San Marcos 2:16 - Q'eqchi Bible

¹⁶ Eb' laj tz'iib' reheb' laj pariseey ke'ril naq yo chi wa'ak rochb'eeneb' laj maak ut eb' laj titz'ol toj; jo'kan naq ke'xye reheb' li xtzolom: —K'a'ut naq nawa'ak rik'ineb' laj titz'ol toj ut eb' laj maak?

Li Santil hu

¹⁶ Ut eb laj tzꞌi̱b ut eb laj fariseo queꞌril nak cuan li Jesús saꞌ me̱x rochbeneb laj titzꞌol toj joꞌqueb ajcuiꞌ laj ma̱c. Ut queꞌxye reheb lix tzolom li Jesús: —¿Cꞌaꞌut nak laj tzolol e̱re nacuaꞌac saꞌ xya̱nkeb laj titzꞌol toj ut saꞌ xya̱nkeb laj ma̱c? chanqueb.

San Marcos 2:16 ပူးပေါင်းရင်းမြစ်များ

San Lucas 19:10

Xb'aan naq li K'ajolb'ej xk'ulunk chi xsik'b'al ut chi xkolb'al li b'arwan sachenaq.

San Lucas 18:11

Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in.

1 Corintios 2:15

A'ut li winq li wank xMusiq' li Yos rik'in, chixjunil naxtaw ru ut maa'ani naraqok aatin sa' xb'een.

Hechos 23:9

Chixjunileb' kaw ke'ok chi xjapb'al reheb'. Wankeb' aj tz'iib' xkomoneb' laj Pariseey ke'xaqliik ut ke'ok chi wech'ink: —Laa'o maajun maak naqataw chirix li winq a'in. Mare anchal musiq'ej malaj ánjel x'aatinak rik'in, chankeb'.

San Lucas 19:7

Naq ke'ril a'in, chixjunileb' li poyanam neke'choqoqnak chi xyeeb'al: “Xo'okaq chi hilank sa' rochoch jun li winq aj maak”.

Isaías 65:5

Ut neke'xye: «Kanaaqat aran sa' laana'aj, matjilok chaq chink'atq: mare anchal tatsanto'q inb'aan», chankeb'. Chixjunileb' a'an chanchaneb' li sib' sa' wu'uj, jo' li xam li junelik yo chinch'i'ch'i'inkil.

Hebreos 12:3

Chek'oxla rix li Jesus li kixkuy xnimal tz'eqtaanaak xb'aaneb' laj maak; chi jo'kan ink'a' texlub'q chi moko taach'inanq leech'ool.

San Marcos 2:7

“K'a'ut naq na'aatinak chi jo'kan? Yo chi xmajewankil li Yos. Ani truuq chi kuyuk sachok maak? Ma ink'a' tab'i' ka'ajwi' li Yos?”.

San Mateo 18:17

Ut wi ink'a' naraj rab'inkileb', ye re li Iklees; ab'an wi ink'a' ajwi' naraj rab'inkil li Iklees, chikanaaq chawu jo' li maak'a' xpaab'aal malaj jo' jun aj titz'ol toj.

San Mateo 9:11

Naq eb' laj Pariseey ke'ril a'an, ke'xye reheb' li xtzolom li Jesus: —K'a'ut naq laj tzolol eere nawa'ak rik'ineb' laj titz'ol toj ut eb' laj maak?

San Mateo 5:46

Wi ut laa'ex nekeraheb' ka'ajwi' li neke'rahok eere, k'aru eeq'ajkamunkil teek'ul? Ma ink'a' tab'i' jo'kan ajwi' neke'xb'aanu eb' laj titz'ol toj?

San Marcos 2:15

Naq wan chaq li Jesus sa' meex sa' rochoch laj Leví, naab'aleb' laj titz'ol toj ut aj maakeb' ke'ok sa' meex rochb'een, rochb'eeneb' ajwi' li xtzolom, xb'aan naq naab'al xkomoneb' a'an yookeb' chi taaqenk re.

San Lucas 5:30

Eb' laj pariseey ut eb' laj tz'iib' li neke'okenk chirixeb' ke'choqoqnak sa' xyanqeb' li xtzolom: —K'a'ut naq nekexwa'ak ut nekex'uk'ak rik'ineb' laj titz'ol toj ut eb' laj maak? chankeb'.