Miqueas 4:4 - Q'eqchi Bible

⁴ Ut li junjunq taahilanq sa' xmu li rochoch sa' tuqtuukilal, chi maak'a'aq xxiw. A'an a'in xyehom li Qaawa', li Nimajwal Yos.

Li Santil hu

⁴ Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

Miqueas 4:4 ပူးပေါင်းရင်းမြစ်များ

Zacarías 3:10

Naq taawulaq li kutan a'an, teech'utub' eerib' chi hilank sa' xmu li kab'l sa' tuqtuukilal, chan li Nimajwal Yos»”.

1 Reyes 4:25

Chiru chixjunil li xyu'am laj Salomón eb' laj Judá ut eb' laj Israel ke'wank chaq sa' tuqtuukilal ut ke'hilank chi saheb' sa' xch'ool sa' xmu li rochocheb', chalen chaq Dan toj Berseba.

Ezequiel 39:26

Twisiheb' chaq sa'eb' li jalanil tenamit li xik' neke'ilok reheb' ut tinch'utub'eb' wi' chik sa' li xna'ajeb'. Toja' naq sa wanqeb' aran, chi maak'a' chik taaxib'esinq reheb'. Chi jo'kan tink'ut linsantilal, ut naab'aleb' li tenamit te'xk'e reetal a'an. Eb' laj Israel te'chalq xxutaan xb'aan naq xe'xq'etq'eti rib' chiwu.

Isaías 1:20

ab'an wi toj q'etq'etex, ch'olch'o naq texkamq chi ch'iich'. Laa'in li Qaawa' xinyehok eere a'in”.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Ezequiel 34:28

Ink'a' chik te'chape'q xb'aaneb' li jalanil tenamit, chi moko te't'upiiq xb'aaneb' li josq' aj xul. Sa' xyaalal chik te'wanq ut maajun chik taaxib'esinq reheb'.

Isaías 58:14

Wi taab'aanu chi jo'kan, taasaho'q laach'ool wik'in ut tatink'am cho'q aj q'axol u sa' xb'eeneb' li najt xteramil tzuul re li ruuchich'och'. Ut tatinch'oolani rik'in li reechanihom laj Jakob, laayuwa'. Laa'in, li Qaawa', xinyehok re a'in”.

Isaías 40:5

Toja' naq taak'utunq li xloq'al li Qaawa' ut chixjunileb' li poyanam te'ril ru. Xb'aan naq li Qaawa' xyehok re”.

Ezequiel 38:11

Taaye: Tinxik chi yalok rik'in jun tenamit li maak'a' xkolb'aleb' rib', sa wankeb' ut k'ojk'o xch'ooleb'. Chixjunileb' li na'ajej wankeb' wi' moko sutsuukeb' ta chi tz'ak, maak'a' xtz'apb'al ut xnat'b'al eb' li rokeb'aaleb'.

Ezequiel 34:25

Tink'ojob' jun li sumwank rik'ineb' a'an, re naq sa te'wanq, ut twisiheb' li josq' aj xul sa' li xna'ajeb', re naq eb' linkarneer te'wanq sa' tuqtuukilal sa'eb' li k'aleb'aal ut te'hilanq sa'eb' li k'iche'.

Isaías 26:16

At Qaawa', xatqasik' naq yooko chi k'uluk rahilal ut ink'a' chik naqakuy li qarahob'tesinkil aab'aan.

Levítico 26:6

Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Li xHu LAJ JOB 11:19

Maak'a' taaxib'esinq aawe naq yooqat chi hilank, ut naab'aleb' te'chalq chi xpatz'b'al aawe xtenq'ankileb'.

Salmos 72:3

Eb' li tzuul ut eb' li b'ool te'xk'am ta chaq li tuqtuukilal ut tiikilal re li tenamit.

Isaías 17:2

Eb' li tenamit sa' xteepal Siria te'kanab'aaq chi junajwa ut te'sutq'iiq cho'q xna'ajeb' li ketomq; aran te'hilanq eb' li xul ut maajun taaxib'esinq reheb'.

Isaías 22:25

«Ab'anan sa' li kutan a'an -chan li Nimajwal Yos-, taaq'unaaq li klawx a'in ut taa'isiiq sa' li kawil tz'ak, ut chixjunil li k'a'aq re ru t'uyt'uuq chiru taat'ane'q ut kok'putz' tkanaaq»”.

Isaías 36:16

Meepaab' li raatin laj Esekías, xb'aan naq jo'ka'in xye chaq li awab'ej re Asiria: «K'amomaq eerib' sa' usilal wik'in ut q'axtesihomaq eerib' chiwu. Chi jo'kan li junjunq eere sa tixtzeka ru li x'uub' ut li x'iig, ut taaruk' li ha' wank sa' li xkumb'.

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

1 Reyes 5:5

Jo'kan naq twaj xkab'lankil li rochoch li Qaawa' linYos, jo' chanru kixye re laj David linyuwa': «A' laawalal li tinxaqab' chi awab'ejink sa' laak'ojarib'aal, a'an taakab'lanq re li ochoch sa' ink'ab'a'», chan.

Proverbios 3:25

Ink'a' taaxiwa li rahilal taachalq chi junpaat, chi moko li xsachikeb' li ink'a' useb' xch'ool,

Isaías 32:17

Li xk'anjel li tiikilal a'an li wank sa' tuqtuukilal, ut li naruuchin li k'ulub'ej a'an li sahil wank ut li kawil ch'oolej chi junajwa.

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Sofonías 3:13

Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.