Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




San Mateo 18:3 - Q'eqchi Bible

3 ut kixye: —Relik chi yaal ninye eere: wi ink'a' teejal eena'leb' ut wi ink'a' jo'kaqex li kok'al, ink'a' tex'ok sa' li xnimajwal wankilal li choxa.

အခန်းကိုကြည့်ပါ။ ကော်ပီ

Li Santil hu

3 Ut quixye reheb: —Relic chi ya̱l tinye e̱re cui incꞌaꞌ te̱jal e̱naꞌleb ut cui incꞌaꞌ kꞌunak e̱chꞌo̱l joꞌ li chꞌina al aꞌin, incꞌaꞌ tex-oc saꞌ lix nimajcual cuanquilal li Dios.

အခန်းကိုကြည့်ပါ။ ကော်ပီ




San Mateo 18:3
28 ပူးပေါင်းရင်းမြစ်များ  

Jo'qex li k'uula'al toja' xe'yo'laak, cherataw li chaab'il leech li nachalk rik'in li Musiq'ej, re naq sa' xk'ab'a' a'an texk'iiq cho'q re li kolb'a ib':


Ut li Jesus kixye: —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal wankilal li choxa.


Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.


Wankin b'an sa' xyaalal ut tuqtuukilal, kama' jun k'uula'al toj xmaq'e'k li xtu'. K'ojk'o li waanm jo' jun k'uula'al toj xmaq'e'k li xtu'.


Kichaq'ok li Jesus ut kixye: —Relik chi yaal ninye aawe: ani ink'a' taayo'laaq rik'in ha' ut Musiq'ej moko truuq ta taa'ok sa' li xnimajwal awab'ejihom li Yos.


Kichaq'ok li Jesus ut kixye re: —Relik chi yaal ninye aawe: maa'ani truuq chi rilb'al li xnimajwal awab'ejihom li Yos wi ink'a' ta taayo'laaq wi' chik.


Kixye li Jesus reheb': “Cheyal eeq'e chi ok sa' li okeb'aal kach'in ru, xb'aan naq ninye eere naq naab'aleb' li te'yaloq raj ok ut ink'a' te'ruuq.


Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.


Xb'aan naq kawujenaq chik xch'ooleb' li tenamit a'in, xe'jipo'k sa' xxikeb' ut xe'xtz'ap xsa' ruheb': mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi».


Ut kixye wi' chik re: —Relik chi yaal ninye eere: teeril li choxa chi teetooq ut eb' li x'ánjel li Yos yooqeb' chi taqe'k ut chi kub'eek sa' xb'een li K'ajolb'ej.


“Xb'aan naq ninye eere: wi leetiikilal ink'a' naxq'ax ru li xtiikilaleb' laj tz'iib' ut eb' laj pariseey, ink'a' tex'ok sa' li xnimajwal wankilal li choxa.


A'ut laa'in xintijok chawix re naq ink'a' taalajq laapaab'aal. Ut laa'at, naq tatsutq'iiq chaq wik'in, chakawub'resi xch'ooleb' laawas aawiitz'in.


re naq, us ta te'iloq maak'a' te'ril, us ta te'ab'inq maak'a' te'xtaw ru. Mare anchal te'xyot' xch'ool te'xjal xk'a'uxl ut te'kuye'q te'sache'q li xmaakeb'”.


Chi jo'kan taateliiq cheru li okeb'aal sa' li xnimal ut junelik x'awab'ejihom li Jesukriist, a' li Qaawa' ut aj Kolol qe.


yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.


Toja' naq li Jesus kixye reheb' li xtzolom: —Relik chi yaal ninye eere naq junaq b'ihom q'axal ch'a'aj naq taa'ok sa' li xnimajwal wankilal li choxa.


Xb'aan naq kawujenaq li xch'ool li tenamit a'in, jipeb' sa' xxik ut xe'xmutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi».


“Naq tex'ayuuniq, moko jo'kaqex ta eb' laj ka'pak'al u li neke'xpak' xrahilaleb' xch'ool: neke'xpo' li rilob'aaleb' yal re naq taak'utunq chiruheb' li tenamit naq yookeb' chi ayuunik. Relik chi yaal ninye eere naq ak xe'xk'ul li xq'ajkamunkileb'.


“Ut naq textijoq, moko jo'kaqex ta eb' laj ka'pak'al u: nawulak chiruheb' li tijok chi xaqxo sa'eb' li ch'utleb'aal kab'l ut sa'atqeb' li xxuk li k'ayiil re xk'utb'aleb' rib' chiruheb' li tenamit. Relik chi yaal ninye eere naq ak xe'xk'ul li xq'ajkamunkileb'.


Kawub'resi li xch'ooleb' li tenamit a'in, chajipob'resi li xxikeb' ut chamutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi”, chan.


“Jo'kan utan, naq taatenq'a junaq li wank sa' aajel ru, maayaab'asi tronpeet chawu jo' neke'xb'aanu eb' laj ka'pak'al u sa'eb' li ch'utleb'aal kab'l ut sa' b'e re naq te'oxloq'iiq xb'aaneb' li tenamit. Relik chi yaal ninye eere naq ak xe'xk'ul li xq'ajkamunkileb'.


Relik chi yaal ninye eere: naq toj wanq li choxach'och', maajun xleetril chi moko xch'ina eetalil li Chaq'rab' taanume'q chi ink'a' ta xb'enwa taak'ulmanq chixjunil.


Li Jesus kixb'oq jun li ch'ina'al, kixk'e sa' xyiheb'


Jo'kan utan, ani tixkub'si rib' jo' li ch'ina'al a'in, a'an li q'axal nim xwankil sa' li xnimajwal wankilal li choxa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ