Miqueas 3:2 - Q'eqchi Bible

² Ab'anan laa'ex neketz'eqtaana li us, ut a' chik li maa'usilal nekera; nekerahob'tesiheb' lintenamit toj chiru li xb'aqeleb'.

Li Santil hu

² La̱ex nequera li incꞌaꞌ us ut nequetzꞌekta̱na li us. La̱ex nequexrahobtesin reheb lin tenamit. Chanchan nak nequerisi lix tzꞌu̱maleb chiru lix tibeleb ut nequerisi lix tibeleb chiru lix bakeleb nak nequerahobtesiheb.

Miqueas 3:2 ပူးပေါင်းရင်းမြစ်များ

Ezequiel 22:27

Li xjolomileb' li tenamit chanchaneb' laj xojb' li neke'xt'upi li xtzakeb', yo'ooneb' chi kamsink ras riitz'in re relq'ankil li xb'ihomaleb'.

Proverbios 28:4

Li naxtz'eqtaana li chaq'rab' nasaho'k xch'ool chirixeb' li ink'a' useb' xna'leb'; ab'an li tiik xch'ool xik' narileb'.

Salmos 53:4

Ab'an sachenaqeb' sa' b'e chixjunileb', junxikikeb' sa' li maa'usilal. Maak'a' junaq nab'aanunk li us, yal jun taxaq.

Romanos 12:9

Mexrahok yal chi pak'b'il, chetz'eqtaana li ink'a' us, chapchooqex chi kaw rik'in li us.

Isaías 3:15

Ab'anan k'aru leewankil naq yookex xrahob'tesinkil lintenamit ut xtawasinkileb' li neb'a'?”, chan li Qaawa', li Nimajwal Yos.

2 Crónicas 19:2

kolk'ule'q xb'aan laj Jehú, ralal laj Jananí, laj ilol moy u: “K'a'ut naq nakatenq'aheb' li ink'a' useb' xna'leb' ut nakaraheb' li neke'tz'eqtaanank re li Qaawa'? -chan laj Jehú re laj Josafat-. Xb'aan a'an li Qaawa' xchalk xjosq'il sa' aab'een.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

2 Timoteo 3:3

Ink'a' chik te'xrahatq rib', maak'a'aq chik usilal rik'ineb', aj yoob'anelaqeb' aatin, ink'a' te'xkuy rib', q'axal josq'aqeb', xik' te'ril li chaab'ilal,

Romanos 1:32

Us ta ch'olch'o chiruheb' li xchaq'rab' li Yos, li naxye naq eb' li neke'b'aanunk re a'in teneb'anb'il li kamk sa' xb'eeneb', ab'an moko ka'aj ta wi' neke'xb'aanu li maak, neke'saho'k aj b'an wi' sa' xch'ool rik'ineb' li neke'b'aanunk a'in.

San Juan 18:40

Toja' naq ke'xjap wi' chik reheb': —A'an ink'a'; a'aq b'an laj Barrabás, chankeb'. Ut laj Barrabás a'an jun xnimal aj elq'.

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

San Lucas 19:14

Ab'anan eb' li rech tenamitul xik' neke'ril li winq a'an; jo'kan naq ke'xtaqlaheb' xtaql re xyeeb'al sa' li najtil tenamit: «Ink'a' naqaj naq a'an taa'awab'ejinq qe».

Sofonías 3:3

Li xninqaleb' ru winq li wankeb' aran, chanchaneb' li kaqkoj chaajeb' re; eb' laj raqol aatin jo'keb' laj xojb' sa' li chaqich'och' li ink'a' neke'xkanab' xtib'eb' re wulaj.

Ezequiel 34:3

Laa'ex nekex'uk'ak re li xya'al xtu' li karneer, nekeyiib' leeb'aatal chiru li rixeb' ut li rismaleb'; nekekamsi eb' li jwal ninqeb' xtib'el, ab'anan ink'a' nekerileb' chi us leekarneer.

Salmos 15:4

xik' naril li tento xtz'eqtaanankil ut naroxloq'i li naxxiwa ru li Qaawa'; li ink'a' naxjal ru li xyeechi'om rik'in jurament, us ta ra tixk'ul sa' xk'ab'a' li yaal;

Isaías 57:12

A'ut anaqwan tink'e chi kutankil laab'aanuhom jo'wi' laana'leb' li maak'a' na'ok wi'.

Ezequiel 11:7

Jo'kan naq laa'in, li Qaawa', ninye eere chi jo'ka'in: Eb' li kamenaq li xekuti sa' b'e sa' li tenamit Jerusalén, a'aneb' li tib'; ut Jerusalén a'an li uk'al. Ab'an laa'in texwisi sa' li tenamit a'in.

Ezequiel 24:4

Nujob'resi rik'in setinb'il tib', xkomon li chaab'il tib', li ra' ut xyi rix li xul; k'e ajwi' li chaab'il b'aq sa' li uk'al.

Miqueas 2:8

Laa'ex nekexnumtaak sa' xb'een lintenamit. Nekemaq' li xchaab'il aq'eb' li neke'sutq'iik chaq chi yalok chi saheb' sa' xch'ool.

Miqueas 7:2

Sa' ruuchich'och' maajun chik tiik xch'ool ut maa'ani chik junaq aj paab'anel. Chixjunileb' kawal wankeb' chi b'aanunk maa'usilal ut neke'xra'le rib' chirib'ileb' rib'.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Isaías 5:20

Ra chaalel sa' eeb'een li nekexyehok us re li ink'a' us, ut moko us ta nekeye re li chaab'ilal; li nekek'e cho'q saqenk li aak'ab', ut li q'oqyink nekek'e cho'q kutan; li nekek'e li k'a cho'q ruuchil li ki', ut li ki' nekek'e cho'q k'a.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.