Nehemías 2:3 - Q'eqchi Bible

³ ut kinye re li awab'ej: “At awab'ej, sahaq taxaq aach'ool chi junelik! K'a' naq ink'a' rahaq inch'ool? Li tenamit b'arwi' wank xmuqleb'aaleb' linna' linyuwa' xkanaak chi po'lemil ut k'atb'il chik li rokeb'aal”.

Li Santil hu

³ La̱in quinchakꞌoc ut quinye re: —At rey, chicua̱nk taxak la̱ yuꞌam chi junelic. La̱in ra saꞌ inchꞌo̱l xban nak li tenamit li mukbileb cuiꞌ lin xeꞌto̱nil yucuaꞌ juqꞌuinbil ut cꞌatbileb lix puertil. Aꞌan aꞌin lix ya̱lal nak ra saꞌ inchꞌo̱l.—

Nehemías 2:3 ပူးပေါင်းရင်းမြစ်များ

Nehemías 1:3

Kine'xchaq'b'e: “Eb' li ink'a' koheb' chi preexil ut ke'kanaak sa' xteepal Judá, wankeb' anaqwan sa' rajb'al ru ut naab'al li rahilal yookeb' xk'ulb'al. Juk'inb'il li tz'ak sutsu wi' Jerusalén, ut k'atb'il li xtz'apb'al rokeb'aal li tenamit”, chankeb'.

Daniel 2:4

Eb' laj q'e ke'raatina li awab'ej sa' li aatinob'aal arameo, ut ke'xye re chi jo'ka'in: “At awab'ej, sahaq taxaq laach'ool chi junelik. Seeraq'i qe laamatk' ut laa'o tqach'olob' xyaalal chawu”, chankeb'.

1 Reyes 1:31

Toja' naq lix Betsabé kiwiq'laak ut kixhupub' rib' chiru ch'och', ut kixye: “Chinimaaq aaloq'al chi junelik, at awab'ej David, aj eechal we!”, chan.

Daniel 5:10

Ab'an naq li rixaqil li awab'ej kirab'i naq japjo re chi aatinak jo'wi' eb' laj k'anjel chiru, ki'ok sa' li na'ajej b'arwi' yo li ninq'e ut kixye: “Najtaq taxaq roq laayu'am, at awab'ej! Misachk aach'ool chi moko tatsaqkirino'q xb'aan laaxiw.

Salmos 137:6

Chixletzaq ta rib' li ru'uj waq' sa' li we, wi ink'a' nakatnaqk sa' li waanm, wi ink'a' ninxaqab' li tenamit Jerusalén cho'q xnimal xsahil linch'ool!

Daniel 6:21

Ut laj Daniel kichaq'ok chaq: “Chiwanq taxaq aayu'am chi junelik, at awab'ej.

Daniel 6:6

Sa' junpaat li xjolomileb' li junq teep chi tenamit jo'wi' eb' li ninqeb' xwankil koheb' rik'in li awab'ej ut ke'xye re: “Sahaq taxaq laach'ool chi junelik, at awab'ej!

Lamentaciones 2:9

T'anjenaqeb' chik sa' ch'och' eb' li xtz'apb'al ut xnat'b'aleb' rix li okeb'aal: li Qaawa' xjuk'uk ut xjorok reheb'. Li awab'ej ut li xninqaleb' ru winq wankatqeb' chik sa' xyanqeb' li maak'a'eb' xpaab'aal. Maak'a' chik Chaq'rab', ut eb' li propeet maak'a' chik neke'rab'i rik'in li Yos.

2 Crónicas 32:33

Naq laj Esekías kiq'ajk kisutq'iik rik'ineb' li xxe'toonil yuwa', kimuqe'k chi tzuul sa' li xmuqleb'aaleb' li ralal xk'ajol laj David; ut chixjunileb' laj Judá ut eb' laj Jerusalén ke'xnima xloq'al sa' xhonalil li xkamik. Ut a' chik laj Manasés li ralal ki'awab'ejink sa' xna'aj.

2 Crónicas 28:27

Naq laj Ajás kiq'ajk kisutq'iik rik'ineb' li xxe'toonil yuwa', kimuqe'k sa' li tenamit Jerusalén, ab'an ink'a' kimuqe'k sa' xmuqleb'aaleb' li awab'ej re Israel. Ut a' chik laj Esekías li ralal kikanaak chi awab'ejink sa' xna'aj.

2 Crónicas 21:20

Kab'laju xka'k'aal chihab' wank re laj Jorán naq ki'ok cho'q awab'ej, ut waqxaqib' chihab' ki'awab'ejink sa' li tenamit Jerusalén. Kiq'ajk kisutq'iik chi maajun kiyaab'ak chirix; ut kimuqe'k sa' xtenamit laj David, ab'an maawa' sa' xmuqleb'aaleb' li awab'ej.

Daniel 3:9

chiru laj Nabukodonosor li awab'ej, ut ke'xye re: “At awab'ej, sahaq taxaq aach'ool chi junelik!

Salmos 102:14

Waklin, at Qaawa', ut chawuxtaana ru li tenamit Sión. Ak xtaw xq'ehil xtoq'ob'ankil ru: anaqwan tz'aqal li xhonalil!

Levítico 26:31

po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

2 Reyes 25:8

Wuqub' kutan xtiklajik li ro' po re li b'eleelaju chihab' rokik chi awab'ejink laj Nabukodonosor sa' xb'eeneb' laj Babilonia, laj Nebusardán, xjolomileb' laj puub', aj k'anjel chiru li awab'ej, kik'ulunk Jerusalén.

2 Crónicas 36:19

Ke'xk'at ajwi' li rochoch li Qaawa', ke'xjuk' li xsuttz'akil Jerusalén, ke'xk'e xxamlel li xninqaleb' ru ochoch ut ke'xputz'i chixjunil li k'a'aq re ru jwal loq'.

Nehemías 2:13

Sa' ajwi' li q'oqyink a'an kin'elk sa' li Okeb'aal naxik taq'a ut kohin sa' xjayal li Yu'amha' re li Mama' Xul jo'wi' sa' xjayal li Okeb'aal re li Mul. Kink'e reetal naq juk'inb'il li suttz'ak sutsu wi' Jerusalén ut k'atb'il li rokeb'aal xb'aan li xam.

Jeremías 52:12

Sa' li lajeeb' xb'e li ro' po re li xb'eleelaju chihab' rokik laj Nabukodonosor chi awab'ejink sa' xb'een Babilonia, laj Nabusaradán, aj k'anjel chiru li awab'ej ut xjolomileb' laj k'aak'alenel, kiwulak Jerusalén.

Ester 8:6

Xb'aan naq chanru tinkuy rilb'al li rahilal taachalq sa' xb'een lintenamit? Chanru tinkuy naq te'sache'q li wech tenamitul?”, chan.

Salmos 38:7

k'utzk'uukin aj chik, lub'luukin chi junajwa ut q'axal ra sa' inch'ool chiru chixjunil li kutan.

Salmos 102:15

Eb' laj k'anjel chawu k'ajo' naq neke'xra eb' li pek kab'lanb'il wi', ut neke'raho'k sa' xch'ool chi rilb'al li xpo'lemil laatenamit.