Miqueas 2:3 - Q'eqchi Bible

³ Jo'kan naq li Qaawa' xye chi jo'ka'in: “Laa'in ajwi' xink'uub' jun rahilal cho'q eere. Tintaqla sa' eeb'een jun rahilal li ink'a' texruuq wi' xkolb'al eerib'; ut ink'a' chik texb'eeq chi wanq eewankil, xb'aan naq chalk re xkutankil li sachok.

Li Santil hu

³ Joꞌcan nak quixye li Ka̱cuaꞌ: —La̱in tintakla li raylal saꞌ e̱be̱n. Ut incꞌaꞌ ta̱ru̱k te̱col e̱rib chi moco te̱nimobresi chic e̱rib xban nak tintakla li raylal saꞌ e̱be̱n.

Miqueas 2:3 ပူးပေါင်းရင်းမြစ်များ

Amós 5:13

Jo'kan naq ani wank xna'leb' ink'a' na'aatinak anaqwan, xb'aan naq moko chaab'ileb' ta li kutan a'in.

Jeremías 8:3

Ut q'axal us li kamk chiru li yu'amej cho'q reheb' chixjunil li te'kole'q re a reemaaru aj tenamit a'in, sa'eb' li na'ajej b'arwi' teb'incha'cha'i -chan li Nimajwal Yos-.

Jeremías 18:11

“Jo'kan utan, ye a'in reheb' laj Judá ut reheb' laj Jerusalén: «Li Qaawa' xye chi jo'ka'in: Yookin xkawresinkil eerahob'tesinkil ut ak yookin xk'uub'ankil. Kanab'omaq xb'aanunkil li maa'usilal, tiikob'resiiq ru leeyu'am ut leeb'aanuhom».

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Lamentaciones 5:5

Jo' jun b'itche' xe'xk'e sa' qab'een; xootawaak, ut ink'a' nokoohe'xk'e chi hilank.

Lamentaciones 2:17

Li Qaawa' xb'aanu li k'uub'k'u xb'aan; xtz'aqlok ru li raatin yeeb'il chaq junxil. Li Yos xjuk'uk chi ink'a' xril xtoq'ob'aal aawu; ut xk'e li xik' na'ilok aawe chi xq'axb'al aawu ut chi saho'k sa' xch'ool.

Efesios 5:16

Meekoleb' li kutan a'in xb'aan naq moko useb' ta li yookohatq chi rilb'al.

Romanos 16:4

Eb' a'an xe'xk'e rib' sa' li xiwxiwil re xkolb'al linyu'am. Ut moko ka'aj ta wi' laa'in ninyoxink reheb', jo'kaneb' ajwi' chixjunileb' li Iklees maawa'eb' aj Judiiy.

Miqueas 2:1

Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Amós 2:14

Toja' naq li kaw na'aanilak ink'a' tixkuy elelik; li kaw xmetz'ew maak'a' chik taa'ok wi' chi moko li kaw rib' tixkol li xyu'am.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Lamentaciones 1:14

Li Qaawa' xch'utub' ru chixjunileb' linmaak sa' inb'een, kama' najit'mank junaq iiq chinkux. Maak'a' chik inmetz'ew ut ink'a' chik ninkuy. Li Qaawa' xq'axtesink we sa' ruq'eb' a'an, ut ink'a' ninkuy xsumenkileb'.

Jeremías 43:2

laj Asarías, ralal laj Hosaías, ut laj Jwan, ralal laj Kareha, rochb'eeneb' li winq jwal q'etq'eteb', ke'xye re laj Jeremías: “Tik'ti' li yookat chi xyeeb'al qe. Li Qaawa', li qaYos, ink'a' xatxtaqla chaq xyeeb'al qe naq ink'a' tooxik chi wank Ejiipt.

Jeremías 36:23

Rajlal naq laj Jehudí naxyaab'asi oxib' malaj kaahib' tzol chi aatin, li awab'ej naxseti a'an chiru li xch'iich' laj tz'iib' ut naxkut sa' ru xam. Jo'kan kixb'aanu toj reetal kixchoy xk'atb'al li hu sa' li ru xam.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

Jeremías 27:12

Laa'in laj Jeremías kinye chixjunil li esil a'in re laj Sedesías, li awab'ej re Judá, ut kinye ajwi' re chi jo'ka'in: “K'ehomaq eerib' rub'el xwankil li awab'ej re Babilonia ut li xtenamit, re naq teekol leeyu'am.

Isaías 5:19

Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

Isaías 3:16

Li Qaawa' kixye ajwi' chi jo'ka'in: “Eb' li ixq aj Sión q'axal neke'xk'e xwankil, neke'xja'ab' rib' naq neke'b'eek; jwal josq' josq' neke'ilok ut neke'xk'osatq li xyokb' yal re xk'eeb'al chi eek'ank li xsahob' ru li roqeb'.

Deuteronomio 28:48

tatk'anjelaq chiruheb' li xik' neke'ilok aawe, li tixtaqlaheb' li Qaawa' aawik'in. Tattz'okaaq ut taachaqiq aawe, maak'a'aq aab'aatal ut wanqat sa' rajb'al ru chi junajwa. Li Qaawa' tixk'e chakux jun b'itch'iich' toj reetal tat-oso'q.

Amós 3:1

Ab'ihomaq li naxye li Qaawa' cherix laa'ex aj Israel, jo'k'ihalex li kexwisi chaq sa' li tenamit Ejiipt:

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Isaías 29:20

Xb'aan naq maak'a'aq chik li kawil taqlank, ak sachb'ilaqeb' chik eb' laj eetz'unel, ut talaje'oso'q chixjunileb' li neke'raj b'aanunk maa'usilal,