San Mateo 11:3 - Q'eqchi Bible

³ “Ma laa'at li tento taak'ulunq, malaj taaqoyb'eni jalan chik?”.

Li Santil hu

³ ¿Ma la̱at li Cristo li yechiꞌinbil, li yo̱co chiroybeninquil? ¿Malaj toj takoybeni chic junak? chanqueb.

San Mateo 11:3 ပူးပေါင်းရင်းမြစ်များ

San Juan 11:27

Kichaq'ok a'an ut kixye: —Hehe', Qaawa'. Laa'in ninpaab' naq laa'at li Kriist, li Ralal li Yos, li tento taak'ulunq sa' ruuchich'och'.

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

Hebreos 10:37

Xb'aan naq naxye li Santil Hu: “Toj kach'in chik, yal ink'a' chik k'iila kutan, ut li chalk re taachalq, ink'a' taab'ayq chaq.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

San Juan 7:31

Naab'aleb' sa' xyanqeb' li tenamit ke'paab'ank re, yookeb' chi xyeeb'al: —Naq taak'ulunq li Kriist, ma tixb'aanu naab'al chik xninqal eetalil chiru li xb'aanu a'in?

San Juan 6:14

Naq eb' li tenamit ke'ril li xnimal eetalil kixb'aanu li Jesus, ke'xye: —Relik chi yaal naq a'in li propeet li tento taak'ulunq sa' ruuchich'och'.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

San Juan 16:14

A'an tixk'e inloq'al xb'aan naq tixk'ul li k'aru we ut tolxye resil eere.

San Juan 12:13

jo'kan naq ke'xchap xxaq mokooch ut ke'elk chi xk'ulb'al, japjookeb' re chi xyeeb'al: —Chinimaaq xloq'al li Yos! Usilaatinanb'il taxaq li yo chi chalk sa' xk'ab'a' li Qaawa', a' li xreyeb' laj Israel!

San Juan 4:21

Li Jesus kixye re: —At ixq, paab' li ninye: Taawulaq xq'ehil naq chi moko sa' xb'een li tzuul a'in chi moko Jerusalén teeloq'oni ru li Yuwa'b'ej.

San Lucas 19:38

Ke'xye: —Usilaatinanb'il li Rey li xchalk sa' xk'ab'a' li Qaawa'! Tuqtuukil usilal sa' choxa ut xnimal loq'al toj taqe'q!

San Marcos 11:9

Li yookeb' chi xik chi uub'ej ut eb' li wankeb' chi ixb'ej japjookeb' re chi xyeeb'al: —Chinimaaq xloq'al li Yos! Usilaatinanb'il li xchalk sa' xk'ab'a' li Qaawa'!

San Mateo 21:9

Ut eb' li tenamit li yookeb' chi xik chi uub'ej ut li wankeb' chi ixb'ej japjookeb' re chi xyeeb'al: —Chinimaaq xloq'al li Ralal laj David! Usilaatinanb'il li xchalk sa' xk'ab'a' li Qaawa'! Chinimaaq xloq'al li Qaawa' taqe'q!

San Mateo 21:5

“Yehomaq re li xrab'in Sión: «We' chaq aawik'in laaRey, tuulan ut k'ojk'o chaq chirix jun li b'uur ut chirix ral jun li xul aj iiqonel»”.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Hageo 2:7

ut tweek'asi xch'ooleb' chixjunil li tenamit. Toja' naq chixjunileb' a'an te'xk'amatq chaq li xb'ihomaleb' ut taanujaq li ochoch a'in rik'in linloq'al, chan li Nimajwal Yos.

Abdías 1:21

Te'numtaaq sa' xb'eeneb' ut te'taqsinq aran Sión re raqok aatin sa' xb'eeneb' li xtzuululeb' laj Esaú, ut a' chik li Qaawa' taa'awab'ejinq.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Salmos 118:26

Usilaatinanb'il taxaq li yo chi chalk sa' xk'ab'a' li Qaawa'! Toj sa' rochoch li Yos nekexqosob'tesi chaq.

Números 24:17

Wank k'aru nawil, us ta maji' ch'olch'o chi us anaqwan; nink'e reetal chi maji' nanach'ok chi us: jun chahim xwakliik chaq rik'in laj Jakob, xaqxo xwankil jun li awab'ej sa' xyanqeb' laj Israel. A'an tixsach ruheb' laj Mohab ut tixputz'i xjolomeb' li ralal xk'ajol laj Set.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

San Mateo 11:4

Kichaq'ok li Jesus ut kixye reheb': “Ayuqex ut yehomaq re laj Jwan li nalajeerab'i ut nalajeeril.

San Mateo 11:10

A'an a'in li tz'iib'anb'il resil sa' li Santil Hu: «K'e reetal, tintaqla lintaql chawu li taatuqub'anq re li b'e chawu».