San Mateo 7:3 - Q'eqchi Bible

³ “K'a'ut naq nakawil li mul li wank sa' ru laawas aawiitz'in ut ink'a' nakak'e reetal li tz'amb'a wank sa' laawu laa'at?

Li Santil hu

³ ¿Cꞌaꞌut nak nacaqꞌue retal li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin ut incꞌaꞌ nacacuil li tzꞌamba cuan saꞌ xnakꞌ a̱cuu la̱at?

San Mateo 7:3 ပူးပေါင်းရင်းမြစ်များ

Gálatas 6:1

Ex was wiitz'in, wi wank junaq taat'ane'q sa' junaq maak, laa'ex li nujenaqex chi musiq'ej chetenq'a re naq tixyiib' li xyu'am; ab'an chetenq'a sa' tuulanil, ut chak'e reetal chi us laayu'am, mat-aaleek ajwi' laa'at.

San Lucas 18:11

Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in.

San Mateo 7:4

Chan put ru naq taaye re laawas aawiitz'in: «Wisihaq wan li mul sa' laawu», ut wank li tz'amb'a sa' laawu laa'at?

San Mateo 7:5

At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.

Romanos 2:1

Jo'kan utan, maak'a' k'aru taakol wi' aawib', at winq li nakatraqok aatin sa' xb'een laawas aawiitz'in, a' yaal anihat. Naq nakatraqok aatin chirix anihaq, rahilal nakab'oq chaq sa' aab'een, xb'aan naq nakatraqok aatin ut toj yookat ajwi' chi xb'aanunkil li maak a'an.