San Mateo 2:2 - Q'eqchi Bible

² ut ke'xpatz': —B'ar wank li x'awab'ejeb' laj Judiiy xyo'laak? Xb'aan naq xqil chaq li xchahimal toj sa' releb'l saq'e ut xoochalk chi xloq'oninkil.

Li Santil hu

² Queꞌpatzꞌoc ut queꞌxye: —¿Bar cuan lix reyeb laj judío xyoꞌla? Xochal xban nak xkil chak toj saꞌ releb sakꞌe li chahim retalil lix yoꞌlajic ut xochal chixlokꞌoninquil, chanqueb.

San Mateo 2:2 ပူးပေါင်းရင်းမြစ်များ

Números 24:17

Wank k'aru nawil, us ta maji' ch'olch'o chi us anaqwan; nink'e reetal chi maji' nanach'ok chi us: jun chahim xwakliik chaq rik'in laj Jakob, xaqxo xwankil jun li awab'ej sa' xyanqeb' laj Israel. A'an tixsach ruheb' laj Mohab ut tixputz'i xjolomeb' li ralal xk'ajol laj Set.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Isaías 60:3

Eb' li tenamit te'chalq sa' laasaqenkil ut eb' li awab'ej te'b'eeq sa' xlemtz'unkil laaloq'al.

San Juan 18:37

Toja' naq laj Pilaat kixye re: —Ma laa'at rey chi jo'kanan? Kichaq'ok li Jesus ut kixye: —Laa'at nakaye naq laa'in rey. A'in aj e naq kinyo'laak ut a'in aj e naq kinchalk sa' li ruuchich'och': re tin'aatinaq chirix li yaal. Chixjunil li na'okenk chirix li yaal, narab'i li xyaab' inkux.

Hebreos 1:6

Jo'kan ajwi' naq kiroksi chaq li ralal jun chirib'il sa' ruuchich'och', kixye: “Ut chiloq'oniiq xb'aaneb' chixjunil li x'ánjel li Yos”.

San Lucas 23:38

Wank ajwi' sa' xb'een li Jesus jun li eetalil tz'iib'anb'il chi jo'ka'in: “A'an a'in li xReyeb' laj Judiiy”.

San Lucas 23:3

Kixpatz' ut laj Pilaat re: —Ma laa'at li xreyeb' laj Judiiy? Kixsume: —Yaal li xaye: laa'inin.

Salmos 2:6

“Laa'in xinxaqab'ank re lin'awab'ej aran Sión sa' linloq'laj tzuul”, chan.

San Juan 5:23

re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

San Lucas 19:38

Ke'xye: —Usilaatinanb'il li Rey li xchalk sa' xk'ab'a' li Qaawa'! Tuqtuukil usilal sa' choxa ut xnimal loq'al toj taqe'q!

San Lucas 2:11

Anaqwan, sa' li xtenamit laj David, xyo'laak cho'q eere jun aj Kolonel, a'an li Kriist, li Qaawa'.

Jeremías 30:9

te'k'anjelaq b'an chik chiru li Qaawa', li xYoseb', ut chiru laj David, li tinxaqab' cho'q awab'ej.

Salmos 45:11

Ab'i, at inrab'in, chak'e reetal, q'esaq laaxik chi wab'inkil: Chatz'eq chirix aach'ool laatenamit jo'wi' laana' laayuwa';

San Juan 9:38

Toja' naq a'an kixye: —Ninpaab', Qaawa'. Ut kixwiq'ib' rib' chiru, kixloq'oni.

San Juan 19:19

Laj Pilaat kixtz'iib'a ajwi' jun eetalil ut kixk'e sa' xjolom li krus. A'an a'in li kixtz'iib'a: “Li Jesus aj Nazaret, xReyeb' laj Judiiy”.

San Juan 12:13

jo'kan naq ke'xchap xxaq mokooch ut ke'elk chi xk'ulb'al, japjookeb' re chi xyeeb'al: —Chinimaaq xloq'al li Yos! Usilaatinanb'il taxaq li yo chi chalk sa' xk'ab'a' li Qaawa', a' li xreyeb' laj Israel!

San Mateo 27:11

Li Jesus kixaqab'aak chiru li laj Pilaat, ut a'an kixpatz' re: —Ma laa'at li xreyeb' laj Judiiy? Kichaq'ok li Jesus ut kixye: —Yaal li xaye: laa'inin.

San Juan 20:28

Kichaq'ok laj Tomás ut kixye: —At inQaawa', at inYos!

San Mateo 21:5

“Yehomaq re li xrab'in Sión: «We' chaq aawik'in laaRey, tuulan ut k'ojk'o chaq chirix jun li b'uur ut chirix ral jun li xul aj iiqonel»”.

San Mateo 2:3

Naq kirab'i a'in li awab'ej Herodes, ki'ok xk'a'uxl; jo'kaneb' ajwi' chixjunileb' laj Jerusalén.