Miqueas 4:7 - Q'eqchi Bible

⁷ Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Li Santil hu

⁷ Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ.

Miqueas 4:7 ပူးပေါင်းရင်းမြစ်များ

San Lucas 1:33

Taa'awab'ejinq sa' xb'een li rochoch laj Jakob chi junelik, ut li xnimal awab'ejihom ink'a' taalajq taa'oso'q.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Isaías 24:23

Naq li Qaawa', li Nimajwal Yos, taa'awab'ejinq sa' li tzuul Sión ut Jerusalén, li po ut li saq'e te'q'oqyino'q ru ut eb' laj k'amol b'e te'ril li xloq'al li Qaawa'.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Oseas 1:10

Sa' jun kutan eb' laj Israel te'k'ihanq ut li xk'ihaleb' kama'aq li samahib' chire li palaw; maajun taaruhanq chi b'isok re chi moko rajlankil. Ut ink'a' chik taayeemanq reheb': “Maawa'ex lintenamit”, li Yos b'an tixye reheb': “Laa'ex ralal li yo'yookil Yos”.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Isaías 66:8

Ani x'ab'ink naq xk'ulmank junaq na'leb' jo' a'an? Ani x'ilok re junsutaq naq xyo'laak junaq tenamit yal chiru jun kutan malaj yal sa' junpaat xwakliik jun tenamit? Ab'anan Sión, naq xtaw xkutankil li alank, sa' junpaat xtenamito'k.

Isaías 60:22

Eb' a'in jun ch'ina ch'uuteb' chi tenamit, ab'an te'pukanq chi k'iila o'q'ob'; ut sa' jun ch'ina teep taa'elq jun nimla tenamit q'axal kaw rib'. Laa'in li Qaawa' tinb'aanu chixjunil a'in chi junpaat naq taawulaq xq'ehil”, chan li Yos re li tenamit Jerusalén.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Salmos 2:6

“Laa'in xinxaqab'ank re lin'awab'ej aran Sión sa' linloq'laj tzuul”, chan.

Isaías 16:5

toja' naq jun sa' xyanqeb' li ralal xk'ajol laj David taa'ok cho'q awab'ej, taa'awab'ejinq rik'in chaab'ilal ut tiikilal, tixk'e xch'ool chi xsik'b'al li yaal ut seeb'aq xk'a'uxl chi raqok aatin jo' xk'ulub' li junjunq.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Joel 2:32

Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

Sofonías 3:13

Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.

Ezequiel 43:7

kixye we: “At kaamel winq, arin wank link'ojarib'aal, b'arwi' tinxaqab' eb' li woq; arin wanqin sa' xyanqeb' laj Israel chi junwaakaj. Eb' a'an ut eb' li x'awab'ej ink'a' chik te'xsach xloq'al linsantil k'ab'a' rik'in li xmaa'usilaleb': ink'a' chik te'xyiib'atq xjalam uheb' li awab'ej li xe'kamk,

Abdías 1:21

Te'numtaaq sa' xb'eeneb' ut te'taqsinq aran Sión re raqok aatin sa' xb'eeneb' li xtzuululeb' laj Esaú, ut a' chik li Qaawa' taa'awab'ejinq.

Miqueas 2:13

K'amolb'ehaq li Qaawa' chiruheb', ut eb' a'an te'xik chirix ut te'nume'q sa' rokeb'aal li tenamit. Li Qaawa' a'an li x'awab'ejeb' ut taaxik chi uub'ej: aj k'amolb'ehaq chiruheb' chixjunil.

Sofonías 3:20

Chiruheb' li kutan a'an texink'am chaq ut texinch'utub'. Toja' naq tinnima leek'ab'a' ut texink'e chi nawe'k sa' xyanqeb' chixjunileb' li tenamit sa' ruuchich'och', naq texwosob'tesi wi' chik”, chan li Qaawa' Yos.