Nehemías 9:2 - Q'eqchi Bible

² Ke'risi rib' sa' xyanqeb' chixjunileb' laj ab'l tenamit, ke'xxaqab' rib' ut ke'xxooto li xmaakeb' jo' ajwi' xmaakeb' li xna' xyuwa'eb'.

Li Santil hu

² Queꞌrisi ribeb saꞌ xya̱nkeb li ma̱cuaꞌeb aj Israel. Queꞌxxakab ribeb ut queꞌxye: —Xoma̱cob la̱o ut queꞌma̱cob ajcuiꞌ chak li kaxeꞌto̱nil yucuaꞌ, chanqueb.

Nehemías 9:2 ပူးပေါင်းရင်းမြစ်များ

Nehemías 13:3

Naq eb' laj Israel ke'rab'i li tz'iib'anb'il sa' xChaq'rab' laj Moisés, tikto ke'risi sa' li komonil chixjunileb' laj ab'l tenamit.

Esdras 10:11

Chexooto leemaak anaqwan chiru li Qaawa', xYos leena' leeyuwa', paab'omaq li rajom ut jek'ihomaq eerib' rik'ineb' li maak'a'eb' xpaab'aal jo'wi' rik'ineb' li ixq aj ab'l tenamit”, chan.

Nehemías 13:30

Jo'kan naq kiwisi sa' xyanqeb' li tenamit chixjunil li jalanil na'leb', ut kink'ojob' chaq'rab' cho'q reheb' laj tij ut eb' laj Leví re naq k'utk'uuq li xk'anjel li junjunq.

Daniel 9:20

“Toj yookin ajwi' chi tijok ut chi xxootoninkil linmaak jo'wi' li xmaakeb' laj Israel lintenamit, yookin chi elajink chiru li Qaawa' linYos chirix li xsantil na'aj,

Oseas 5:7

Xe'xtz'eqtaana li Qaawa' ut xe'xsiya eb' li yal sik'b'il k'uula'al. Jo'kan naq chiru jun po te'sache'q ru rochb'eeneb' li rawimqeb'.

Salmos 144:11

Chinaakol chiru li ch'iich' ka'pak'al xq'esnal; chinaakol sa' ruq'eb' laj ab'l tenamit, xb'aan naq junes b'alaq'il aatin na'elk chi xtz'uumal reheb' ut neke'xpatz' laak'ab'a' rik'in tik'ti'.

Esdras 9:2

Xe'sumlaak rik'ineb' li xrab'in li tenamit a'an, ut jo'kan ajwi' xe'xb'aanu eb' li ralal. Li xtenamit li Yos xe'xmux rib' rik'ineb' li jalaneb' xtenamit. Ut eb' laj k'amol b'e jo'wi' eb' laj jolominel, a'aneb' xb'een chi q'etok aatin”, chankeb'.

Isaías 2:6

At Qaawa', xatz'eqtaana laatenamit, a'aneb' li ralal xk'ajol laj Jakob, xb'aan naq k'ajo'eb' laj q'e ut eb' laj nawal sa' xyanqeb'; neke'xb'aanu jo'eb' laj Filistea ut neke'xk'am rib' sa' usilal rik'ineb' laj ab'l tenamit.

Salmos 144:7

Chaye' chaq laawuq' taqe'q ut chinaakol; chinaawisi taxaq sa' xchamal li ha', chinaakol sa' ruq'eb' laj ab'l tenamit:

Nehemías 1:6

Nintz'aama chawu naq chawil taxaq xtoq'ob'aal wu ut chawab'i lintij chi q'eq ut chi kutan sa' xk'ab'a'eb' laj Israel aj k'anjeleb' chawu. Yaal naq xoomaakob'k chawu laa'in ut eb' li wech'alal; xoomaakob'k laa'o aj Israel

Esdras 9:15

“At Qaawa', xYos laj Israel, laa'at tiik aach'ool. Jo'kan naq toj yo'yooko anaqwan jarub'o li xookole'k. Wanko rub'el laawoq rub'el laawuq' laa'o aj maak, us ta maajun xnimal aj maak naxkuy wank chawu”.

1 Reyes 8:47

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

Esdras 6:21

Chixjunileb' laj Israel li ke'sutq'iik wi' chik Jerusalén ke'xtzeka li karneer re li Paswa, rochb'eeneb' jo'k'ihaleb' li ke'xkanab' xb'aanunkil li xmaa'usilaleb' li tenamit maak'a'eb' xpaab'aal re xloq'oninkil ru li Qaawa', xYos laj Israel.

Esdras 9:1

Chirix chik a'an ke'k'ulunk wik'in eb' laj k'amol b'e ut ke'xye we: “Eb' laj Israel, eb' laj tij ut eb' laj Leví ink'a' xe'xjek' rib' rik'in li jalaneb' xtenamit, a'eb' laj Kanahán, eb' laj Hit, eb' laj Perés, eb' laj Jebús, eb' laj Amón, eb' laj Ejiipt ut eb' laj Amor, ut a' ajwi' li xmaa'usilaleb' li tenamit a'an xe'xb'aanu.

Nehemías 10:28

Eb' li junch'ol chik chi poyanam, a'eb' laj tij ut eb' laj Leví, eb' li neke'k'aak'alenk re li okeb'aal, eb' laj b'ichanel, eb' laj k'anjel sa' rochoch li Yos, jo'keb' ajwi' chixjunileb' li ke'risi rib' sa' xyanqeb' laj ab'l tenamit re xpaab'ankil xChaq'rab' li Yos, rochb'eeneb' li rixaqileb', li ralal xk'ajoleb' ut chixjunileb' li ak neke'xnaw k'oxlak,

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.

Jeremías 3:13

Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Jeremías 14:20

At Qaawa', naqaxooto li qamaa'usilal jo'wi' li xmaakeb' li qaxe' qatoon, xb'aan naq xoomaakob'k chawu.

Nehemías 10:29

ke'xjunaji rib' rik'ineb' li xkomoneb' ut eb' laj k'amol xb'eheb', ut ke'xye raatineb' sa' jurament naq junelik te'xpaab' li Chaq'rab' xk'ehom li Yos re laj Moisés laj k'anjel chiru. Ke'xye naq te'xyu'ami ut te'xk'anjela ru chixjunil li raatin, li xchaq'rab' ut li xtaqlahom li Qaawa' li qaYos.