Miqueas 1:7 - Q'eqchi Bible

⁷ Chixjunileb' li xyiib'anb'il yos taaputz'imanq, ut taak'atmanq jo'nimal tamresinb'il rik'in li jo'maajo'il b'aanuhom. Tinjuk' chixjunileb' li yal k'oxlanb'il yos, xb'aan naq yiib'anb'ileb' rik'in xtojb'aleb' laj yumb'eet, ut a'an wi' chik tinkanab'eb' wi'!”.

Li Santil hu

⁷ Ut chixjunil lix yi̱banbil dios tinpuqꞌuiheb. Ut tincꞌat chixjunil li qꞌuebil reheb li ixk aj yumbe̱t, li queꞌcꞌanjelac chiru lix dioseb. Tinsacheb ru chixjunileb lix yi̱banbil dios. Jalan xtenamiteb quicꞌutuc chiruheb xlokꞌoninquil li jalanil dios ut anakcuan jalan chic xtenamiteb ta̱makꞌok chiruheb lix dioseb joꞌ ajcuiꞌ lix biomaleb li ixk aj yumbe̱t li queꞌcꞌanjelac chiru lix dioseb, chan li Dios.

Miqueas 1:7 ပူးပေါင်းရင်းမြစ်များ

Deuteronomio 23:18

Maak'am sa' rochoch li Qaawa' laaYos li tumin neke'xk'ul li neke'xk'ayi rib'eb', a' yaal chanru xayeechi'i re li Qaawa'. Xb'aan naq li na'leb' a'an tz'i'b'eetal chiru li Qaawa' laaYos.

Oseas 2:12

Tink'e chi sache'k chixjunileb' li rawimq li naxye wi': «A'aneb' a'in linq'ajkamunkil li xk'ehomeb' we li neke'rahink we». Tink'eheb' chi pimo'k ut tinkanab' cho'q xwaheb' li k'iche'il xul.

Apocalipsis 18:3

Xb'aan naq chixjunileb' li tenamit xe'ruk' li xb'iinul ut xe'xb'aanu li maa'usilal rik'in; eb' li awab'ej re li ruuchich'och' xe'xmux rib'eb', ut eb' laj yakonel sa' ruuchich'och' xe'b'ihomo'k rik'in li xjo'maajo'il aj maa'usilal”.

Oseas 8:6

Li wakax xeyiib' laa'ex aj Samaria, moko Yos ta; a'an yal xyiib'ahom laj tenol ch'iich', ut taaputz'iiq chi junwaakaj.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;

Joel 3:3

Ke'xb'uuli rix lintenamit, ke'xk'e li k'uula'al cho'q xtojb'aleb' laj yumb'eet ut ke'xk'ayi li ixqa'al cho'q xtz'aq li b'iin ke'kalaak wi'.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

2 Crónicas 31:1

Naq kiraqe'k chixjunil a'an, chixjunileb' laj Israel li wankeb' aran, koheb' sa'eb' li tenamit sa' xteepal Judá; ke'xjori eb' li pek neke'xloq'oni jo' Yos, ke'xputz'i eb' li xjalam u lix Aserá ut ke'xjuk'i eb' li tijob'aal wankatqeb' chi tzuul jo' ajwi' eb' li artal sa' xteepal Judá, Benjamín, Efraín ut Manasés, toj reetal ke'xsacheb' chi junajwa. Chirix chik a'an, ke'sutq'iik chixjunileb', chi xjunqal sa' li xna'ajeb' ut sa' li xtenamiteb'.

Deuteronomio 9:21

Chirix chik a'an kinchap li saaj wakax keyiib' naq kexmaakob'k, ut kink'at sa' xam; kinputz'i ut kinke' toj reetal kipojtz'o'k. Toja' naq kinkut li xpojtz'il sa' roq nima' li nakub'e chaq sa' li tzuul.

Levítico 26:30

Laa'in tinjuk' leetijob'aal ut tinputz'iheb' li x'artalil leesununkil ensens, teb'intuub' leekamenaq sa' xb'eeneb' leekamenaqil yos ut texintz'eqtaana;

1 Samuel 5:4

Ab'anan eq'la re li kutan jun chik, t'anjenaq wi' chik laj Dagón chi hupu sa' ch'och', chiru li xLoq'laj Kaax li Qaawa', ut li xjolom jo'wi' xkab'ichaleb' li ruq' toqinb'ileb' chire li okeb'aal. Ka'aj chik li xnimal laj Dagón kikanaak.

Isaías 23:17

Naq akaq xnume'k li lajeeb' xkaak'aal chihab', li Qaawa' trula'ani li tenamit Tiro, ut a'an tixtikib' wi' chik yakok ut tixk'ayi wi' chik rib' reheb' chixjunil li tenamit sa' ruuchich'och', jo' naxb'aanu laj yumb'eet.

Ezequiel 6:6

Yalaq b'ar wanqex, eb' leetenamit ut eb' leetijob'aal te'juk'manq ut joxk' te'kanaaq. Eb' li artal te'kanaaq chi po'lemil ut eb' li jalanil yos te'toqiiq; taaputz'iiq eb' li xjalam u li jalanil yos, ut nakirirnak taakanaaq eb' li na'ajej nekek'at wi' leepom. Jo'ch'inal jo'nimal xeyiib' rik'in leeruq', taasachmanq chi junajwa.

Oseas 2:14

“Jo'kan naq tinq'unb'esi li xch'ool: tink'am sa' li chaqich'och' ut tinye re naq q'axal ninra.

Oseas 8:5

Laa'in nintz'eqtaana li wakax nakaloq'oni, a Samaria. Q'axal yo injosq'il sa' xb'een: jo'q'e put te'xch'ajob'resi rib'eb' laj Israel?