Números 1:4 - Q'eqchi Bible

⁴ Textenq'aaq xb'aaneb' li xjolomil li junqkab'al, jun re li junq teep.

Li Santil hu

⁴ Ut cua̱nkeb ajcuiꞌ che̱tenkꞌanquil li nequeꞌcꞌamoc be saꞌ xya̱nkeb li junju̱nk xte̱paleb laj Israel.

Números 1:4 ပူးပေါင်းရင်းမြစ်များ

Números 1:16

A'aneb' a'in li winq ke'xaqab'aak xb'aaneb' li komonil, xjolomileb' li junq teep, aj k'amol b'eheb' sa' xyanqeb' laj Israel.

Éxodo 18:25

Kixsik'eb' ru li winq seeb'eb' xk'a'uxl sa' xyanq chixjunileb' laj Israel ut kixk'eheb' xwankil sa' xb'eeneb' li poyanam: wankeb' ke'xaqab'aak chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq.

Josué 22:14

Ke'xtaqla ajwi' lajeeb' li neke'k'amok b'e sa' xyanqeb' li junjunq chi teep, xjolomileb' ajwi' li junqkab'al.

Deuteronomio 1:15

“Toja' naq laa'in kinsik'eb' ru, sa' xyanqeb' leeteep, winq seeb'eb' xk'a'uxl ut neke'xnaw xk'anjeleb', ut keb'inxaqab' chi jolomink eere: wankeb' xink'e chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq (10); wankeb' ajwi' xeb'inxaqab' cho'q aj tz'iib' re leejunq teep.

Números 25:14

Li winq aj Israel li kikamsiik rochb'een li ixq aj Madián, a'an laj Simrí, ralal laj Salú, xjolomil jun li junkab'al wank sa' xteepal Simehón.

Números 25:4

Toja' naq li Qaawa' kixye re laj Moisés: “Ch'utub'eb' chixjunil li xjolomileb' li tenamit ut ch'ikeb' chi ru'uj che' sa' xk'ab'a' li Qaawa', sa' xka'yab'aal li saq'e. Chi jo'kan taach'anaaq linjosq'il rik'ineb' laj Israel”, chan.

Números 17:3

Chiru li xxuq' laj Leví, taatz'iib'a li xk'ab'a' laj Aharón xb'aan naq a'an li xjolomil li xteepaleb' laj Leví.

Éxodo 18:21

Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

Números 30:1

Laj Moisés ki'aatinak rik'ineb' li xjolomileb' xteepaleb' laj Israel ut kixye reheb' chi jo'ka'in: “A'an a'in li qachaq'rab'inkil xb'aan li Qaawa':

1 Reyes 8:1

Toja' naq laj Salomón kixch'utub' aran Jerusalén li xcheekelaleb' laj Israel, chixjunileb' li xjolomileb' li junq teep ut eb' li xjolomileb' li xjunqkab'aleb' laj Israel, re xk'amb'al chaq li xLoq'laj Kaaxil li xSumwank li Qaawa' chalen chaq Sión, li xTenamit laj David, toj sa' rochoch li Yos.

Números 1:44

A'aneb' a'in xk'ihaleb' li ralal xk'ajol laj Israel li ke'ajlaak xb'aaneb' laj Moisés ut laj Aharón, jo'wi' xb'aaneb' li kab'laju chi xjolomileb' li junq teep ut li junq xkab'al li xna' xyuwa'.

Números 4:34

Laj Moisés, laj Aharón ut eb' xjolomil li komonil ke'rajla eb' li ralal xk'ajol laj Kehat, chi ch'uut ut chi junqkab'alil,

Números 7:2

eb' laj k'amol xb'eheb' laj Israel, a'eb' li xjolomil li junqkab'al ut junjunq chi teep li ke'tenq'ank chi rajlankileb' li tenamit, ke'mayejak.