texinsach rochb'eeneb' a'an, xb'aan naq usilal xeb'aanu reheb' chixjunil laj Israel naq yookeb' chaq chi taqe'k Ejiipt”, chan. Ut eb' laj Ken ke'elk sa' xyanqeb' laj Amalek.

Jueces 1:16

Eb' li ralal xk'ajol laj Jobab laj Ken, aj hi' re laj Moisés, ke'elk chaq sa' li xTenamitul li kala' ut, rochb'eeneb' laj Judá, koheb' sa' li chaqich'och' re Judá, li wank aran Nejeb re Arad, ut koxe'kanaaq sa' xyanqeb' li wankeb' aran.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Éxodo 18:27

Moqon laj Moisés kixchaq'rab'i laj hi'om re, ut a'in kisutq'iik sa' li xtenamit.

Éxodo 18:1

Laj Jetró, aj tij sa' li tenamit Madián ut aj hi'om re laj Moisés, kirab'i resil li kilajxb'aanu li Yos cho'q re laj Moisés jo'wi' cho'q reheb' laj Israel li xtenamit. Kirab'i ajwi' chanru kirisiheb' chaq laj Israel aran Ejiipt.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.

Éxodo 6:4

Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Éxodo 18:12

Chirix chik a'an laj Jetró, aj hi'om re laj Moisés, kixyeechi'i xmayej ut kixk'at jun li xul cho'q re li Yos; ut laj Aharón jo'wi' chixjunileb' li xb'eenil laj Israel koheb' chi wa'ak chiru li Yos, wan wi' laj hi'om re laj Moisés.

Números 10:28

Jo'ka'in naq ke'elk chi tustu ut chi ch'uut eb' laj Israel.

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Deuteronomio 30:5

Tatxk'am wi' chik sa' li xch'och'eb' laana' laayuwa' re naq aawehaq ajwi' laa'at li na'ajej a'an. Tixk'e xnimal xsahil aach'ool ut q'axal chik tatxnaab'alob'resi chiruheb' laaxe'toon.

Salmos 95:1

Kimqex, b'ichanqo chiru li Qaawa' chi sa qach'ool, qanimaaq ru li Saqoonak li naqakol wi' qib'.

Salmos 100:1

Saalm re b'anyoxink. Chininq'ehiq sa' xk'ab'a' li Qaawa' chixjunil li ruuchich'och',

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Éxodo 2:21

Laj Moisés kixk'ul xch'ool chi kanaak sa' rochoch li winq a'an ut kik'ehe'k xSeforá, li xrab'in, cho'q rixaqil.