Nehemías 1:9 - Q'eqchi Bible

⁹ Ab'an wi texsutq'iiq chaq wik'in, wi teepaab' ut teek'anjela ru linchaq'rab', tinxik chesik'b'al ut texink'am wi' chik sa' li na'ajej sik'b'il ru inb'aan cho'q inmuheb'aal, us ta ak cha'cha'inb'ilex toj sa' xmaril li choxa», chankat.

Li Santil hu

⁹ Abanan caye ajcuiꞌ nak cui tosukꞌi̱k cuiꞌchic a̱cuiqꞌuin ut cui takaba̱nu li cꞌaꞌru caye saꞌ la̱ chakꞌrab, toa̱cꞌam cuiꞌchic saꞌ li tenamit li casicꞌ ru chokꞌ a̱naꞌaj, usta ac chaꞌchaꞌinbil ku saꞌ eb li najtil tenamit.

Nehemías 1:9 ပူးပေါင်းရင်းမြစ်များ

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

San Mateo 24:31

Ut tixtaqlaheb' li x'ánjel rik'in xkawil yaab' tronpeet sa' xkaaxukuutil li ruuchich'och' re xch'utub'ankil li sik'b'ileb' ru xb'aan, chalen chaq sa' xtiklajik li choxa toj sa' xmaril.

Jeremías 12:15

Ab'anan naq akaq xinsacheb' ru, tinsutq'iiq chaq ut tintoq'ob'a ruheb', ut tink'ameb' chaq wi' chik sa' li xna'ajeb' ut sa' li xtenamiteb'.

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

Salmos 147:2

Li Qaawa' xwaklesi wi' chik Jerusalén, ut xch'utub'eb' laj Israel li xe'cha'cha'iik.

Esdras 6:12

Li Qaawa' Yos li kisik'ok re Jerusalén cho'q xmuheb'aal li xk'ab'a', chisachoq taxaq ruheb' chixjunileb' li awab'ej malaj ut li tenamit te'raj xq'etb'al li chaq'rab' a'in ut te'raj xjuk'b'al li rochoch li Yos aran Jerusalén. Laa'in laj Darío xink'e li chaq'rab' a'in. Chi'uxmanq chi tz'aqal re ru jo' xinye”.

Deuteronomio 12:5

Laa'ex tento toxeesik' chaq li Qaawa' leeYos ka'ajwi' sa' li na'ajej xaqab'anb'il xb'aan, sa' xyanq chixjunileb' li teep, re naq aran taahilanq li xk'ab'a'.

Ezequiel 36:24

Laa'in texinch'utub', texwisi chaq sa'eb' li junjunq chi na'ajej ut tenamit, ut texink'am chaq wi' chik sa' leech'och'.

Jeremías 31:10

“Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.

Salmos 106:47

At Qaawa', at qaNimajwal Yos, choohaakol taxaq! Choohaawisi sa' xyanqeb' chixjunil li poyanam ut choohaach'utub', re naq tooyoxinq chawu ut tqanima laaloq'al!

1 Reyes 9:3

ut kixye re: “Xwab'i laatij ut li k'aru xatz'aama chiwu. Xinsantob'resi li kab'l a'in li xayiib', re naq arin taawanq link'ab'a' chi junajwa. Laa'in tinra ut tin'iloq re chi junelik.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

1 Crónicas 16:35

Yehomaq re: «At Qaawa', at qaNimajwal Yos, choohaakol taxaq! Choohaawisi sa' xyanqeb' chixjunil li poyanam ut choohaach'utub', re naq tooyoxinq chawu ut tqanima laaloq'al!

Deuteronomio 12:21

Wi li na'ajej sik'b'il ru xb'aan li Qaawa' laaYos cho'q rochochil li xk'ab'a' jwal najt wank aawik'in, truuq taakamsi junaq re laaninq malaj kok' ketomq li xk'ehom aawe li Qaawa', ut taatzeka jo'nimal taawaj sa' li na'ajej wanqat wi', jo' chanru laa'in xinye aawe.

1 Reyes 8:48

wi te'sutq'iiq chaq aawik'in chi anchaleb' xch'ool chi anchaleb' li raanm ut te'tijoq chawu chi yooqeb' chaq chi ilok sa' xjayal li ch'och' aak'ehom reheb' li xna' xyuwa'eb', a' li tenamit aasik'om ru, ut sa' xjayal li kab'l xinyiib' sa' aak'ab'a',

Salmos 107:3

eb' li ke'ch'utub'aak sa' xyanqeb' li tenamit, chalen sa' releb'l ut toj sa' rokeb'l li saq'e, chalen sa' releb'l ut toj sa' rokeb'l li iq'.

Isaías 27:12

Naq taawulaq li kutan a'an, li Qaawa' tixsik'eb' chaq li poyanam chalen chaq chire li nima' Éwfrates toj chire li nima' re Ejiipt, jo' naq na'isiik rix li triiw; a'ut laa'ex aj Israel texxoke'q chejunjunqalil.

Jeremías 6:22

Li Qaawa' kixye chi jo'ka'in: “Toj sa' xjayal releb'l iq' xkawresi chaq rib' jun tenamit q'axal kaw rib' chi yalok; jun xnimal tenamit xwakliik chaq sa' xmaril li ruuchich'och'.

Ezequiel 14:6

Jo'kan naq aatinaheb' li ralal xk'ajol laj Israel chi jo'ka'in: «Jo'ka'in naxye li Qaawa': Sutq'inqex chaq wik'in, kanab'omaq leejalanil yos ut tz'eqtaanahomaq li maa'usilal nekeb'aanu».

Levítico 26:3

“Wi texwanq jo' chanru naxye li waatin, wi teepaab' linchaq'rab' ut teek'anjela ru,

Deuteronomio 30:1

“Naq taak'ul chixjunil laawosob'tesinkil ut laatz'eqtaanankil li xinye aawe, wi taatz'il rix sa' laach'ool sa' xyanqeb' chixjunil li tenamit b'arwi' xatxcha'cha'i li Qaawa' laaYos,

Zacarías 8:7

“Jo'ka'in naxye li Nimajwal Yos: Tinkoleb' lintenamit naq twisiheb' chaq sa' xjayal releb'l saq'e ut sa' xjayal rokeb'l saq'e;