San Marcos 2:8 - Q'eqchi Bible

⁸ Sa' junpaat kixnaw li Jesus sa' xch'ool naq jo'kan yookeb' chi xk'oxlankil xjuneseb', ut kixye reheb': —K'a'ut naq nekek'oxla a'an sa' leech'ool?

Li Santil hu

⁸ Ticto quixnau li Jesús cꞌaꞌru yo̱queb chixcꞌoxlanquil. Quixye reheb: —¿Cꞌaꞌut nak nequecꞌoxla chi joꞌcan?

San Marcos 2:8 ပူးပေါင်းရင်းမြစ်များ

Hechos 8:22

Yot' aach'ool ut jal laak'a'uxl, ut kanab' laamaa'usilal; tz'aaman chiru li Qaawa': mare anchal tixkuy li ink'a' us xak'oxla sa' laach'ool.

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

San Juan 6:64

Ab'anan wankeb' sa' eeyanq li ink'a' neke'paab'ank. Xb'aan naq chalen chaq sa' xtiklajik naxnaw chi us li Jesus aniheb' li ink'a' neke'paab'ank ut ani li taaq'axtesinq re.

San Lucas 24:38

Ut li Jesus kixye reheb': —K'a'ut naq sachso leech'ool? K'a'ut naq na'ok eek'a'uxl?

San Lucas 6:8

Ab'an li Jesus naxnaw li yookeb' chi xk'oxlankil; jo'kan naq kixye re li winq chaqi ruq': —Xaqlin ut k'e aawib' arin sa' yiib'ej. Ut a'an kixaqliik ut kikanaak chi xaqxo.

San Lucas 5:22

Kixnaw li Jesus k'aru yookeb' chi xk'oxlankil ut kixye reheb': —K'a'ut naq nekek'oxla a'an sa' leech'ool?

San Mateo 9:4

Ab'an li Jesus naxnaw li xk'a'uxeb'; jo'kan naq kixye reheb': —K'a'ut naq nekek'oxla li ink'a' us sa' leech'ool?

Ezequiel 38:10

«Laa'in, li Qaawa', ninye chi jo'ka'in: Chiruheb' li kutan a'an taa'alaaq sa' laach'ool xb'aanunkil li ink'a' us.

Salmos 139:2

nakanaw jo'q'e nink'ojlaak ut jo'q'e ninwakliik; us ta najt wankin, ab'an nakanaw li nink'oxla.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

San Juan 21:17

Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

San Marcos 7:21

xb'aan naq chisa' li xch'ool na'elk chaq li ink'a' usil na'leb': li ko'b'eetak yumb'eetak, elq'ak, kamsink,

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Proverbios 24:9

Li jip junes xb'aanunkil li maak naxk'oxla, ut eb' li poyanam xik' neke'ril laj hob'onel.

Proverbios 15:26

Li Qaawa' xik' naril li xk'uub'ahom li ink'a' us xch'ool, ab'an nawulak chiru li q'unil aatin.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

San Mateo 12:15

Ab'an li Jesus, naq kixnaw a'in, ki'elk aran. Ut kitaaqeek xb'aaneb' naab'al li tenamit, ut kixk'irtasiheb' chixjunil.

San Mateo 16:7

Eb' a'an ke'ok chi xyeeb'al chirib'ileb' rib': —Naxye a'in xb'aan naq ink'a' xqak'am chaq qawa.

San Marcos 2:7

“K'a'ut naq na'aatinak chi jo'kan? Yo chi xmajewankil li Yos. Ani truuq chi kuyuk sachok maak? Ma ink'a' tab'i' ka'ajwi' li Yos?”.

San Marcos 2:9

B'ar wank li ink'a' ch'a'aj xyeeb'al re li sik: «Kuyb'il sachb'il chik laamaak», malaj: «Waklin, xok laach'ina ch'aat ut b'een»?