San Mateo 9:2 - Q'eqchi Bible

² Tikto ke'xk'am chaq rik'in li Jesus jun li sik, yokyo sa' xch'aat. Ut naq kiril li xpaab'aaleb', kixye re li sik: —Kawaq aach'ool, at walal, kuyb'il sachb'il chik laamaak.

Li Santil hu

² Ut aran queꞌxcꞌam riqꞌuin li Jesús jun li cui̱nk sic li rok ut sic li rukꞌ yocyo chiru xcuarib. Ut li Jesús quixqꞌue retal nak eb li cui̱nk aꞌan nequeꞌxpa̱b nak naru tixqꞌuirtesi li yaj. Joꞌcan nak quixye re li yaj: —At cui̱nk cauhak taxak a̱chꞌo̱l. Ac xcuyman xsachman la̱ ma̱c.—

San Mateo 9:2 ပူးပေါင်းရင်းမြစ်များ

San Mateo 9:22

Ab'an li Jesus kixsutq'isi rib', kiril li ixq ut kixye re: —Kawaq aach'ool, at inrab'in, laapaab'aal xkolok aawe. Ut chalen sa' li honal a'an kik'iraak li ixq.

Santiago 2:18

Jo'wi' anchal junaq taayehoq: “Laa'at wank aapaab'aal, a'ut laa'in wank inb'aanuhom. K'ut chiwu laapaab'aal li maak'a' xb'aanuhom, ut laa'in tink'ut chawu linpaab'aal rik'in linb'aanuhom”.

Hechos 19:12

ka'ajwi' neke'xnumsi sa' xb'eeneb' li yaj li t'ikr malaj li sut naroksi laj Pablo, neke'k'iraak eb' li yaj, ut eb' li maa'us aj musiq'ej nalaje'elk rik'ineb'.

San Juan 21:5

Kixye li Jesus reheb': —Ex inkok'al, ma maak'a' kach'inaq tzekemq eerik'in? Ke'chaq'ok eb' a'an ut ke'xye: —Maak'a'.

San Mateo 8:10

Naq li Jesus kirab'i a'in, kisachk xch'ool ut kixye reheb' li yookeb' chi taaqenk re: —Relik chi yaal ninye eere naq maajun aj Israel intawom wi' xnimal paab'aal jo' a'in.

San Mateo 4:24

Kiwulak resil li Jesus sa' chixjunil Siria: ut ke'xk'am chaq rik'in chixjunileb' li yaj, k'iila paay ruheb' li xyajel ut li xrahilal; ke'xk'ameb' ajwi' chaq li eechaninb'ileb' xb'aan laj tza, eb' li neke'pohonk xyajel, eb' li sik, ut kixk'irtasiheb'.

Romanos 5:11

Ut moko ka'aj ta wi' rik'in a'an, naqanima aj b'an wi' qib' rik'in li Yos sa' xk'ab'a' li Qaawa' Jesukriist li xqataw wi' li usilal anaqwan.

Hechos 14:9

yo chi rab'inkil laj Pablo chi aatinak. Laj Pablo kixka'ya a'an, kixk'e reetal naq wank xpaab'aal re k'irtasiik,

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

San Mateo 9:6

Ab'anan re teenaw naq li K'ajolb'ej wank xwankil sa' ruuchich'och' re kuyuk sachok maak -kixye re li sik: Waklin, xok laach'aat ut ayu sa' laawochoch.

San Mateo 8:16

Naq ki'ewuuk, ke'k'ame'k chaq rik'in li Jesus naab'aleb' li eechaninb'ileb' xb'aan laj tza; kirisiheb' li maa'us aj musiq'ej rik'in li raatin ut kixk'irtasi chixjunileb' li yaj.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

San Juan 2:25

ut ink'a' na'ajmank ru naq taa'aatinaq anihaq chirixeb' li poyanam, xb'aan naq A'an naxnaw k'aru wank sa' xch'ool li ju'junq.

San Marcos 5:34

Ut li Jesus kixye re: —At inrab'in, laapaab'aal xkolok aawe. Ayu sa' tuqtuukil usilal ut kanaaq chi k'irajenaq laarahilal.

San Marcos 1:32

Ewu, naq ak x'ok li saq'e, chixjunileb' li yaj ut li eechaninb'ileb' xb'aan laj tza ke'k'ame'k chaq rik'in li Jesus.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

San Mateo 6:12

ut chakuy chasach ta li qamaak jo' laa'o xqakuyeb' xmaak li xe'maakob'k chiqu.

San Mateo 9:5

B'ar wank li ink'a' ch'a'aj xyeeb'al: «Kuyb'il sachb'il chik laamaak», malaj: «Waklin ut b'een»?

San Mateo 14:27

Ab'anan li Jesus tikto kiraatinaheb' ut kixye: —Kawaq eech'ool: laa'inin! Mexxiwak.

San Marcos 6:50

xb'aan naq chixjunileb' ke'ilok re ut ke'sachk xch'ool. A'ut a'an tikto kiraatinaheb' ut kixye reheb': —Kawaq eech'ool: laa'inin. Mexxiwak!

San Marcos 10:49

Kixaqliik li Jesus ut kixye: —B'oqomaq chaq. Ke'xb'oq chaq li mutz' ut ke'xye re: —Kawaq aach'ool. Xaqlin, yo chab'oqb'al.

Hechos 23:11

Sa' li q'oqyink jun chik, li Qaawa' kixk'ut rib' chiru ut kixye re: “Kawu aach'ool! Xach'olob' li yaal chiwix Jerusalén; jo'kanaqat ajwi' aran Roma”.