San Mateo 4:1 - Q'eqchi Bible

¹ Toja' naq kik'ame'k li Jesus xb'aan li Musiq'ej sa' li chaqich'och' re naq taayale'q raalenkil xb'aan laj tza.

Li Santil hu

¹ Tojoꞌnak li Jesús quicꞌameꞌ xban li Santil Musikꞌej saꞌ li chaki chꞌochꞌ re ta̱yalekꞌ ra̱lenquil xban laj tza.

San Mateo 4:1 ပူးပေါင်းရင်းမြစ်များ

Hebreos 2:18

Ut anaqwan naru xtenq'ankileb' li yookeb' raalenkil, xb'aan naq a'an ajwi' kixkuy li ra naq ki'aaleek.

Romanos 8:14

Chixjunileb' li b'eresinb'ileb' xb'aan li xMusiq' li Yos, a'aneb' ralal xk'ajol li Yos.

Ezequiel 43:5

Toja' naq li xmusiq' li Yos kinxwaklesi ut kinroksi sa' li neb'aal chisa', ut kiwil naq li xloq'al li Qaawa' ak xnujob'resi li ochoch.

San Juan 14:30

“Ink'a' chik najt tin'aatinaq eerik'in, xb'aan naq chalk re laj Taqlanel sa' xb'een li ruuchich'och' a'in. Maak'a' xwankil sa' inb'een;

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

Hechos 8:39

Naq ke'elk sa' li ha', li xMusiq' li Qaawa' kixsaapu laj Felipe ut ink'a' chik ki'ile'k ru xb'aan li xnimal ru winq. Ut a'in kixchap wi' chik xb'e chi sa sa' xch'ool,

Ezequiel 3:12

Toja' naq li xmusiq' li Yos kinxwaklesi ut kiwab'i jun xyaab' kuxej chiwix jo' li kawil hiik, yo chi xyeeb'al: “Chinimaaq ta xloq'al li Qaawa' yalaq b'ar”, chan.

Ezequiel 40:2

Sa' moy u kinxk'am toj sa' li tenamit a'an ut koxinxxaqab' sa' xb'een jun najt xteramil tzuul, chanchan wi' kab'lanb'il jun tenamit sa' xb'een, na'ilok sa' xjayal releb'l saq'e.

1 Reyes 18:12

Naq tin'elq chawu, li xmusiq' li Qaawa' tatxk'am sa' junaq na'ajej li ink'a' ninnaw laa'in. Ut naq akaq xo'inye re laj Ajab naq wankat arin, taachalq li awab'ej chasik'b'al; ab'anan ink'a' tatxtaw, jo'kan naq tinxkamsi. Laa'in ninpaab'ank chiru li Qaawa' chalen chaq sa' insaajilal.

2 Reyes 2:16

“K'e reetal, sa' qayanq laa'o aj k'anjel chawu wankeb' lajeeb' roxk'aal chi winq. Kanab'eb' chi xik chi xsik'b'al laj tzolol aawe. Mare anchal li xmusiq' li Qaawa' xolxk'am ut xo'xkut sa' xb'een junaq tzuul malaj sa' junaq na'ajej taq'a ru”. Ke'sumeek: “Maajun chetaqla”.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Ezequiel 11:24

Ut li xmusiq' li Yos kinxtaqsi ut kinxk'am wi' chik Babilonia, b'arwi' wankeb' laj Israel li ke'k'ame'k chi preexil. Chixjunil a'in kik'ulmank sa' moy u, sa' xk'ab'a' li xmusiq' li Yos. Moqon chik kisachk chiwu li moy u,

Ezequiel 11:1

Chirix chik a'an li xmusiq' li Yos kinxwaklesi ut kinxk'am toj sa' li okeb'aal li wank sa' xjayal releb'l saq'e re li rochoch li Qaawa'. Sa' li okeb'aal wankeb' oob' xka'k'aal chi winq. Sa' xyanqeb' a'an kiwil ru laj Jasanías, ralal laj Asur, ut laj Pelatías, ralal laj Benaías, xjolomileb' li tenamit.

Ezequiel 8:3

Li winq a'an kinxchap chi rismal linjolom. Toja' naq li xmusiq' li Yos kinxtaqsi sa' iq' ut, sa' moy u, kinxk'am sa' li tenamit Jerusalén, toj wan wi' rokeb'aal li xneb'aalil li rochoch li Qaawa', sa' xjayal releb'l iq', b'arwi' wank li jalam u li nachiq'ok xjosq'il li Qaawa'.

Santiago 1:14

Li aaleek nachalk sa' xb'een li junjunq naq naq'unb'esiik ut nak'ame'k xb'aan xrahinkil ru li maa'usilal.