San Mateo 1:1 - Q'eqchi Bible

¹ Li Jesus, li Kriist, a'an ralal laj David ut ralal laj Abrahán. A'aneb' a'in li xxe' xtoonal.

Li Santil hu

¹ Saꞌ li hu aꞌin tzꞌi̱banbil retalil joꞌ qꞌuialeb lix xeꞌ xto̱nal li Jesucristo. Li Jesucristo ralal xcꞌajol li rey David ut ralal xcꞌajol ajcuiꞌ laj Abraham.

San Mateo 1:1 ပူးပေါင်းရင်းမြစ်များ

Génesis 22:18

Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Gálatas 3:16

Jo'kan utan, a' laj Abrahán kiyehe'k wi' li yeechi'om a'in ut re ajwi' li riyajil. Ink'a' naxye: “ut reheb' laawalal aak'ajol” chanchan tawi' li naab'aleb', yo b'an chi aatinak chirix jun ajwi': “ut re laawiyajil”, naraj naxye, a' li Kriist.

Romanos 1:3

A'an a'in resilal li Ralal, a' li Jesukriist li Qaawa', yo'lajenaq jo' winq sa' xyanq riyajil laj David

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Salmos 132:11

Li Qaawa' kixye sa' jurament re laj David, tz'aqal yaal ut ink'a' tixjal xk'a'uxl: “Sa' xyanqeb' li te'yo'laaq aawik'in tinsik' ru junaq li tkanaaq sa' laak'ojarib'aal.

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Isaías 11:1

Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

San Juan 7:42

Ma ink'a' tab'i' naxye li Santil Hu naq li Kriist taachalq chaq sa' xyanqeb' li ralal xk'ajol laj David, sa' li k'aleb'aal Belén, b'arwi' kiwank laj David?

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

Hechos 2:30

Ab'an a'an propeet ut naxnaw naq yeeb'il chaq re xb'aan li Yos rik'in jurament chi jo'ka'in: «Taak'ojlaaq sa' laak'ojarib'aal jun reheb' laawalal aak'ajol».

San Mateo 1:18

Li xyo'lajik li Jesus, li Kriist, jo'ka'in naq kiwank: ak tz'aamanb'il lix María, li xna' li Jesus, xb'aan laj José ut toj maji'aq naq'axonk rik'in, kikanaak sa' yu'am xb'aan li Santil Musiq'ej.

Isaías 53:8

Xe'xchap, xe'xraq aatin sa' xb'een ut xe'xkamsi chi maa'ani x'ilok xtoq'ob'aal ru. X'isiik sa' li ruuchich'och' a'in ut xmaakeb' lintenamit naq xkamsiik.

Romanos 9:5

Eb' a'an ralal xk'ajoleb' li qaxe' qatoon; sa' xyanqeb' a'an kitz'ejwalo'k li Kriist li kiyo'laak chaq sa' riyajileb'. A'in wank xwankil sa' xb'een chixjunil, Yos usilaatinanb'il chi junelik q'e kutan. Jo'kan taxaq.

Romanos 4:13

Naq li Yos kixyeechi'i chaq re laj Abrahán jo'wi' reheb' li ralal xk'ajol naq te'reechani li ruuchich'och', relik chi yaal naq moko sa' xk'ab'a' ta li Chaq'rab' naq ki'uxk li yeechi'om a'in, sa' xk'ab'a' b'an li tiikil ch'oolej kixk'ul rik'in naq kixpaab'.

San Mateo 15:22

Ut jun li ixq aj Kanahán ki'elk sa' li na'ajej a'an, japjo re chi xyeeb'al: —At Qaawa', ralalat laj David, chawuxtaana wu! Linko' k'ajo' naq rahob'tesinb'il xb'aan laj tza!

San Mateo 9:27

Naq ki'elk li Jesus aran, wiib'eb' li mutz' ke'taaqenk re ut japjookeb' re chi xyeeb'al: —At ralal laj David, chawuxtaana qu!

Jeremías 33:26

tintz'eqtaanaheb' aj raj wi' eb' li ralal xk'ajol laj Jakob ut eb' li ralal xk'ajol laj David, laj k'anjel chiwu. Ut ink'a' raj tinxaqab' junaq li ralal chi awab'ejink sa' xb'eeneb' li ralal xk'ajol laj Abrahán, laj Isahak ut laj Jakob. Xb'aan naq wajom laa'in naq te'sutq'iiq chaq wi' chik sa' li xna'ajeb' ke'k'ame'k wi' chi preexil ut twuxtaana ruheb'”, chan li Qaawa'.

Génesis 2:4

A'an a'in li xtiklajik li choxach'och', naq ke'b'aanuuk xb'aan li Yos. Naq li Qaawa' Yos kixb'aanu li choxach'och',

San Mateo 3:16

Ut naq ak xkub'siik xha' li Jesus, ki'elk chaq chi junpaat sa' li ha'; toja' naq kitehonk li choxa ut kiril li xMusiq' li Yos yo chaq chi kub'eek sa' xb'een kama' junaq mukuy.

Zacarías 12:8

Sa' li kutan a'an tintenq'aheb' li wankeb' Jerusalén: li jwal lub'lub'eb' sa' xyanqeb', q'axal kawaqeb' chik rib' jo' laj David; ut eb' li ralal xk'ajol laj David, chanchanaqeb' li Yos, jo'kaqeb' li x'ánjel li Qaawa' chi k'amok b'e chiruheb'.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Génesis 5:1

A'aneb' a'in li xk'ab'a'eb' li ralal xk'ajol laj Adán. Sa' li kutan kiyoob'tesiik wi' xb'aan li Yos, laj Adán kik'ehe'k jo' xjalam u li Yos.

Salmos 89:36

Sa' xk'ab'a' linsantilal xinye sa' jurament naq ink'a' tintik'ti'i laj David!

Salmos 89:3

Tinye naq k'ojk'o laawuxtaan chi junelik, li xtiikilal laach'ool xaqxo xwankil sa' choxa.

San Mateo 1:2

Laj Abrahán a'an chaq xyuwa' laj Isahak, laj Isahak a'an xyuwa' laj Jakob, laj Jakob a'an xyuwa' laj Judá jo'wi' eb' li riitz'in.

San Lucas 1:33

Taa'awab'ejinq sa' xb'een li rochoch laj Jakob chi junelik, ut li xnimal awab'ejihom ink'a' taalajq taa'oso'q.

1 Timoteo 2:5

Xb'aan naq jun ajwi' chi Yos, jun ajwi' li na'okenk ut na'aatinak chiqix chiru li Yos: a'an jun li winq, a' li Kristo Jesus

2 Timoteo 2:8

Jultikaq aawe chi junelik li Jesukriist, yo'lajenaq rik'in riyajil laj David ut waklijenaq chi yo'yo sa' xyanqeb' li kamenaq: a'an a'in li Chaab'il Esilal ninpuktesi.