San Mateo 4:3 - Q'eqchi Bible

³ Toja' naq kijilok laj aalenel chi xk'atq ut kixye re: —Wi laa'at Ralal li Yos, ye naq eb' li pek a'in che'jaltesiiq cho'q wa.

Li Santil hu

³ Ut laj tza quicuulac riqꞌuin ut quixye re: —Cui tzꞌakal ya̱l nak la̱at ralal li Dios, sukꞌisiheb chokꞌ caxlan cua li pec aꞌin.—

San Mateo 4:3 ပူးပေါင်းရင်းမြစ်များ

1 Ts 3:5

Jo'kan naq laa'in ajwi' ink'a' chik xinkuy, ut xintaqla laj Timoteo re rab'inkil resil leepaab'aal: mare anchal xex'aaleek xb'aan laj aalenel ut li qak'anjel xkanaak chi maak'a' rajb'al.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

San Mateo 3:17

Ut ki'ab'iik jun xyaab' kuxej kichalk chaq sa' choxa, kixye: “A'an a'in li walal raaro inb'aan; rik'in a'in nasaho'k inch'ool”.

Hebreos 12:16

Maa'ani taxaq junaq sa' eeyanq ink'a' us malaj eet xna'leb' kama' laj Esaú, li yal rik'in junwa'al chi wa kixk'ayi li xb'een alalb'ejil.

Éxodo 16:3

ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Hechos 9:20

Ut chi junpaat ki'ok chi xpuktesinkil resil li Jesus sa'eb' li ch'utleb'aal kab'l: naxye naq a'an li Ralal li Yos.

San Lucas 4:9

Toja' naq laj tza kixk'am li Jesus Jerusalén, koxxaqab' sa' ru'uj li rochoch li Yos ut kixye re: —Wi laa'at Ralal li Yos, kut aawib' taq'a,

San Lucas 4:3

Toja' naq kiyehe'k re xb'aan laj tza: —Wi laa'at Ralal li Yos, ye naq li pek a'in chijaltesiiq cho'q wa.

San Mateo 14:33

Eb' li wankeb' sa' li jukub' ke'xwiq'ib' rib' chi xloq'oninkil ut ke'xye: —Relik chi yaal naq Ralalat li Yos.

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

San Mateo 26:63

Ab'an li Jesus ink'a' kichaq'ok. Ut li xyuwa'il aj tij kixye re: —Nintz'aama chawu sa' xk'ab'a' li yo'yookil Yos: ye qe ma laa'at li Kriist, li Ralal li Yos.

San Marcos 1:1

Xtiklajik li xChaab'il Esil li Jesus, li Kriist, Ralal li Yos.

San Marcos 3:11

Ut eb' li tz'ajn aj musiq'ej, naq neke'ril ru, neke'xkutb'e rib' chi roq ut neke'xjap re: “Laa'at Ralalat li Yos”, chankeb'.

San Marcos 5:7

ut kixjap re chi xyeeb'al chi kaw xyaab' xkux: —K'aru wank we aawik'in, at Jesus, Ralalat li Nimajwal Yos! Nintz'aama nawelaji chawu sa' xk'ab'a' li Qaawa', minaarahob'tesi.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

San Lucas 4:41

Naab'aleb' ajwi' ke'elk maa'us aj musiq'ej rik'ineb', japjookeb' re chi xyeeb'al: —Laa'at li Ralal li Yos! A'ut a'an kixq'useb' chi kaw ut ink'a' kixkanab'eb' chi aatinak, xb'aan naq neke'xnaw naq a'an li Kriist.

San Lucas 22:70

Toja' naq ke'xye chixjunileb': —Ma laa'at Ralal li Yos chi jo'kanan? Kixsumeheb': —Yaal xeye naq laa'inin, chan.

San Juan 1:34

Laa'in wilom ru ut nin'aatinak chirix naq a'an li Ralal li Yos”.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

San Juan 9:35

Li Jesus kirab'i resil naq ke'risi sa' xyanqeb' ut, naq kixtaw, kixye re: —Ma nakapaab' laa'at li K'ajolb'ej?

San Juan 20:31

A'ut eb' a'in tz'iib'anb'ileb' re naq yooqex chi xpaab'ankil naq li Jesus a'an li Kriist, li Ralal li Yos, ut rik'in xpaab'ankil taawanq eeyu'am sa' xk'ab'a' A'an.

2 Corintios 1:19

Laj Silvano, laj Timoteo ut laa'in xqapuktesi resil li Kristo Jesus, li Ralal li Yos, eere laa'ex; ut A'an maawa' jun ta yaal ut jun ta ink'a'; junes li yaal b'an kiwank rik'in.

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

Hebreos 4:14

Kawaq b'i' qach'ool chi junelik sa' li qapaab'aal, xb'aan naq wank jun xnimal ru xyuwa'il aj tij li kox'okaq sa' choxa, a' li Jesus, li Ralal li Yos.

Hebreos 7:3

Sa' li Santil Hu maak'a' nayeemank chirix xna' xyuwa', chirixeb' li xxe' xtoon chi moko chirix xtiklajik malaj roso'jik li xyu'am; jo'kan naq juntaq'eetanb'il rik'in li Ralal li Yos, ut wank cho'q aj tij chi junajwa.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.