Miqueas 3:7 - Q'eqchi Bible

⁷ Eb' laj ilol sa' moy u ut eb' laj q'e te'kanaaq sa' xutaan ut te'se'eeq. Mem te'kanaaq chixjunileb' naq ink'a' te'sumeeq chaq xb'aan li Yos.

Li Santil hu

⁷ Quixye ajcuiꞌ laj Miqueas: —Xuta̱nal teꞌxcꞌul li teꞌoc raj xyebal li cꞌaꞌru ta̱cꞌulma̱nk. Ut talajeꞌsachk xnaꞌlebeb laj kꞌe. Ma̱cꞌaꞌ chic ta̱ru̱k teꞌxye xban nak incꞌaꞌ chic teꞌsume̱k xban li Ka̱cuaꞌ Dios.

Miqueas 3:7 ပူးပေါင်းရင်းမြစ်များ

Zacarías 13:4

“Sa' li kutan a'an eb' li propeet te'xutaanaq chik chirix li te'ril sa' moy u, ut ink'a' chik te'b'alaq'inq rik'in xk'eeb'al li mutzuk ru aq'ej chirixeb'.

Isaías 44:25

Laa'in ninpo'ok ru li neke'xye eb' laj q'e, ut ninjuk' li esil neke'xye li neke'b'alaq'ink; ninsach xk'a'uxeb' li wankeb' xna'leb', ut memil nakanaak wi' li xnawomeb'.

Amós 8:11

Relik chi yaal naq taawulaq xkutankil naq tintaqla chaq li tz'okaak sa' li ruuchich'och', ab'anan maawa' chirix leewa leeruk'a', textz'okaaq b'an chirix rab'inkil raatin li Qaawa'.

Ezequiel 24:17

Maak'ut xrahil laawaanm, yalaq kuy li rahilal chirix li kamenaq: b'at laajolom sa' t'ikr, k'e laaxaab' chawoq; maatz'ap li xnaq' aawu, chi moko taawa' li xwahil li rahil ch'oolej”.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Levítico 13:45

“Ani saqlep rix, tento twanq chi q'ichb'ilaq li raq' ut ink'a' lanb'ilaq li xjolom; ka'ajwi' tixtz'ap b'ayaq li xnaq' ru ut tixjap re chi xyeeb'al: «Muxb'ilin! Muxb'ilin!», cha'aq.

Miqueas 7:16

Eb' li tenamit junch'ol te'ril a'an, ut us ta q'axal kaweb' rib', te'kanaaq sa' xutaan. Te'memo'q ut te'tz'apxiko'q.

Ezequiel 24:22

Ut ye reheb': Laa'ex teeb'aanu jo' xinb'aanu laa'in: ink'a' teemuq li xnaq' eeru chi moko teewa' li xwahil li rahil ch'oolej;

Salmos 74:9

Ink'a' chik naqil li qeetalil ut maak'a'eb' chik li propeet, chi moko wank junaq ta qe li naxnaw toj jo'q'e qu.

1 Samuel 28:15

Toja' naq laj Samuel kixye re laj Saúl: “K'a' naq nikinaach'i'ch'i'i ut nikinaapatz'?”. Kichaq'ok laj Saúl: “Wankin sa' jun nimla ch'a'ajkilal: eb' laj Filistea yookeb' chi yalok wik'in ut li Yos xinxkanab'. Ink'a' chik nikinxsume chi moko rik'ineb' propeet, chi moko sa' inmatk'. Jo'kan naq xatinb'oq chaq re naq taaye we k'aru tinb'aanu”.

1 Samuel 14:37

Ut laj Saúl kixpatz' re li Yos: “Ma tinkub'eeq chi raanilasinkileb' laj Filistea? Ma taaq'axtesiheb' sa' ruq'eb' laj Israel?”, chan. Ab'an li Yos ink'a' kixsume laj Saúl sa' li kutan a'an.

1 Samuel 9:9

Junxil chaq, aran Israel, naq junaq naraj patz'ok rik'in li Yos, naxye: “Yo'qeb' rik'in laj ilol moy u”, xb'aan naq junxil li propeet “aj ilol moy u” nayeemank re.

Éxodo 9:11

Chi moko eb' laj q'e ke'xkuy wank chiru laj Moisés xb'aaneb' li sankil xox, xb'aan naq eb' laj q'e ajwi' kilaje'wank sankil xox chirixeb', kama' chixjunileb' laj Ejiipt.

Miqueas 3:4

Jo'kan wi teeyaab'a xk'ab'a' li Qaawa', A'an ink'a' texxsume chaq. Chiruheb' li kutan a'an tixmuq rib' cheru xb'aan li maa'usilal xeb'aanu”.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.