San Marcos 3:5 - Q'eqchi Bible

⁵ Toja' naq kirileb' sa' xsutam sa' josq'il, chi ra sa' xch'ool xb'aan xkawileb' xjolom, ut kixye re li winq: —Ye' laawuq'. A'an kixye' li ruq' ut kik'iraak.

Li Santil hu

⁵ Quijoskꞌoꞌ li Jesús saꞌ xbe̱neb, abanan quiril cuiꞌchic xtokꞌoba̱l ruheb xban nak incꞌaꞌ queꞌraj xtaubal xya̱lal. Ut li Jesús quixye re li cui̱nk li sic rukꞌ: —Yeꞌ la̱ cuukꞌ, chan. Ut li cui̱nk quixyeꞌ li rukꞌ ut saꞌ junpa̱t quiqꞌuira.

San Marcos 3:5 ပူးပေါင်းရင်းမြစ်များ

San Lucas 6:10

Kirileb' chixjunil sa' xsutam ut kixye re li winq: —Ye' laawuq'. A'an kixb'aanu chi jo'kan, ut kik'iraak li ruq'.

Efesios 4:18

q'oqyink ru li xk'a'uxeb' ut ab'leb' sa' li xyu'am li Yos, xb'aan naq maak'a' neke'xnaw ut kaweb' li xjolom.

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

San Mateo 12:13

Toja' naq kixye re li winq: —Ye' laawuq'. A'an kixye', ut li ruq' kik'iraak kama' li jun chik.

Apocalipsis 6:16

ut ke'xye reheb' li tzuul ut reheb' li saqoonak: “T'anenqex chaq sa' qab'een ut muqumaqo chiru li k'ojk'o sa' li xnimajwal k'ojarib'aal ut chiru li xjosq'il li Karneer!

Hebreos 5:9

Ut naq koxtaw li xtz'aqalil re ru, kikanaak cho'q xyo'leb'aal li kolb'a ib' cho'q reheb' chixjunil li neke'paab'ank re,

Hebreos 3:17

Ut aniheb' sa' aj b'een kijosq'o'k li Yos chiru ka'k'aal chihab'? Ma ink'a' tab'i' sa' xb'eeneb' li ke'maakob'k? Jo'kan naq ke'kanaak chi oso'k sa' li chaqich'och'.

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

Efesios 4:26

Wi texjosq'oq, k'ehomaq reetal naq mexmaakob'k; mixulq'i li saq'e chi toj yooq leejosq'il,

2 Corintios 3:14

Ab'anan ke'kawuuk xk'a'uxl, xb'aan naq chalen toj anaqwan li t'ikr a'an toj wank naq na'ilmank xsa' li Najter Chaq'rab'. Li t'ikr a'an maji' na'isimank xb'aan naq ka'ajwi' sa' xk'ab'a' li Kriist taa'elq.

San Juan 9:7

—Ayu chi ch'ajok sa' li ha' Siloé xk'ab'a' (naraj naxye: “Taqlanb'il”). Koho li mutz', koxch'ajoq chaq ut na'ilok chik naq kisutq'iik chaq.

San Lucas 17:14

Naq li Jesus kirileb', kixye reheb': —Ayuqex ut k'utomaq eerib' chiruheb' laj tij. Ut naq yookeb' chi xik, ke'k'irtasiik.

San Lucas 13:15

Kichaq'ok li Qaawa' ut kixye: —Ex aj ka'pak'al u! Ma ink'a' tab'i' chejunilex nekehit leeb'ooyx malaj leeb'uur sa' li xwa'leb'aaleb' sa' sábado, re xk'amb'aleb' chi uk'ak?

Salmos 95:10

Chiru ka'k'aal chihab' ke'xpo' linch'ool eb' li tenamit a'an, ut kinye: «Li tenamit a'in q'axal b'ach'b'ach'eb', ink'a' neke'raj xtaaqenkil linb'e».

Nehemías 13:8

K'ajo' naq kiraho'k linch'ool chi rab'inkil a'an. Jo'kan naq kiwisi chirix kab'l chixjunil li k'aru wank re laj Tobías;

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Génesis 6:6

jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool:

Hebreos 3:10

Jo'kan naq kipo'k inch'ool sa' xb'een li tenamit a'an ut kinye: «Junelik sachsookeb' sa' li xyu'ameb', ink'a' ke'xtaw ru li waatin».

San Marcos 3:4

Ut kixpatz' reheb': —K'aru us xb'aanunkil sa' sábado, ma li usilal malaj li ink'a' us, xkolb'al xyu'am junaq malaj ut xkamsinkil? A'ut eb' a'an ch'anch'o ke'kanaak.

1 Samuel 20:34

Kixaqliik ut kixkanab' li meex chi k'ajo' xjosq'il, ut ink'a' kiwa'ak sa' li xkab' kutan re li xyo'lajik li po. Jwal ra sa' xch'ool chirix laj David li kimajewaak xb'aan li xyuwa'.