Números 1:46 - Q'eqchi Bible

⁴⁶ li xk'ihaleb' li ke'ajlamank sa'eb' li xteepaleb', a'an oxib' xjunlajuk'aal mil rik'in lajeeb' xwaqxaqk'aal xkab' o'q'ob' (603,550).

Li Santil hu

⁴⁶ Chixjunileb li queꞌajla̱c cuanqueb cuakib ciento mil riqꞌuin oxib mil ut riqꞌuin o̱b ciento riqꞌuin laje̱b roxcꞌa̱l (603,550).

Números 1:46 ပူးပေါင်းရင်းမြစ်များ

Números 26:51

Naq ke'ajlamank eb' laj Israel, kik'eemank reetal naq wankeb': jun xjunlajuk'aal xkab' o'q'ob' mil rik'in lajeeb' xwuqlajuk'aal xkab' o'q'ob' (601,730).

Éxodo 38:26

li junjunq chi winq li ak xket junmay chihab' kixk'e waqib' graam chi plaat, jo' chanru neke'b'isok sa' li Loq'laj Na'ajej, sut chixjunileb' li k'eeb'ileb' sa' ajl a'aneb' oxib' xjunlajuk'aal xkab' o'q'ob' mil rik'in lajeeb' xwaqxaqk'aal xkab' o'q'ob' (603,550).

Éxodo 12:37

Eb' laj Israel ke'elk aran Ramsés sa' xjayal Sukot: lajeek'aal xkab' o'q'ob' mil (600,000) tana li winq li koheb' chi roq, ink'a' k'eeb'ileb' sa' ajl eb' li kok'al.

Números 2:32

A'an a'in xk'ihaleb' laj Israel li ke'ajlaak, chi teep ut chi xjunqkab'alileb' li xyuwa'eb'. Li xk'ihal chixjunileb' li winq ke'ajlamank re yalok, a'an oxib' xjunlajuk'aal mil rik'in lajeeb' xwaqxaqk'aal xkab' o'q'ob' (603,550).

2 Crónicas 13:3

Laj Abías koho chi yalok rik'in laj Jerobohán, rochb'een jun o'q'ob' mil (400,000) chi winq sik'b'ileb' ru ut q'axal kaweb' rib' chi yalok. Ut laj Jerobohán, rochb'een wiib' o'q'ob' mil (800,000) chi winq sik'b'ileb' ru ut jwal kaweb' rib', ke'xtzolob' rib' re yalok rik'in laj Abías.

1 Crónicas 21:5

Laj Johab kixq'axtesi re laj David li reetalil jo'k'ihaleb' li tenamit, ut kik'utunk naq wankeb' jun miiyon rik'in o'k'aal mil (1,100,000) chi winq yo'ooneb' chi yalok sa' xyanqeb' chixjunileb' laj Israel ut lajeeb' xkaak'aal xkab' o'q'ob' mil (470,000) sa' xyanqeb' laj Judá.

1 Reyes 4:20

Eb' laj Judá ut eb' laj Israel k'ajo' xk'ihaleb', jo'eb' li samahib' chire li palaw; chixjunileb' neke'wa'ak neke'uk'ak ut q'axal saheb' sa' xch'ool.

2 Samuel 24:9

Laj Johab kixye re li awab'ej jarub'eb' li tenamit: wiib' o'q'ob' mil (800,000) chi winq yo'ooneb' chi yalok sa' xyanqeb' laj Israel, ut o'k'aal xkab' o'q'ob' mil (500,000) sa' xyanqeb' laj Judá.

Deuteronomio 10:22

Lajeeb' xkaak'aaleb' ajwi' laaxe'toonil yuwa' naq ke'kub'eek Ejiipt, ut anaqwan li Qaawa' laaYos xatxk'e chi k'ihank jo' xk'ihaleb' li chahim sa' choxa.

Números 23:10

Ani taaruhanq xb'isb'al xpojtz'il laj Jakob, ut ani taaruhanq rajlankil li xk'ihaleb' laj Israel? Kamqin laa'in jo' naq neke'kamk li tiikeb' xch'ool, ut oso'qin jo' taxaq naq neke'oso'k eb' a'an”, chan.

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Génesis 17:6

Q'axal naab'aleb' laawalal aak'ajol li tink'e aawe; aawik'in twisi naab'aleb' chi tenamit ut wanqeb' awab'ej li te'elje'q aawik'in.

Génesis 15:5

Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Números 1:45

Naq ke'ajlaak chixjunileb' li winq aj Israel chalen junqmay chihab' li yo'ooneb' chi yalok,

Números 14:29

Chixjunileb' li xe'ajlaak chalen aj junmay chihab' ut xe'xwech' wix, te'kamq ut li xch'och'el xsululeb' taakanaaq sa' li chaqich'och' a'in.

Números 11:21

Kixye laj Moisés re li Qaawa': “Eb' li tenamit wochb'een, wankeb' lajeek'aal xkab' o'q'ob' mil (600,000), ut laa'at yookat chi xyeeb'al naq taak'eheb' chi tzekank tib' chiru jun po?