San Marcos 13:7 - Q'eqchi Bible

⁷ “Naq teerab'ihatq naq yooq li kamsij ib' malaj ut yal resil li yalok, mexxiwak: tento taak'ulmanq a'in; ab'an toj maji'aq li roso'jik.

Li Santil hu

⁷ Nak te̱rabi nak yo̱ li ple̱t ut nak te̱rabi resil nak ticla̱c re li ple̱t yalak bar, mexxucuac xban nak tento nak ta̱cꞌulma̱nk chi joꞌcan. Abanan moco ac aꞌan ta rosoꞌjiqueb li cutan.

San Marcos 13:7 ပူးပေါင်းရင်းမြစ်များ

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

Hechos 17:3

naxch'olob' ut naxye xyaalal naq teneb'anb'il chaq sa' xb'een li Kriist xk'ulb'al li rahilal ut wakliik wi' chik sa' xyanqeb' li kamenaq: “Li Kriist a'in, a'an li Jesus li ninye resil eere”, chan.

San Mateo 18:7

Ra chaalel sa' xb'een li ruuchich'och' xb'aan li luktesink ch'oolej! Xb'aan naq tento taachalq li luktesink ch'oolej, ab'anan ra chaalel sa' xb'een li taachalq wi' li luktesink ch'oolej!

Jeremías 51:46

Mich'inank leech'ool chi moko chexxiwaq xb'aan li esil yo xyeeb'al sa' li tenamit. Rajlal chihab' taa'ab'iiq jalan jalanq li esil: taanumtaaq li rahilal sa' xb'een li tenamit ut eb' li awab'ej te'yaloq chirib'ileb' rib'.

Isaías 8:12

“Meeye po'ok na'leb' re li neke'xk'e cho'q po'ok na'leb' li tenamit a'in -chan we- chi moko teexiwa ru li neke'xxiwa eb' a'an.

Proverbios 3:25

Ink'a' taaxiwa li rahilal taachalq chi junpaat, chi moko li xsachikeb' li ink'a' useb' xch'ool,

Salmos 112:7

Ink'a' naxiwak chi rab'inkil li ink'a' usil esilal, xb'aan naq kaw xch'ool, ut k'ojk'o li raanm rik'in li Qaawa'.

Salmos 27:3

Us ta te'chalq sa' inb'een jun tuub'eb' chi aj puub', ab'an ink'a' taaxiwaq linch'ool; us ta te'xyoob' jun li nimla yalok sa' inb'een, ab'an ink'a' taach'inanq li waanm.

2 Samuel 14:14

Chiqajunilo tento tookamq. Jo'ko li ha' hoyb'il sa' ch'och': ink'a' chik naru xxokb'al. Li Yos maa'ani narisi li xyu'am, naxsik' b'an xyaalal re naq taasutq'iiq wi' chik li ani najt wank rik'in.

San Juan 14:1

“Misachk eech'ool chi k'oxlak. Chepaab' li Yos ut chineepaab' ajwi' laa'in.

San Mateo 2:3

Naq kirab'i a'in li awab'ej Herodes, ki'ok xk'a'uxl; jo'kaneb' ajwi' chixjunileb' laj Jerusalén.

San Marcos 13:6

Naab'aleb' te'chalq ut te'roksi link'ab'a': «Laa'inin», cha'qeb'; ut naab'aleb' te'b'alaq'iiq.

San Marcos 13:8

Xb'aan naq te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej; talaje'wanq hiik sa' naab'al chi na'ajej ut taawanje'q we'ej: a'inaq xtiklajik li nimla rahilal.