Números 1:50 - Q'eqchi Bible

⁵⁰ k'eheb' b'an chi k'anjelak sa' li Loq'laj Na'ajej, ut a'aneb' li te'iloq re chixjunileb' li k'anjelob'aal ut li k'a'aq re ru wank aran. Eb' a'an te'k'amoq re li Loq'laj Muheb'aal ut chixjunileb' li xk'anjelob'aal; te'k'anjelaq chisa' ut te'xk'ojob' li xmuheb'aaleb' chi xsutam li Loq'laj Muheb'aal.

Li Santil hu

⁵⁰ Te̱xakabeb ban li ralal xcꞌajol laj Leví chi cꞌanjelac saꞌ li tabernáculo ut aꞌaneb li teꞌilok re chixjunil li nacꞌanjelac aran. Teꞌxyi̱b lix muheba̱leb chi xjun sutam li tabernáculo.

Números 1:50 ပူးပေါင်းရင်းမြစ်များ

Éxodo 38:21

A'an a'in chixjunil li kik'anjelak re xyiib'ankil li Santil Muheb'aal, a' li xMuheb'aal li Sumwank, jo' chanru ke'xtz'iib'a eb' laj Leví xb'aan xtaqlahom laj Moisés, naq laj Itamar, ralal laj Aharón laj tij, kijolomink reheb'.

Números 4:15

Naq akaq xe'raqe'k laj Aharón ut eb' li ralal chi xlanb'al li k'a'aq re ru jwal loq' re li artal, sa' xjalb'al xna'ajeb', aka' chik eb' li ralal xk'ajol laj Kehat te'wulaq re te'xk'am. Ab'anan maak'a' li k'aru jwal loq' te'xch'e', xb'aan naq te'kamq. A'an a'in li xk'anjeleb' li ralal xk'ajol laj Kehat sa' li Loq'laj Na'ajej.

Éxodo 31:18

Naq li Qaawa' kiraqe'k chi aatinak rik'in laj Moisés sa' li tzuul Sinaí, kixk'e re li wiib' chi perpookil pek re li Sumwank, a'eb' li perpookil pek tz'iib'anb'ileb' xb'aan li ru'uj ruq' li Yos.

Nehemías 13:22

Chirix chik a'an kinye reheb' laj Leví naq te'xch'ajob'resi rib' ut xikaqeb' chi xk'aak'alenkileb' li okeb'aal re naq ink'a' taamuxmanq li kutan sábado. Rik'in ajwi' a'in chinjultiko'q aawe, at inYos, ut chatoq'ob'a taxaq wu jo' chanru xnimal aawuxtaan!

Números 20:11

Laj Moisés kixtaqsi li ruq', ka'sut kixsak' li saqoonak chiru li xxuq' ut k'ajo' li ha' ki'elk chaq sa' li saqoonak: ke'uk'ak li komonil jo' ajwi' li xketomqeb'!

Salmos 122:4

Arin neke'taqe'k li xteepal li tenamit, eb' li xjar teep li xtenamit li Yos, re xnimankil xk'ab'a' li Qaawa', xb'aan naq a'an chaq'rab'anb'ileb' wi' eb' laj Israel.

Nehemías 13:5

jo'kan naq kixq'axtesi re laj Tobías jun nimla ochoch b'arwi' junxil kik'uulamank li mayej, li k'ajpom, eb' li k'anjelob'aal, li xlajeetqil li triiw, li b'iin ut li aseeyt, jo'ch'inal jo'nimal tento xk'eeb'al reheb' laj Leví, reheb' laj b'ichanel ut reheb' laj k'aak'alenel okeb'aal; jo'kan ajwi' aran kik'uulamank li xk'ulub'eb' xk'ulb'al eb' laj tij.

Nehemías 12:47

Ut chixjunileb' laj Israel, sa'eb' li kutan naq ke'wank laj Sorobabel ut laj Nehemías, ke'xk'e reheb' laj b'ichanel ut eb' laj k'aak'alenel okeb'aal li k'aru tento te'xk'ul re li kutan junjunq. Ke'xk'e ajwi' reheb' laj Leví li xk'ulub'eb' xk'ulb'al, ut eb' a'in ke'xq'axtesi reheb' laj Aharón li k'aru tento te'xk'e reheb'.

Nehemías 12:22

Naq laj Eliasib, laj Johadá, laj Johanán ut laj Yadúa ke'wank cho'q xyuwa'ileb' aj tij, toj chalen naq ki'ok laj Darío cho'q awab'ej re Persia, eb' laj Leví ke'tz'iib'aak xk'ab'a'eb' cho'q xjolomileb' junkab'al, ut jo'kaneb' ajwi' laj tij.

Nehemías 12:8

A'aneb' a'in laj Leví: laj Josué, laj Binuy, laj Kadmiel, laj Serebías, laj Judá, laj Matanías li kik'amok b'e sa' li b'ichank re b'anyoxink;

Números 10:21

Toja' naq ke'elk eb' laj Kehat li ke'k'amok re chixjunileb' li k'anjelob'aal. Naq neke'wulak sa' li na'ajej neke'xik wi', ak xaqab'anb'il chik li Loq'laj Na'ajej.

Números 2:17

“Toja' naq taak'ame'q li Loq'laj Muheb'aal rochb'een li xmuheb'aaleb' laj Leví, xb'aan naq eb' a'in wankeb' sa' xyiheb' li ralal xk'ajol laj Israel. Jo' chanru naq ke'xk'ojob' li xmuheb'aaleb', jo'kan ajwi' naq te'xik, li junq teep wanqeb' rub'el li reetalileb'.

Números 1:53

ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.

Apocalipsis 15:5

Chirix chik a'an kiwil sa' choxa naq kixte rib' li santil ochoch wan wi' li xmuheb'aal li Sumwank,

Números 17:7

Ut laj Moisés kixkanab'eb' li xuq' chiru li Qaawa' sa' li Loq'laj Muheb'aal.

2 Crónicas 24:6

Toja' naq li awab'ej kixb'oq laj Johadá, li xb'eenil aj tij, ut kixye re: “K'a'ut naq ink'a' xak'e aach'ool chi xtaqlankileb' laj Leví re xxokb'al chaq li tumin rik'ineb' laj Judá ut eb' laj Israel, jo' kixchaq'rab'i laj Moisés, laj k'anjel chiru li Qaawa', jo'wi' li xkomonileb' laj Israel, cho'q re li xMuheb'aal li Sumwank?”, chan.

Números 4:3

chalen laj lajeeb' xka'k'aal toj lajeeb' roxk'aal chihab', chixjunileb' li yo'ooneb' chi k'anjelak sa' li Loq'laj Na'ajej.

Números 8:19

Laa'in xinsik' ruheb' sa' xyanqeb' laj Israel ut xinq'axtesiheb' re laj Aharón ut eb' li ralal, re naq te'k'anjelaq sa' li Loq'laj Na'ajej sa' xk'ab'a'eb' laj Israel, ut te'mayejaq chirixeb' laj Israel re xkuyb'al xmaakeb'. Relik chi yaal naq ink'a' te'kamq naq te'nach'oq chi xk'atq li Loq'laj Na'ajej”.

Números 8:20

Laj Moisés, laj Aharón ut chixjunil li xkomonileb' laj Israel ke'xb'aanu reheb' laj Leví chixjunil li yeeb'il xb'aan li Qaawa' re laj Moisés.

Números 8:22

Chirix chik a'an eb' laj Leví ke'ok chi yeechi'ink mayej sa' li Loq'laj Na'ajej chiru laj Aharón ut eb' li ralal. Jo' yeeb'il chaq xb'aan li Qaawa' re laj Moisés, jo'kan naq ki'uxmank reheb' laj Leví.

Números 18:5

Laa'ex texb'aanunq li k'anjel re li Loq'laj Muheb'aal ut re li artal; chi jo'kan ink'a' chik taajosq'o'q li Qaawa' sa' xb'eeneb' laj Israel.