Nehemías 2:5 - Q'eqchi Bible

⁵ ut kinsume: “At awab'ej, wi naxk'ul aawu ut wi sa sa' aach'ool wik'in, taqlahin Judá, re naq tinwaklesi wi' chik li tenamit muqb'ileb' wi' linna' linyuwa'”.

Li Santil hu

⁵ Ut quinye re li rey: —At rey, cui cꞌojcꞌo a̱chꞌo̱l cuiqꞌuin ut cui la̱at tixcꞌul a̱chꞌo̱l, ta̱ba̱nu raj li usilal cue. La̱in nacuaj raj xic Judá re nak tinyi̱b cuiꞌchic li tenamit li mukbileb cuiꞌ lin xeꞌto̱nil yucuaꞌ.—

Nehemías 2:5 ပူးပေါင်းရင်းမြစ်များ

Esdras 5:17

“Jo'kan utan, wi naxk'ul aawu, at awab'ej, naqatz'aama chawu naq chataqla xtz'ilinkil rix a'in sa'eb' li tasb'il hu reheb' li awab'ej re Babilonia, ma yaal naq li awab'ej Siro kixtaqla xkab'lankil wi' chik li rochoch li Yos arin Jerusalén malaj ut ink'a'. Ut chakuy qamaak, chataqla chaq resil li k'aru xak'uub' xb'aanunkil chirix li na'leb' a'in”.

Proverbios 3:4

Chi jo'kan osob'tesinb'ilaqat xb'aan li Yos ut taak'ehe'q aaloq'al xb'aaneb' li tenamit.

Ester 8:5

“At awab'ej, wi a'an us cho'q aawe ut nakak'oxla naq usilal xintaw chawu, wi us li ninpatz' ut wi nikinaara, chatz'iib'a wi' chik junaq chaq'rab' re xsachb'al xwankil li hu tz'iib'anb'il xb'aan laj Amán, ralal laj Hamdatá, aj Agag, ut k'uub'anb'il re xsachb'al chixjunileb' laj Judiiy sa'eb' li tenamit li wankeb' rub'el laa'awab'ejihom.

Ester 7:3

Kichaq'ok lix Ester, li xna'eb' li tenamit, ut kixye: “At awab'ej, wi xintaw usilal chawu ut wi nikinaara, chakol linyu'am ut li xyu'am lintenamit. A'an li nawaj ut linpatz'om.

Ester 5:8

Wi usilal xintaw chawu, at awab'ej, wi tixk'ul aach'ool xnawb'al li k'aru nawaj ut xb'aanunkil li wajom, tatk'ulunq wi' chik wulaj chi tzekank sa' li ninq'e xinkawresi cho'q aawe, aawochb'eenaq laj Amán. Ut aran tinb'aanu li taapatz' we”.

2 Samuel 14:22

Tikto laj Johab kiwiq'laak, kixhupub' rib' chiru ch'och' ut kiyoxink chiru li awab'ej: “At awab'ej, aj eechal we, anaqwan ninnaw naq xintaw usilal chawu, xb'aan naq xab'aanu li k'aru xintz'aama aawe”.

Li xHu LIX RUT 2:13

Toja' naq lix Rut kixye: —Usilal xintaw chawu: k'ajo' naq xak'ojob' linch'ool. Us ta laa'in maawa'in xkomoneb' laamoos ixq, ab'anan laa'at xawaj xk'eeb'al xsahil li waanm.

Ester 1:19

Jo'kan utan, at awab'ej, wi us cho'q aawe, chipuktesimanq li chaq'rab' a'in ut chitz'iib'amanq sa' xchaq'rab'eb' laj Persia ut eb' laj Media re naq ink'a' taasachmanq xwankil: «Ramrooq chiru lix Vasti xk'utb'al rib' chiru laj Asuero». Ut li awab'ej xk'ehaq li xwankil lix Vasti re jalan chik ixq li relik chi yaal xk'ulub'aq.

San Mateo 23:27

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex, xb'aan naq chanchanex li muqleb'aal kamenaq chuninbil: ch'ina'us rilb'aleb' li rix, ab'an chisa' nujenaqeb' chi xb'aqel kamenaq ut chixjunil li k'a'aq re ru chi tz'ajnil!

Nehemías 2:4

Kixye li awab'ej: “K'aru taawaj tinb'aanu?”. Toja' naq kinyaab'a xk'ab'a' li choxahil Yos

Nehemías 2:6

K'ojk'o li rixaqil chi xk'atq naq li awab'ej kixpatz' we: “Jo' najtil tatmaaniho'q? Jo'q'ehat chaq?”, chan we. Toja' naq laa'in kinxaqab' xkutankil linsutq'ijik, ut li awab'ej kixk'ulub'an ru ut kinxtaqla.

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.