San Marcos 9:3 - Q'eqchi Bible

³ Li raq' ki'ok chi lemtz'unk ut saqpotz'in kikanaak: maajun aj puch'unel arin sa' ruuchich'och' naru chi saqob'resink chi jo'kan.

Li Santil hu

³ Ut li rakꞌ quijalanoꞌ rilbal. Nalemtzꞌun chic li rakꞌ. Saksakpotzꞌin nacꞌutun, chanchan li ratzꞌam que. Ma̱ jun aj puchꞌunel arin saꞌ ruchichꞌochꞌ tixsakobresi junak tꞌicr joꞌ nak quisakobresi̱c li rakꞌ li Jesús.

San Marcos 9:3 ပူးပေါင်းရင်းမြစ်များ

San Mateo 28:3

Nalemtz'unk li rilob'aal chanchan raq'kaaq, ut saq li raq' kama' li ratz'am ke.

Daniel 7:9

“Naq toj yookin chi ilok, ke'kawresiik eb' li k'ojarib'aal, ut jun cheekel winq kik'ojlaak aran. Q'axal saq li raq', jo' tawi' li ratz'amke; ut jwal saqsaq li rismal xjolom jo' li saqi tuuxnoq'. Li xk'ojarib'aal ut eb' li roq, a'an jo' tz'aqal li xam.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Hechos 10:30

Kichaq'ok laj Kornelio, ut kixye: —Kohejer, sa' ajwi' li honal a'in, yookin chi tijok sa' wochoch jo' na'uxmank sa' oxib' honal, xaqaamil chiwu jun li winq nalemtz'unk li raq',

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Salmos 68:14

Naq toj yookex chi hilank sa' xna'ajeb' laj ilol ketomq, xe'ok chi lemtz'unk eb' li xxik' li mukuy kama' li plaat; chanchan chik oor xkanaak li rismaleb'.

Salmos 51:7

Chak'e reetal naq sa' maak xinyo'laak, ak aj maakin ajwi' chaq naq xinsiyaak rik'in linna'.

Apocalipsis 19:18

re naq teetiw xtib'eleb' li awab'ej, xtib'eleb' li xjolomileb' laj puub' ut eb' li kaweb' rib', li xtib'eleb' li kawaay ut li k'ojk'ookeb' sa' xb'eeneb', xtib'eleb' chixjunileb' li winq jo' li wankeb' chi ach'ab'anb'il jo'eb' laj loq'b'il k'anjel, jo' kok' jo' ninq”.

San Marcos 9:4

Laj Elías ut laj Moisés ke'xk'ut rib' chiruheb', yookeb' chi seeraq'ik rik'in li Jesus.

San Lucas 9:29

Ut naq yo chi tijok, kijalano'k li rilob'aal ut li raq' kisaqo'k ut kilemtz'unk.