Nehemías 5:9 - Q'eqchi Bible

⁹ Ut laa'in kinye reheb': “Moko us ta li yookex xb'aanunkil. Tento raj sa' eeb'een roxloq'inkil li qaYos re naq ink'a' toohe'xhob' li tenamit li xik' neke'ilok qe.

Li Santil hu

⁹ Ut quinye ajcuiꞌ reheb: —Li cꞌaꞌru yo̱quex chixba̱nunquil, aꞌan incꞌaꞌ us. La̱ex incꞌaꞌ nequexucua ru li Dios. Yo̱quex ban chixba̱nunquil joꞌ nequeꞌxba̱nu li jalan tenamit li xicꞌ nequeꞌiloc ke, re nak incꞌaꞌ texrahobtesi̱k xban eb aꞌan.

Nehemías 5:9 ပူးပေါင်းရင်းမြစ်များ

Levítico 25:36

“Mik'a' aamaq' chiru chi moko taapatz' ral li tumin li xak'e re chi to', chaxiwa b'an ru laaYos ut sik' xna'aj laawech tenamitul sa' laawochoch.

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

2 Samuel 12:14

Ab'anan xb'aan li maak xab'aanu rik'in xtz'eqtaanankil li Qaawa', laak'uula'al li toje' xyo'laak taakamq”.

Tito 2:5

Yaalaq ru li raatineb', saqaq ru li xyu'ameb', che'xch'oolani xsa' li rochocheb' ut chaab'ilaqeb'; che'paab'anq chiru li xb'eelomeb' re naq li Raatin li Yos ink'a' sachb'ilaq xwankil.

1 Timoteo 5:14

Jo'kan utan nawaj naq eb' li xmalka'an toj saajeb' che'sumlaaq, che'wanq ralal xk'ajol, che'xjolomi li xjunkab'aleb' re naq maak'a' toohob'e'q wi' xb'aaneb' li xik' neke'ilok qe.

Romanos 2:24

Relik chi yaal, jo' naxye li Santil Hu, “eemaak laa'ex majewanb'il xk'ab'a' li Yos sa' xyanqeb' li junch'ol chik”.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Ezequiel 36:20

Ab'an naq ke'wulak sa' jalan jalanq chi tenamit, ke'xmux linsantil k'ab'a', xb'aan naq nayeemank chirixeb': «A'aneb' a'in li xtenamit li Qaawa', ab'an xe'isiik chaq li xna'ajeb'».

Proverbios 24:23

Eb' li aatin a'in yeeb'il ajwi' xb'aaneb' li wankeb' xna'leb': Moko us ta xtiib'al ru eb' li poyanam sa' li raqleb'aal aatin.

Proverbios 19:2

Maak'a' sa xb'aanunkil naq maak'a' li k'oxlak; li seeb'ank ib' nak'ehok chi maakob'k.

Proverbios 18:5

Moko us ta naq laj raqol aatin narach'ab' li wank xmaak ut naxteneb' maak sa' xb'een li tiik xch'ool.

Proverbios 17:26

Moko us ta xteneb'ankil maak sa' xb'een li maak'a' xmaak, chi moko xrahob'tesinkil li chaab'il xch'ool.

Proverbios 16:29

Li sa' junpaat najosq'o'k naxb'alaq'iheb' li ras riitz'in, ut naxk'ameb' chi xb'aanunkil li ink'a' us.

Nehemías 5:15

Ab'anan eb' laj taqlanel li ke'wank xb'een chiwu laa'in, ke'numtaak chi taqlank sa' xb'een li tenamit: rajlal kutan neke'xpatz' reheb' ka'k'aal chi tumin plaat jo' xkub'siil cho'q re li xwa ruk'a'eb'. Jo'kan ajwi' ke'xb'aanu eb' laj k'anjel chiruheb'. A'ut laa'in maajun wa kinb'aanu a'an xb'aan naq ninxiwa ru li Yos.

Nehemías 4:4

Tikto laa'in kintijok chi jo'ka'in: “At qaYos, ab'i chanru naq nokoohe'xtz'eqtaana. Chak'e chi naqk sa' xb'eeneb' li xmajewahomeb'. Q'axtesiheb' sa' ruq'eb' li xik' neke'ilok reheb' ut che'k'ame'q chi preexil sa' jalan chik tenamit.

1 Samuel 2:24

Yib'ru li yookeb' chi xyeeb'al cherix, ex walal. Yookex chi xluktesinkil xch'ooleb' li xtenamit li Yos.

Génesis 42:18

Sa' rox li kutan laj José kixye reheb': “Laa'in ajwi' ninxiwa ru li Yos. B'aanuhomaq li tinye ut texkole'q.

Génesis 20:11

Kixye laj Abrahán: “Xinye sa' inch'ool: Mare sa' li tenamit a'in ink'a' neke'xxiwa ru li Yos; ut tine'xkamsi xb'aan li wixaqil -chankin sa' inch'ool-.

Nehemías 5:10

Laa'in ajwi', eb' li wech'alal ut eb' laj k'anjel chiwu xqak'eheb' xtriiw ut xtumineb' chi to'. Ab'anan anaqwan ok qe chi xyeeb'al reheb' naq tqasach reetalil li k'as a'an.

Salmos 90:11

Ani tawi' nanawok xkawilal laajosq'il re naq taaxiwaq chiru xnimal laak'a?