San Marcos 5:9 - Q'eqchi Bible

⁹ Ut li Jesus kixpatz' re: —Ani laak'ab'a'? Kichaq'ok a'an ut kixye: —Jun tuub' link'ab'a', xb'aan naq naab'alo.

Li Santil hu

⁹ Tojoꞌnak li Jesús quixpatzꞌ re: —¿Ani a̱cꞌabaꞌ? chan. —Cuakib mil (6,000) incꞌabaꞌ xban nak nabalo, chan nak quichakꞌoc.

San Marcos 5:9 ပူးပေါင်းရင်းမြစ်များ

San Lucas 8:30

Li Jesus kixpatz' re: —Ani laak'ab'a'? Kichaq'ok a'an ut kixye: —Jun tuub' link'ab'a'. Kixye chi jo'kan xb'aan naq naab'aleb' aj tza okenaqeb' rik'in.

San Marcos 5:15

Ke'wulak wan wi' li Jesus, ke'xka'ya li winq li kirahob'tesiik xb'aan laj tza, a' li eechaninb'il chaq xb'aan jun tuub' chi maa'us aj musiq'ej, chunchu aran, tiqto ut tuqtu chik li xjolom: ut ki'ok xxiweb'.

San Mateo 26:53

Malaj nakak'oxla naq ink'a' truuq tinpatz' xk'ab'a' linYuwa', ut a'an tixk'e raj chaq we chi junpaat numenaq kab'laju teep chi ánjel?

San Mateo 12:45

Toja' naq taaxik ut tixk'am chaq wuqub' chik chi musiq'ej, q'axal chik maa'useb' chiru a'an. Te'ok ut te'kanaaq aran; ut q'axal chik yib'ru taakanaaq wi' li winq a'an chiru naq xwank chaq xb'enwa. Jo'kan ajwi' tixk'ul li tenamit a'in li ink'a' useb' xna'leb'”.

San Marcos 5:8

Kixye a'an xb'aan naq yeeb'il re xb'aan li Jesus: —At tz'ajn aj musiq'ej, elen rik'in li winq a'an!

San Marcos 5:10

Ut k'iila sut kixtz'aama naq ink'a' chi'isiiq sa' li na'ajej a'an.