San Marcos 1:32 - Q'eqchi Bible

³² Ewu, naq ak x'ok li saq'e, chixjunileb' li yaj ut li eechaninb'ileb' xb'aan laj tza ke'k'ame'k chaq rik'in li Jesus.

Li Santil hu

³² Saꞌ li ecuu aꞌan nak ac x-oc li sakꞌe, queꞌcꞌameꞌ chak riqꞌuin li Jesús nabaleb li yaj. Ut queꞌcꞌameꞌ ajcuiꞌ chak li cuan ma̱us aj musikꞌej riqꞌuineb.

San Marcos 1:32 ပူးပေါင်းရင်းမြစ်များ

San Mateo 8:16

Naq ki'ewuuk, ke'k'ame'k chaq rik'in li Jesus naab'aleb' li eechaninb'ileb' xb'aan laj tza; kirisiheb' li maa'us aj musiq'ej rik'in li raatin ut kixk'irtasi chixjunileb' li yaj.

San Lucas 4:40

Naq ok re li saq'e, chixjunileb' li wankeb' xyaj, a' yaal k'aru xyajeleb', kilaje'xk'am rik'in li Jesus ut a'an kixk'e li ruq' sa' xb'eeneb' chixjunqaleb', ut kixk'irtasiheb'.

San Marcos 3:2

Ut yookeb' chi xk'eeb'al reetal ma tixk'irtasi tana sa' li sábado re naq te'ruuq xjitb'al.

San Mateo 4:24

Kiwulak resil li Jesus sa' chixjunil Siria: ut ke'xk'am chaq rik'in chixjunileb' li yaj, k'iila paay ruheb' li xyajel ut li xrahilal; ke'xk'ameb' ajwi' chaq li eechaninb'ileb' xb'aan laj tza, eb' li neke'pohonk xyajel, eb' li sik, ut kixk'irtasiheb'.

San Marcos 1:21

Ke'wulak Kafarnaúm. Sa' li sábado li Jesus ki'ok sa' li ch'utleb'aal kab'l ut kixtikib' xtzolb'aleb' li tenamit.

San Mateo 8:17

Chi jo'kan kitz'aqlok ru li xyehom li propeet Isaías: “A'an kik'uluk re li qarahilal ut ki'iiqanink re li qayajel”.

San Marcos 1:31

Li Jesus kijilok chi xk'atq, kixchap chi ruq' ut kixwaklesi: ut a'an kikanab'aak xb'aan li tiq, ut ki'ok chi k'anjelak chiruheb'.

San Lucas 4:41

Naab'aleb' ajwi' ke'elk maa'us aj musiq'ej rik'ineb', japjookeb' re chi xyeeb'al: —Laa'at li Ralal li Yos! A'ut a'an kixq'useb' chi kaw ut ink'a' kixkanab'eb' chi aatinak, xb'aan naq neke'xnaw naq a'an li Kriist.