San Marcos 9:5 - Q'eqchi Bible

⁵ Ut kixtikib' aatinak laj Pedro, kixye re li Jesus: —At Tzolonel, us toowanq arin. Qayiib'aq oxib' chi muheb'aal: jun cho'q aawe, jun cho'q re laj Moisés ut jun chik cho'q re laj Elías.

Li Santil hu

⁵ Laj Pedro quixye: —Ka̱cuaꞌ, cꞌajoꞌ xchakꞌal ru nak cuanco arin. Xkayi̱b ta oxibak muheba̱l arin. Jun a̱cue, jun re laj Moisés, ut jun re laj Elías.—

San Marcos 9:5 ပူးပေါင်းရင်းမြစ်များ

Filipenses 1:23

Ka'pak'al naweek'a lintitz'b'al: nawaj raj tinq'ajq tinsutq'iiq re naq wanqin rik'in li Kriist, ut a'in tz'aqal li q'axal us.

San Mateo 23:7

neke'raj naq te'k'ehe'q xsahilaleb' xch'ool sa'eb' li k'ayiil, jo'wi' naq «Tzolonel» te'yehe'q re xb'aaneb' li tenamit.

Salmos 84:10

At qaYos, chawil chaq laj k'aak'alehom qe, chak'e taxaq laawilob'aal sa' xb'een li sik'b'il ru aab'aan.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

San Mateo 17:4

Kixtikib' aatinak laj Pedro ut kixye re li Jesus: —Qaawa', us toowanq arin. Wi taawaj, tinyiib' arin oxib' chi muheb'aal: jun cho'q aawe, jun cho'q re laj Moisés, jun chik cho'q re laj Elías.

San Mateo 23:8

“A'ut laa'ex mixk'ul eech'ool xk'ab'a'inkil aj tzolonel, xb'aan naq jun ajwi' laj Tzolol eere ut chejunilex laa'ex eeriitz'in eerib'.

San Marcos 9:4

Laj Elías ut laj Moisés ke'xk'ut rib' chiruheb', yookeb' chi seeraq'ik rik'in li Jesus.

San Marcos 9:6

Ink'a' naxnaw k'aru taasumenq wi' xb'aan xxiweb'.

San Lucas 9:33

Ut naq yookeb' chi elk eb' a'in, kixye laj Pedro re li Jesus: —At Tzolonel, us toowanq arin. Qayiib'aq oxib' chi muheb'aal: jun cho'q aawe, jun cho'q re laj Moisés, jun chik cho'q re laj Elías. Ab'an laj Pedro ink'a' naxnaw li k'aru yo chi xyeeb'al.

San Juan 4:31

Naq toj maji' neke'wulak aran, eb' li xtzolom ke'ok chi relajinkil ru: —At Tzolonel, wa'in.