Nehemías 5:4 - Q'eqchi Bible

⁴ Ut wan wi' chik ke'yehok: “Xqapatz' qatumin chi to' re xk'eeb'al li toj re li awab'ej, ut a' li qach'och' ut li qawimq xqak'e cho'q reeqaj li tumin.

Li Santil hu

⁴ Ut cuan cuiꞌchic queꞌyehoc re: —La̱o xkapatzꞌ katumin chi toꞌ re ta̱ru̱k takatoj li tento xtojbal re li rey. Ut xkaqꞌue li kachꞌochꞌ chi prenda joꞌ ajcuiꞌ li kacui̱mk, chanqueb.

Nehemías 5:4 ပူးပေါင်းရင်းမြစ်များ

Esdras 4:13

At awab'ej, chanawaq a'in: wi te'xyiib' wi' chik li tenamit a'an ut te'xwaklesi li xsuttz'akil, ink'a' chik te'xk'e li toj, li kub'siil chi moko li xtoj li b'e, ut chi jo'kan naab'al li tumin taasachq.

Esdras 4:20

Aran Jerusalén wanjenaqeb' awab'ej q'axal ninqeb' xwankil: ke'taqlank sa'eb' li na'ajej junpak'al li nima' Éwfrates ut ki'uxk li tojok chiruheb', li kub'siil ut li xtojb'al li b'e.

Nehemías 9:37

Chixjunil li rawimq li ch'och' nak'ule'k xb'aaneb' li awab'ej li kaxaqab' sa' qab'een re xtojb'al rix qamaak. Laa'o ut li qaketomq wanko rub'el xwankileb' a'an. Jo'kan naq q'axal ra wanko!”.

Esdras 7:24

Naqak'e ajwi' chenaw naq ink'a' naru teepatz' toj, kub'siil chi moko xtojb'al li xnumikeb' laj tij, laj Leví, laj b'ichanel, laj k'aak'alenel okeb'aal, laj k'anjel sa' rochoch li Yos chi moko reheb' li neke'k'anjelak aran. Ink'a' teepatz' reheb'.

1 Reyes 9:21

naraj naxye, eb' li ralal xk'ajoleb' li ink'a' ke'choye'k xkamsinkil xb'aaneb' laj Israel, laj Salomón kixmineb' ru chi kawil k'anjelak, jo' yookeb' chi xk'ulb'al chalen toj anaqwan.

Josué 16:10

Ab'an eb' laj Efraín ink'a' ke'risiheb' laj Kanahán li wankeb' Késer, ke'xkanab'eb' b'an aran. Chi jo'kan toj wankeb' sa' xyanqeb' laj Efraín toj anaqwan, ab'anan k'eeb'ileb' sa' kawil k'anjel.

Nehemías 5:3

Wankeb' chik ke'yehok: “Xb'aan li we'ej xqak'e li qach'och', li qawimq ut li qochoch cho'q reeqaj li tumin re xloq'b'al li triiw”.

Proverbios 22:7

Li b'ihom nanumtaak sa' xb'een li neb'a'; ut li wank xto' tumin nakanaak cho'q xmoos li nak'ehok tumin chi to'.