Nehemías 1:3 - Q'eqchi Bible

³ Kine'xchaq'b'e: “Eb' li ink'a' koheb' chi preexil ut ke'kanaak sa' xteepal Judá, wankeb' anaqwan sa' rajb'al ru ut naab'al li rahilal yookeb' xk'ulb'al. Juk'inb'il li tz'ak sutsu wi' Jerusalén, ut k'atb'il li xtz'apb'al rokeb'aal li tenamit”, chankeb'.

Li Santil hu

³ Ut eb aꞌan queꞌxye cue nak eb laj judío li queꞌsukꞌi Jerusalén cuanqueb saꞌ raylal ut xuta̱nal yo̱queb chixcꞌulbal. Juqꞌuinbil li tzꞌac li sutsu cuiꞌ li tenamit joꞌ ajcuiꞌ li oqueba̱l ut cꞌatbil lix puertil.

Nehemías 1:3 ပူးပေါင်းရင်းမြစ်များ

Nehemías 2:17

Toja' naq kinye reheb': “Laa'ex ajwi' nekek'e reetal li rahilal wanko wi', xb'aan naq po'lem xkanaak Jerusalén ut eb' li rokeb'aal k'atb'ileb' xb'aan li xam. Kimqex ut qawaklesiiq wi' chik li xsuttz'akil Jerusalén, re naq ink'a' chik toose'eq xb'aaneb' chixjunileb'”, chankin.

2 Reyes 25:10

Chixjunileb' laj puub' aj Kaldeha li ke'ochb'eenink re li xjolomileb', ke'xjuk'i li xsuttz'akil li tenamit Jerusalén.

Nehemías 7:6

“A'an a'in xk'ab'a'eb' laj Israel li ke'k'ame'k chi preexil xb'aan laj Nabukodonosor, awab'ej re Babilonia, ut ke'sutq'iik wi' chik Jerusalén ut Judá, ak sa' xna'aj xna'aj li junjunq.

Nehemías 2:13

Sa' ajwi' li q'oqyink a'an kin'elk sa' li Okeb'aal naxik taq'a ut kohin sa' xjayal li Yu'amha' re li Mama' Xul jo'wi' sa' xjayal li Okeb'aal re li Mul. Kink'e reetal naq juk'inb'il li suttz'ak sutsu wi' Jerusalén ut k'atb'il li rokeb'aal xb'aan li xam.

Nehemías 2:3

ut kinye re li awab'ej: “At awab'ej, sahaq taxaq aach'ool chi junelik! K'a' naq ink'a' rahaq inch'ool? Li tenamit b'arwi' wank xmuqleb'aaleb' linna' linyuwa' xkanaak chi po'lemil ut k'atb'il chik li rokeb'aal”.

Esdras 5:8

Tqaj xyeeb'al aawe, at awab'ej, naq laa'o xoowulak Judá, chi rilb'al li rochoch li Nimajwal Yos. Ut xqak'e reetal naq yookeb' chi xkab'lankil rik'in ninqi pek, neke'xtz'alamche'i ru li xtz'akil, ut li k'anjel yo chi yaalo'k sa' junpaat ut us yo chi elk chiruheb'.

Lamentaciones 5:1

At Qaawa', chijultiko'q taxaq aawe li k'aru xqak'ul; chawil ut chak'e reetal li qahob'b'al xb'aaneb'.

Lamentaciones 3:61

Xawab'i chanru nikine'xhob', at Qaawa', ut li k'aru neke'xk'uub' chiwix.

Lamentaciones 1:7

Jerusalén najultiko'k re li kutan xwank wi' sa' rahilal ut junaatalil; najultiko'k re chanru naq junxil xwank naab'al xb'ihomal. Najultiko'k re chanru naq xt'ane'k sa' ruq'eb' li xik' neke'ilok re, chi maajun xchalk chi tenq'ank re. K'ajo' naq xate'reetz'u eb' li xik' neke'ilok aawe rik'in rilb'al laawoso'jik, at Jerusalén!

Jeremías 52:14

Eb' laj puub' aj Kaldeha, li ke'chalk chirix laj Nabusaradán, ke'xjuk' chixjunileb' li xsuttz'akil li tenamit Jerusalén.

Jeremías 42:18

“Jo'ka'in xye li Nimajwal Yos, li xYos laj Israel: «Jo' naq xink'ut linjosq'il chiruheb' laj Jerusalén, jo'kan ajwi' naq taachalq linjosq'il sa' eeb'een wi texxik Ejiipt. Texmajewaaq, texse'eeq, tex'eetz'uuq ut xutaanalaqex yalaq b'ar, ut ink'a' chik teeril li na'ajej a'in».

Jeremías 39:8

Eb' laj Kaldeha ke'xk'at li rochoch li awab'ej jo' ajwi' li rochocheb' li poyanam, ut ke'xjuk' li xsuttz'akil Jerusalén;

Jeremías 29:18

Texinrahob'tesi rik'in li raaxiik', li we'ej ut li raxkamk, ut q'axal xiwajel texkanaaq cho'q reheb' chixjunil li tenamit; texmajewaaq, texse'eeq, tex'eetz'uuq ut xutaanalaqex yalaq b'ar xexincha'cha'i.

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Jeremías 5:10

Okanqex sa' li tenamit ut sachomaq, ab'an moko teesach ta chi junajwa. Ka'ajwi' li ink'a' chaab'ileb' xch'ool teerisi, xb'aan naq moko weheb' ta.

Isaías 43:28

Jo'kan naq kinsach ruheb' li xjolomileb' li tenamit, kink'e chi sache'k laj Jakob chi junajwa ut kinq'axtesi laj Israel chi majewaak.

Isaías 5:5

Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Salmos 79:4

Xutaanalo wi' chiruheb' li tenamit nach' wankeb', eb' li wankeb' chi qasutam nokoohe'xse'e ut nokoohe'reetz'u.

Ester 1:1

A'in kik'ulmank chiru xyu'am laj Asuero naq kitaqlank cho'q awab'ej sa' xb'een wuqub' xwuqk'aal (127) teep chi tenamit chalen chaq sa' xteepal India toj Etiopía

Nehemías 11:3

A'aneb' a'in li xjolomileb' li tenamit ke'kanaak Jerusalén. Sa' xteepal Judá koxe'na'ajunq eb' laj Israel, eb' laj tij, eb' laj Leví, eb' laj k'anjel sa' rochoch li Yos ut eb' li ralal xk'ajol li ke'k'anjelak chiru laj Salomón, li junjunq wank xtenamit ut li xch'och'.

Esdras 2:1

A'an a'in xk'ab'a'eb' laj Israel li ke'k'ame'k chi preexil xb'aan laj Nabukodonosor, li awab'ej re Babilonia, ut ke'sutq'iik wi' chik Jerusalén ut Judá, ak sa' xna'aj xna'aj li junjunq.

1 Reyes 9:7

relik chi yaal naq twisi chixjunileb' laj Israel sa' li ch'och' kink'e reheb', twisi sa' xnaq' wu li ochoch a'in li xinsantob'resi sa' ink'ab'a', ut eb' laj Israel te'kanaaq cho'q se'leb'aal sa' xyanqeb' chixjunileb' li tenamit.

Proverbios 25:28

Li winq li ink'a' naxkuy rib', a'an chanchan junaq tenamit maak'a' xsuttz'akil re xkolb'al rib'.

Lamentaciones 2:9

T'anjenaqeb' chik sa' ch'och' eb' li xtz'apb'al ut xnat'b'aleb' rix li okeb'aal: li Qaawa' xjuk'uk ut xjorok reheb'. Li awab'ej ut li xninqaleb' ru winq wankatqeb' chik sa' xyanqeb' li maak'a'eb' xpaab'aal. Maak'a' chik Chaq'rab', ut eb' li propeet maak'a' chik neke'rab'i rik'in li Yos.

Levítico 26:31

po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

2 Crónicas 36:19

Ke'xk'at ajwi' li rochoch li Qaawa', ke'xjuk' li xsuttz'akil Jerusalén, ke'xk'e xxamlel li xninqaleb' ru ochoch ut ke'xputz'i chixjunil li k'a'aq re ru jwal loq'.