San Marcos 7:4 - Q'eqchi Bible

⁴ naq neke'sutq'iik chaq sa' k'ayiil, ink'a' neke'wa'ak, wi ink'a' xe'xch'ajob'resi rib'. Ut wank chik naab'al xe'toonil na'leb' neke'xpaab', kama' li xch'ajob'resinkil li uk'leb' sek', li xaar ut li perpookil sek'),

Li Santil hu

⁴ Ut nak nequeꞌsukꞌi chak saꞌ cꞌayil incꞌaꞌ nequeꞌcuaꞌac cui incꞌaꞌ nequeꞌchꞌajoc joꞌ naxye lix chakꞌrabeb. Ut cuan cuiꞌchic nabal li naꞌleb li nequeꞌxba̱nu joꞌ canabanbil reheb xbaneb li xeꞌto̱nil yucuaꞌ, joꞌ li xchꞌajbal lix secꞌ, lix xar, li ucꞌal chꞌi̱chꞌ ut lix chꞌa̱t.

San Marcos 7:4 ပူးပေါင်းရင်းမြစ်များ

Hebreos 9:10

chixjunil a'an yal ruuchich'och'il chaq'rab' li na'aatinak chirix tzekemq, uk'a', jo'wi' chirix li k'iila paay chi ch'ajob'resink ib', ut kiwank xwankil toj kiwulak xq'ehil xjalb'al chixjunil.

San Mateo 23:25

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: nekech'aj rix li sek' ut li pulaat, a'ut li xsa' nujenaq chi elq' ut maa'usilal!

Santiago 4:8

Jilonqex chi xk'atq li Yos, ut a'an taajiloq chek'atq. Ex aj maak, ch'ajomaq leeruq'. Laa'ex li nachalk naxik leek'a'uxl, ch'ajob'resihomaq leech'ool.

San Juan 2:6

Wankeb' aran waqib' li pek-kuk, neke'k'anjelak reheb' laj Judiiy re xch'ajob'resinkil rib'eb', ka'kab' malaj ox'ox kok' kuk naxkuy li junjunq.

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Isaías 1:16

Tuqub'omaq leeyu'am, ch'ajob'resiiq eerib', isihomaq chiwu leemaa'usilal ut kanab'omaq xb'aanunkil li ink'a' us!

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

San Mateo 27:24

Kiril laj Pilaat naq maak'a' na'ok wi' ut jun mululij ib' yo chi tiklaak; toja' naq kixpatz' xch'ajleb', kixch'aj li ruq' chiruheb' li tenamit ut kixye: —Maak'a' inmaak laa'in rik'in xkik'el li tiikil winq a'in. Laa'ex yaal eere sa' xb'een.

Salmos 26:6

Ninch'aj li wuq' re xk'utb'al naq maak'a' inmaak, ut ninsutyan chi xk'atq laa'artal, at Qaawa'.

San Juan 3:25

Kiwank jun wech'ij ib' rik'ineb' li xtzolom laj Jwan ut jun aj judiiy, chirix li ch'ajob'resink ib'.

Jeremías 35:5

Kink'e jun xaar nujenaq chi b'iin rochb'eeneb' uk'leb' sek' cho'q reheb' laj Rekab ut kinye reheb': “Uk'unqex b'iin”, chankin.

San Mateo 23:26

At aj Pariseey ink'a' nakat-ilok, ch'aj xb'enwa xsa' li sek' re naq ch'ajb'ilaq ajwi' li rix!

San Marcos 7:8

Nekekanab' li xchaq'rab' li Yos ut a' chik li xnajteril na'leb' li winq nekepaab'.