Nehemías 1:7 - Q'eqchi Bible

⁷ xb'aan naq ink'a' xqapaab' laachaq'rab', laawaatin ut laataqlahom li xak'e qe sa' xk'ab'a' laj Moisés aj k'anjel chawu.

Li Santil hu

⁷ Junes ma̱usilal yo̱co chixba̱nunquil cha̱cuu. Incꞌaꞌ yo̱co chixba̱nunquil li naxye la̱ chakꞌrab. Yo̱co ban chixkꞌetbal la̱ chakꞌrab li caqꞌue re laj Moisés laj cꞌanjel cha̱cuu.

Nehemías 1:7 ပူးပေါင်းရင်းမြစ်များ

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Daniel 9:13

Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.

Salmos 106:6

Xoomaakob'k chawu jo' ke'xb'aanu chaq eb' li qana' qayuwa', xqaq'et laawaatin ut xqab'aanu li maa'usilal.

Apocalipsis 19:2

xb'aan naq naraqok aatin sa' tiikilal ut rik'in yaal: xteneb' tojb'amaak sa' xb'een li xnimal ru aj yumb'eet, a' li xpo'ok ru li ruuchich'och' rik'in li xmuxb'al rib'; ut xk'e reeqaj li xkik'eleb' laj k'anjel li ke'kamsiik xb'aan li ixq”.

Malaquías 4:4

“Misachk sa' eech'ool li xchaq'rab' laj Moisés laj k'anjel chiwu, linchaq'rab' ut eb' li waatin li kink'e re sa' xb'een li tzuul Horeb, cho'q re chixjunileb' laj Israel.

Sofonías 3:7

Sa' inch'ool laa'in naq tinxxiwa Jerusalén ut tixk'ulub'an naq tintij; xink'oxla naq ink'a' tixtz'eq chirix li xch'ool chixjunil li xrahob'tesinkil inb'aan. Ab'an xe'xseeb'a chik rib' chi xb'aanunkil li k'iila maa'usilal.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

2 Crónicas 27:2

Laj Jotán kixb'aanu li nawulak chiru li Qaawa', jo' tz'aqal kixb'aanu laj Osías li xyuwa', ab'an ink'a' ki'ok sa' rochoch li Qaawa'. Ut eb' li tenamit ink'a' ke'xkanab' xb'aanunkil li ink'a' us.

2 Crónicas 25:4

Ab'anan ink'a' kixkamsiheb' li ralal xk'ajoleb' a'an, jo' chanru tz'iib'anb'il sa' xHuhil xChaq'rab' laj Moisés, b'arwi' li Qaawa' naxye chi jo'ka'in: “Eb' li na'b'ej yuwa'b'ej ink'a' te'kamsiiq xb'aan li maak ke'xb'aanu li alal k'ajolb'ej; chi moko eb' li alal k'ajolb'ej ink'a' te'kamsiiq xb'aan xmaakeb' li xna' xyuwa'eb'. Li junjunq taakamsiiq xb'aan li maak xb'aanu”.

1 Reyes 2:3

Chapaab' li xtaqlahom li Qaawa' laaYos. Chapaab' li raatin, li xq'usum, li xtijleb' ut li xchaq'rab' xtz'iib'ahom laj Moisés, re naq us tat-elq sa' chixjunil li taab'aanu yalaq b'ar tatxik.

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.

Deuteronomio 5:1

Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Deuteronomio 4:5

Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.

Deuteronomio 4:1

“Anaqwan, at Israel, ab'i li aatin ut eb' li chaq'rab' tink'ut cheru. Chek'anjela ruheb', re naq wanq eeyu'am ut tex'ok chi reechaninkil li ch'och' tixk'e eere li Qaawa', xYoseb' leena' leeyuwa'.

Levítico 27:34

A'aneb' a'in li chaq'rab' kixk'e li Qaawa' re laj Moisés sa' xb'een li tzuul Sinaí cho'q reheb' laj Israel.

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Salmos 89:31

“Wi eb' li ralal xk'ajol te'xq'et linchaq'rab' ut ink'a' te'xb'aanu jo' li waatin,

Salmos 89:32

wi te'xmux xyaalal lintaqlahom ut ink'a' te'xpaab' li chaq'rab'inb'ileb' wi',