Miqueas 3:9 - Q'eqchi Bible

⁹ Ab'ihomaq anaqwan li aatin a'in, ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Laa'ex xik' nekeril li tiikilal ut nekepo' ru li k'ulub'ej;

Li Santil hu

⁹ Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Miqueas 3:9 ပူးပေါင်းရင်းမြစ်များ

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Proverbios 17:15

Rach'ab'ankil li xmaakob'k ut xteneb'ankil maak sa' xb'een li maak'a' xmaak, ink'a' nawulak chiru li Qaawa'.

Deuteronomio 27:19

«Tz'eqtaananb'ilaq li ani tixq'et li xk'ulub' laj ab'l tenamit, li neb'a'yox ut li xmalka'an». Ut chixjunil li tenamit te'xye: «Jo'kan».

Miqueas 3:1

Ut laa'in xinye: “Ab'ihomaq anaqwan, laa'ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Ma ink'a' tab'i' sa' eeb'een wank xnawb'al k'aru li tiikilal?

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Jeremías 5:28

ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Levítico 26:15

wi teeq'etq'eti eerib' chiru lintaqlahom ut teetz'eqtaana li waatin, wi ink'a' teek'anjela ru chixjunil linchaq'rab' ut teeq'et linSumwank,

Éxodo 3:16

Ayu, taach'utub'eb' li xcheekelaleb' laj Israel ut taaye reheb': «Li Qaawa', li xYos leexe'toonil yuwa', li xYos laj Abrahán, laj Isahak ut laj Jakob xk'ut rib' chiwu ut xye we: Xulexwil ut xink'e reetal chixjunil li xek'ul Ejiipt.

Proverbios 18:5

Moko us ta naq laj raqol aatin narach'ab' li wank xmaak ut naxteneb' maak sa' xb'een li tiik xch'ool.

Proverbios 21:7

Li raaxiik' nasachok reheb' li ink'a' useb' xna'leb', xb'aan naq ink'a' neke'wank sa' tiikilal.

Ezequiel 44:23

“Eb' laj tij te'xtzol lintenamit chirix li k'aru jwal loq' ut li ink'a' loq'; chirix li k'aru saq ru ut li ink'a' saq ru.

Miqueas 1:1

A'an a'in li raatin li Qaawa' li kixk'ul laj Mikeas, aj Moséret, ut li kiril sa' moy u chirix Samaria ut Jerusalén, naq laj Jotán, laj Ajás ut laj Esekías wankeb' chaq chi awab'ejink sa' xb'een Judá.

Nehemías 13:17

Toja' naq keb'inq'us chi kaw li wankeb' chi jolomink re Judá ut kinye reheb': “K'ajo' xyib'al ru yookex naq nekemux li kutan sábado!

Proverbios 17:23

Li ink'a' us xna'leb' nak'uluk tumin sa' muqmu, re naq ink'a' taawanq li tiikilal.

Amós 5:7

Ra chaalel sa' eeb'een laa'ex li nekepo' ru li tiikilal ut nekesach xwankil li k'ulub'ej.