Nehemías 1:4 - Q'eqchi Bible

⁴ Naq kiwab'i a'in, kink'ojlaak ut kin'ok chi yaab'ak. Ut chiru wiib' oxib' kutan q'axal kiraho'k sa' inch'ool, kin'ayuunik ut kintijok chiru li choxahil Yos.

Li Santil hu

⁴ Nak quicuabi resil cꞌaꞌru yo̱queb chixcꞌulbal, cꞌajoꞌ nak quirahoꞌ inchꞌo̱l. Quinchunub cuib ut quin-oc chi ya̱bac. Quintijoc chiru lin Dios cuan saꞌ choxa ut quinba̱nu in-ayu̱n cuib oxib cutan.

Nehemías 1:4 ပူးပေါင်းရင်းမြစ်များ

Daniel 9:3

Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.

Salmos 137:1

Chireheb' li nima' aran Babilonia xoochunlaak ut xooyaab'ak chi xk'oxlankil li tenamit Sión,

Esdras 10:1

Wiq'wo laj Esdras chiru rochoch li Yos, yo chi yaab'ak, chi tijok ut chi xxootoninkil li xmaak. Toja' naq jun tuub'eb' aj Israel, jo' winq, ixq ut kok'al, ke'xch'utub' rib' chi xsutam, k'ajo'eb' chi yaab'ak.

Nehemías 2:4

Kixye li awab'ej: “K'aru taawaj tinb'aanu?”. Toja' naq kinyaab'a xk'ab'a' li choxahil Yos

Romanos 12:15

Chisaho'q sa' eech'ool rik'ineb' li saheb' sa' xch'ool, chexyaab'aq rik'ineb' li yookeb' chi yaab'ak.

Sofonías 3:18

jo' na'uxmank sa' xkutankil li ninq'e. Jo'ka'in xye li Qaawa': “Twisi li rahilal ut li xutaan wankat wi'.

Daniel 2:18

Kixtz'aama ajwi' chiruheb' naq tijoqeb' chiru li Qaawa', re xpatz'b'al xnimal ruxtaan li xYos li choxa chirix li tz'aptz'ookil na'leb' a'an, re naq ink'a' te'kamsiiq rochb'eeneb' laj k'ehol na'leb' re Babilonia.

Esdras 9:3

Naq kiwab'i a'in, kinq'ich li waq' ut linb'aatal, kinmich' rismal linjolom ut linmach, ut kink'ojlaak chi q'axal ra sa' inch'ool.

Jonás 1:9

Kichaq'ok laj Jonás ut kixye: “Laa'in aj Hebreo, ut ninloq'oni ru li Qaawa', li xYos li choxa, laj Yoob'tesihom re li palaw ut li ruuchich'och'”, chan.

2 Samuel 12:16

Toja' naq laj David ki'ok chi tz'aamank ut elajink chiru li Qaawa' chirix li k'uula'al. Ki'ayuunik ut rajlal naq na'ok sa' rochoch, naxnumsi li q'oqyink chi yokyo sa' ch'och'.

Salmos 136:26

Chexyoxinq chiru li Qaawa', li xYos li choxa, li xnimal xrahom wank chi junelik!

Daniel 10:2

“Chiruheb' li kutan a'an, laa'in laj Daniel kinkawresi wib' chiru oxib' xamaan chi ra sa' inch'ool:

2 Reyes 22:19

chirix li na'ajej a'in ut eb' li xpoyanamil li te'sache'q ru ut te'majewaaq. Xyot'e'k laach'ool, xakub'si laawankil chiru li Qaawa', xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

2 Crónicas 6:13

Laj Salomón kixyiib' rik'in q'anch'iich' jun li na'ajej najt xteram, wank xkab' moqoj xnimal roq, juntaq'eet li xnimal ru ut waqib' k'utub' xteram; kixk'e sa' xyi li neb'aal, kixwiq'ib' rib' sa' xb'een, chiruheb' chixjunil laj Israel, ut kixtaqsiheb' li ruq' sa' choxa. Kitijok chi jo'ka'in:

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Esdras 9:5

Sa' li honal a'an kik'ulunk wi' chik linch'ool, ut chi q'ichilkeb' li waq' ut linb'aatal kinwiq'ib' wib', kintaqsiheb' li wuq' chi elajink chiru li Qaawa' linYos

Nehemías 2:20

Ab'anan laa'in kinchaq'b'eheb': “Li choxahil Yos tooxk'e chi q'axok u. Laa'o li nokook'anjelak chiru ok qe chi k'anjelak. Ut laa'ex maak'a' truuq teereechani arin; maak'a' eek'ulub'; moko eek'ulub' ta naq wanq eepatz'b'al sa' li tenamit Jerusalén”, chankin reheb'.

Salmos 102:15

Eb' laj k'anjel chawu k'ajo' naq neke'xra eb' li pek kab'lanb'il wi', ut neke'raho'k sa' xch'ool chi rilb'al li xpo'lemil laatenamit.