Miqueas 2:2 - Q'eqchi Bible

² Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

Li Santil hu

² Nequeꞌxrahi ru li chꞌochꞌ jalan aj e toj retal nequeꞌxmakꞌ chiruheb. Ut nequeꞌxmakꞌ li rochocheb ut nequeꞌxcꞌam chokꞌ reheb. Nequeꞌxrahobtesi laj e̱chal re joꞌqueb ajcuiꞌ li ralal xcꞌajol ut nequeꞌxcꞌam chixjunil li cꞌaꞌru cuan reheb.

Miqueas 2:2 ပူးပေါင်းရင်းမြစ်များ

Isaías 5:8

Ra chaalel sa' eeb'een li yookex chi loq'ok naab'al chi ochoch, li yookatqex chi loq'ok ch'och', toj reetal naq maajun chik nekek'ul ut chanchan naq ka'ajex wi' laa'ex wankex sa'eb' li tenamit.

Amós 8:4

Ab'ihomaq a'in laa'ex li nekexrahob'tesink reheb' li neb'a' ut nekeraj xsachb'aleb' ru li kub'enaqeb' xwankil sa' li tenamit.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Ezequiel 18:12

naxrahob'tesi li neb'a' ut li toq'ob'aal ru, narelq'a li ab'i e, ink'a' naxq'ajsi ruuchil li to', naxloq'oni ruheb' li jalanil yos ut naxb'aanu li ink'a' nawulak chiwu,

1 Timoteo 6:10

Xb'aan naq li xxe' chixjunil li maa'usilal a'an li xrahinkil ru li tumin. Wankeb' xkoheb' xch'ool chirix a'an; jo'kan naq xe'elk sa' li paab'aal, ut xiikil li rahilal xe'tawasiik wi'.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Miqueas 3:9

Ab'ihomaq anaqwan li aatin a'in, ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Laa'ex xik' nekeril li tiikilal ut nekepo' ru li k'ulub'ej;

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

2 Reyes 9:26

«Ewer xwil naq xe'kamsiik laj Nabot ut eb' li ralal xk'ajol. Relik chi yaal naq sa' ajwi' li na'ajej a'in tweeqaju li xkamikeb'. Raatin li Qaawa'». Jo'kan naq xok ut kut chaq sa' li xch'och' laj Nabot, jo' kixye li Qaawa'”.

Éxodo 20:17

“Maarahi ru li rochoch laawas aawiitz'in. Maarahi ru li rixaqil, li winq ut li ixq li neke'k'anjelak chiru, chi moko li xb'ooyx, li xb'uur; tik maak'a' ab'i e taarahi”.

Li xHu LAJ JOB 31:38

Ink'a' xink'e linch'och' chi yaab'ak, chi moko eb' li wawimq yookeb' chinjitb'al.

1 Reyes 21:1

Jun li winq aj Jisrehel, aj Nabot xk'ab'a', wank jun awimq uub', chi xk'atq rochoch laj Ajab, awab'ej re Samaria.

Ezequiel 8:17

Toja' naq li Yos kixye we: “Ma xak'e reetal, a Esekiel? Ma ink'a' tz'aqal cho'q reheb' laj Judá xb'aanunkil eb' a tz'i'b'eetalil a'in sa' li wochoch? K'a'ut naq toj neke'raj xnujob'resinkil chi raaxiik' li tenamit ut xchiq'b'al linjosq'il chi yo'oon? Utz' chanru li xchuhil li xmayejeb' nawulak sa' wu'uj.

Ezequiel 22:13

«Anaqwan tinpoq'poq'i eb' li wuq' xb'aan li rahob'tesink ut li kamsink nakab'aanu.

Ezequiel 33:26

Yo'oon wankex rik'in leech'iich', nekeb'aanu li maa'usilal, chejunilex nekemux xsumlajik li rixaqil leerech winqilal. Ma naru tab'i' teereechani li na'ajej a'in?».

Ezequiel 46:18

Laj jolominel ink'a' tixmaq' xch'och' li tenamit, li ak q'axtesinb'il reheb'. Ka'ajwi' li k'aru re a'an tixsi reheb' li ralal xk'ajol; chi jo'kan maajun tkanaaq chi maak'a'aq ta xch'och' chi moko te'xcha'cha'i rib' lintenamit”.

Amós 2:7

Neke'xyeq'i chiru ch'och' eb' li neb'a' ut neke'xsachb'esi xna'leb'eb' li kub'enaqeb' xwankil. Li alalb'ej ut li yuwa'b'ej neke'wank rik'in jun chi ixq, ut chi jo'kan neke'xmux linsantil k'ab'a'.

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

Isaías 3:14

Li Qaawa' xchalk chi xb'oqb'aleb' sa' raqb'a aatin, ut tixye reheb' li cheekel winq ut eb' laj k'amol xb'e li xtenamit: “Laa'ex xexsachok re li wawimq uub', ut xnujak leerochoch rik'in li k'aru xerelq'a reheb' li neb'a'.

Ezequiel 45:9

“Laa'in, li Qaawa', ninye chi jo'ka'in: Tz'aqalaq li xeb'aanu, ex aj jolominel re Israel! Kanab'omaq li rahob'tesink ut li raaxiik'. B'aanuhomaq li tiikilal ut li us. Meemaq' chik xch'och'eb' lintenamit -chan li Qaawa'-.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.