San Mateo 10:2 - Q'eqchi Bible

² Li xk'ab'a'eb' li kab'laju chi apóstol a'aneb' a'in: xb'een, laj Simón, aj Pedro nayeemank re, ut laj Andrés li riitz'in; laj Santiago, ralal laj Sebedeo, jo'wi' laj Jwan li riitz'in;

Li Santil hu

² Aꞌan aꞌin lix cꞌabaꞌeb lix tzolom cablaju, li quixxakab chokꞌ x-apóstol: li xbe̱n, aꞌan laj Simón, Pedro nayeman re; ut laj Andrés li ri̱tzꞌin; laj Jacobo ut laj Juan li ri̱tzꞌin. Laj Zebedeo, aꞌan lix yucuaꞌeb;

San Mateo 10:2 ပူးပေါင်းရင်းမြစ်များ

Hechos 1:13

Ut naq ke'wulak sa' li tenamit, ke'taqe'k sa' xkab' k'ojar li kab'l b'arwi' neke'hilank. Wankeb' laj Pedro, laj Jwan, laj Santiago ut laj Andrés, laj Felipe ut laj Tomás, laj Bartolomé ut laj Mateo, laj Santiago, ralal laj Alfeo, laj Simón Zelote ut laj Judas, ralal laj Santiago.

San Mateo 4:21

Kib'eek chik kach'in ut kiril wi' chik wiib'eb' li winq riitz'ineb' rib', a' laj Santiago ralal laj Sebedeo ut laj Jwan li iitz'inb'ej, wankeb' sa' li jukub' rochb'eeneb' laj Sebedeo li xyuwa'eb', yookeb' chi xxiitinkil li xyooyeb'; ut kixb'oqeb'.

San Juan 12:22

Laj Felipe koho chi xyeeb'al re laj Andrés; laj Andrés ut laj Felipe koheb' chi xyeeb'al re li Jesus.

San Juan 6:8

Toja' naq jun reheb' li xtzolom, a' laj Andrés riitz'in laj Simón Pedro, kixye re:

San Lucas 5:10

Jo'kan ajwi' ke'xk'ul laj Santiago ut laj Jwan, ralaleb' laj Sebedeo, rech aj karineleb' laj Simón. Ab'an li Jesus kixye re laj Simón: —Matxiwak. Chalen anaqwan eb' laawas aawiitz'in chik taasik' cho'q ruuchil li kar.

San Mateo 4:18

Ut naq yo chaq chi b'eek li Jesus chire li palaw re Galilea, kiril wiib'eb' li winq riitz'ineb' rib', a' laj Simón, aj Pedro nayeemank re, ut laj Andrés li riitz'in, yookeb' chi xkutb'al li xyooyeb' sa' li palaw xb'aan naq aj kareb'.

San Lucas 11:49

“Jo'kan utan yeeb'il chaq xb'aan li xnimal xk'a'uxl li Yos: «Tintaqlaheb' propeet ut apóstol rik'ineb': wan te'kamsiiq ut wan te'rahob'tesiiq»,

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

2 Juan 1:1

Laa'in li cheekel winq sa' li Iklees nintz'iib'ak rik'in li Qana' sik'b'il ru ut rik'ineb' li ralal xk'ajol, li ninraheb' chi tz'aqal yaal, ut moko ka'aj ta wi' laa'in; jo'kaneb' ajwi' chixjunileb' li neke'nawok re li yaal.

2 Pedro 1:1

Laa'in laj Simón Pedro, xmoos ut x'apóstol li Jesukriist, nintz'iib'ak rik'ineb' li xe'xmaatani li qaloq'laj paab'aal sa' xk'ab'a' li xtiikilal xch'ool li Jesukriist, a'an li qaYos ut aj Kolol qe.

1 Pedro 1:1

Laa'in laj Pedro, x'apóstol li Jesukriist, nintz'iib'ak eerik'in li xecha'cha'i eerib' Ponto, Galacia, Kapadocia, Asia ut Bitinia, ut anaqwan wankex aran jo' aj numel. Laa'ex sik'b'il eeru,

Hebreos 3:1

Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal.

Efesios 4:11

Ut A'an wan ajwi' kixxaqab'eb' cho'q apóstol; wankeb' cho'q propeet; wankeb' cho'q aj puktesinel li Chaab'il Esilal; wankeb' chik cho'q aj k'aak'alenel ut aj tzolonel.

1 Corintios 15:7

Moqon kixk'ut rib' chiru laj Santiago; chirix chik a'an chiruheb' chixjunil li apóstol.

Hechos 12:2

ut kixtaqla xkamsinkil rik'in ch'iich' laj Santiago, ras laj Jwan.

Hechos 3:1

Sa' jun li kutan laj Pedro ut laj Jwan ke'taqe'k sa' rochoch li Yos sa' oxib' honal re li ewu: a'an xhonalil li tijok.

Hechos 1:26

Ke'xb'uuli rixeb' ut li maatan kinaqk sa' xb'een laj Matías; ut kik'eemank sa' ajl sa' xyanqeb' li junlaju chi apóstol.

San Juan 21:24

A'an a'in li tzolom li ki'aatinak chirix chixjunil a'in, ut kixtz'iib'a ajwi'. Ut laa'o naqanaw naq tz'aqal yaal li xch'olob'ahom.

San Juan 21:20

Kixsutq'isi rib' laj Pedro ut kiril naq yo xtaaqenkil xb'aan li xtzolom li Jesus raaro xb'aan, a' li kix'anab' rib' chire xch'ool sa' li wa'ak ewu naq kixpatz' re: “Qaawa', ani li taaq'axtesinq aawe?”.

San Juan 21:2

Ch'utch'uukeb' laj Simón Pedro, laj Tomás, a' li Lut nayeemank re, laj Natanael, a' laj Kanahán re Galilea, eb' li ralal laj Sebedeo ut wiib'eb' chik xtzolom li Jesus,

San Juan 20:2

Koho sa' aanil wankeb' wi' laj Simón Pedro ut li jun chik xtzolom li Jesus li q'axal raaro xb'aan, ut koxye reheb': —Xe'risi li Qaawa' sa' li muqleb'aal ut ink'a' naqanaw b'ar ta xe'xk'e.

San Juan 13:23

Jun reheb' li xtzolom, a' li q'axal raaro xb'aan li Jesus, wank chi xk'atq sa' meex.

San Lucas 22:14

Naq kiwulak xhonalil, kik'ojlaak li Jesus sa' meex rochb'eeneb' li apóstol

San Lucas 22:8

Li Jesus kixtaqla laj Pedro ut laj Jwan: —Ayuqex ut kawresihomaq chaq li Paswa re naq toxqatzeka, chan reheb'.

San Lucas 9:10

Naq ke'sutq'iik chaq eb' li apóstol, ke'xseeraq'i re li Jesus jo'ch'inal jo'nimal ke'xb'aanu chaq. Ut a'an kixk'ameb' xjuneseb' ut koho sa' jun tenamit, Betsaida xk'ab'a'.

San Marcos 13:3

Chirix a'an, naq ak chunchu sa' xb'een li tzuul Olivos, chi xka'yab'aal li rochoch li Yos, laj Pedro, laj Santiago, laj Jwan ut laj Andrés ke'xpatz' re xjunes:

San Marcos 1:29

Naq ke'elk sa' li ch'utleb'aal kab'l, koho li Jesus rochb'een laj Santiago ut laj Jwan sa' rochoch laj Simón ut laj Andrés.

San Mateo 26:37

Kixk'am chirix laj Pedro ut xkab'ichaleb' li ralal laj Sebedeo, ut kixtikib' raho'k ut yot'e'k xch'ool.

San Mateo 20:20

Toja' naq kijilok li xna' li ralaleb' laj Sebedeo chi xk'atq li Jesus, rochb'eeneb' li xyum, ut kixwiq'ib' rib' re xtz'aamankil jun usilal chiru.

San Mateo 17:1

Waqib'aq kutan chik a'an, li Jesus kixb'oqeb' laj Pedro, laj Santiago ut laj Jwan li riitz'in, ut kixk'ameb' xjuneseb' sa' xb'een jun li tzuul najt xteram.

Apocalipsis 22:8

Laa'in, laj Jwan, kin'ab'ink ut kin'ilok re chixjunil a'in. Ut naq kiwab'i ut kiwil, kint'ane'k rub'el roq li ánjel li kik'utuk chiwu chixjunil a'in, re xloq'oninkil ru.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

3 Juan 1:1

Laa'in li cheekel winq sa' li Iklees nintz'iib'ak aawik'in, at Gayo raarookat inb'aan: relik chi yaal naq nakatinra.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

San Marcos 6:30

Ke'ch'utlaak eb' li apóstol rik'in li Jesus ut ke'xseeraq'i chixjunil li ke'xb'aanuhatq ut li ke'xtzolatqeb' wi' chaq li tenamit.

San Juan 6:67

Toja' naq li Jesus kixye reheb' li Kab'laju: —Ma teeraj ajwi' xik laa'ex?

San Juan 6:70

Li Jesus kixsumeheb': —Ma ink'a' tab'i' laa'in xinsik'ok eeru laa'ex li Kab'laju? Ut jun eere laa'ex, a'an aj tza.

San Juan 6:71

A' laj Judas, ralal laj Simón Iskariote, yo chi xyeeb'al xb'aan naq a'an taaq'axtesinq re, ut a'an jun reheb' li Kab'laju!