San Marcos 8:2 - Q'eqchi Bible

² —Nintoq'ob'a ruheb' li tenamit a'in, xb'aan naq ak oxib' kutan xchalikeb' wik'in ut maak'a'eb' xwa.

Li Santil hu

² —Tokꞌobeb ru li qꞌuila tenamit aꞌin. Ac cuan oxib cutan roquiqueb arin cuiqꞌuin ut ma̱cꞌaꞌ chic xcuaheb.

San Marcos 8:2 ပူးပေါင်းရင်းမြစ်များ

San Mateo 9:36

Naq kirileb' li k'iila tenamit, kixtoq'ob'a ruheb' xb'aan naq ch'i'ch'i'inb'ileb' ut cha'chookeb', jo'keb' li karneer maak'a' aj ilol reheb'.

Miqueas 7:19

Chawuxtaana wi' chik qu, chamuq li qamaa'usilal ut chakut chixjunileb' li qamaak sa' xchamal li palaw.

Salmos 145:15

Q'es ruheb' chixjunileb' aawik'in, at inYos: neke'royb'eni naq taak'e xtzekemqeb' sa' xq'ehil.

Salmos 103:13

Jo' junaq yuwa'b'ej naxraheb' li ralal xk'ajol, jo'kan ajwi' li Qaawa' naxtoq'ob'a ruheb' li neke'paab'ank re.

Hebreos 5:2

Ut naxnaw xtoq'ob'ankil ruheb' li maak'a' neke'xnaw ut li sachsookeb', xb'aan naq a'an rech lub'luukileb' ajwi'.

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

San Lucas 15:20

Ut kiwakliik, koho rik'in li xyuwa'. “Toj najt ajwi' wan chaq, naq li xyuwa' kiril ut kireek'a xnimal xrahom: koho sa' aanil, koxq'alu chi xkux ut kixtz'ub' ru.

San Lucas 7:13

Naq li Qaawa' kiril li ixq, kixtoq'ob'a ru ut kixye re: —Matyaab'ak.

San Marcos 9:22

Naab'al sut kikute'k sa' xam jo'wi' sa' ha' re naq taakamq; ab'an, wi wank k'aru tatruhanq xb'aanunkil re, tenq'aho, chawuxtaana qu!

San Marcos 6:34

Naq li Jesus ki'elk chaq sa' li jukub', kiril naq naab'aleb' li tenamit ut kixtoq'ob'a ruheb', xb'aan naq jo'keb' li karneer maak'a' aj ilol reheb'; ut naab'al li k'a'aq re ru ki'ok wi' chi xtzolb'aleb'.

San Marcos 5:19

Ab'an li Jesus ink'a' kiraj, kixye b'an re: —Ayu sa' laawochoch rik'ineb' laakomon ut ye resil reheb' jo'nimal li xb'aanu aawe li Qaawa' ut chanru naq xruxtaana aawu.

San Marcos 1:41

Li Jesus kixtoq'ob'a ru, kixye' li ruq', kixch'e' ut kixye re: —Twaj, tatk'iraaq.

San Mateo 20:34

Li Jesus kixtoq'ob'a ruheb', kixch'e' xsa' ruheb', ut sa' junpaat ke'ilok; ut ke'xtaaqe.

San Mateo 14:14

Naq li Jesus ki'elk chaq sa' li jukub', kiril naab'aleb' li tenamit, kixtoq'ob'a ruheb' ut kixk'irtasiheb' li yaj wankeb' sa' xyanqeb'.

Salmos 145:8

Li Qaawa' a'an aj uxtaan ut natoq'ob'ank u; nim li xkuyum ut numtajenaq li xrahom.

Hebreos 2:17

Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit.

San Marcos 6:32

Ut ke'ok sa' jun li jukub' ut koheb' sa' jun li na'ajej wank xjunes.

San Marcos 8:3

Wi teb'intaqla sa' rochocheb' chi maji' neke'wa'ak, te'lub'q sa' b'e; ut sa' xyanqeb' a'in wankeb' ajwi' li xe'chalk chi najt.

1 Reyes 19:6

Laj Elías ki'ilok chi xsutam ut kixk'e reetal naq chi xjolom wank jun li wa pomb'il sa' xb'een pek ut jun xaar chi ha'. Kiwa'ak ki'uk'ak, ut ki'ok wi' chik chi wark.