San Marcos 13:6 - Q'eqchi Bible

⁶ Naab'aleb' te'chalq ut te'roksi link'ab'a': «Laa'inin», cha'qeb'; ut naab'aleb' te'b'alaq'iiq.

Li Santil hu

⁶ Nabal teꞌcha̱lk chi balakꞌi̱nc ut toleꞌxye, “La̱in li Cristo”, chaꞌkeb. Ut nabal teꞌbalakꞌi̱k xbaneb.

San Marcos 13:6 ပူးပေါင်းရင်းမြစ်များ

San Marcos 13:22

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

San Juan 8:24

Jo'kan naq xinye eere naq texkamq sa' leemaak xb'aan naq, wi ink'a' nekepaab' naq Laa'inin, texkamq sa' leemaak.

San Juan 5:43

Laa'in xinchalk sa' xk'ab'a' linYuwa', ut ink'a' nikineek'ul. Wi ani chik taachalq yal xtaql xch'ool, a'an teek'ul raj.

San Mateo 24:11

Te'waklije'q chaq propeet aj b'alaq' ut xiikileb' li te'b'alaq'iiq xb'aaneb' a'an.

San Mateo 24:5

Xb'aan naq naab'aleb' te'chalq ut te'roksi link'ab'a': «Laa'in li Kriist», cha'qeb', ut naab'aleb' te'b'alaq'iiq.

Jeremías 14:14

Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

San Marcos 13:5

Ut li Jesus kixtikib' xyeeb'al reheb': “Chek'ehaq reetal re naq maa'ani chib'alaq'inq eere.

San Marcos 13:7

“Naq teerab'ihatq naq yooq li kamsij ib' malaj ut yal resil li yalok, mexxiwak: tento taak'ulmanq a'in; ab'an toj maji'aq li roso'jik.

San Juan 8:28

Jo'kan naq li Jesus kixye reheb': —Akaq xetaqsi li K'ajolb'ej, toja' naq teenaw naq Laa'inin ut maak'a' ninb'aanu injunes wib', ninye b'an li k'aru kixk'ut chiwu li Yuwa'b'ej.