San Marcos 1:13 - Q'eqchi Bible

¹³ Ut chiru ka'k'aal kutan kiwank chaq sa' li chaqich'och', yo chaq raalenkil xb'aan laj tza. Wan chaq sa' xyanqeb' li josq' aj xul, ut eb' li ánjel neke'k'anjelak chiru.

Li Santil hu

¹³ Caꞌcꞌa̱l cutan quicuan chak xjunes saꞌ li naꞌajej aꞌan saꞌ xya̱nkeb li joskꞌ aj xul. Ut chiru li caꞌcꞌa̱l cutan aꞌan, li Jesús quiyaleꞌ ra̱lenquil xban laj tza, aban incꞌaꞌ quixqꞌue rib chi a̱le̱c. Ut eb lix ángel li Dios queꞌcuulac chi cꞌanjelac chiru.

San Marcos 1:13 ပူးပေါင်းရင်းမြစ်များ

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

Éxodo 34:28

Chiru ka'k'aal kutan ut ka'k'aal q'oqyink laj Moisés kikanaak chaq aran rik'in li Qaawa', ut ink'a' kiwa'ak chi moko ki'uk'ak; ut kixtz'iib'a chiruheb' li perpookil pek li raatineb' li Sumwank, a'eb' li lajeeb' chi aatin.

San Mateo 26:53

Malaj nakak'oxla naq ink'a' truuq tinpatz' xk'ab'a' linYuwa', ut a'an tixk'e raj chaq we chi junpaat numenaq kab'laju teep chi ánjel?

Deuteronomio 9:25

Jo'kan naq laa'in kinhupub' wib' chiru li Qaawa', ut chi hupu kinwank chiru ka'k'aal q'oqyink, xb'aan naq li Qaawa' kiraj raj xsachb'al eeru.

Deuteronomio 9:18

Chirix chik a'an kinhupub' wib' chiru li Qaawa' ut kinb'aanu wi' chik jo' xb'enwa: ka'k'aal kutan ut ka'k'aal q'oqyink ink'a' kinwa'ak chi moko kin'uk'ak xb'aan chixjunil li maak keb'aanu chiru li Qaawa' toj reetal kechiq' xjosq'il.

Deuteronomio 9:11

Naq ak ke'nume'k li ka'k'aal kutan ut li ka'k'aal q'oqyink, li Qaawa' kixq'axtesi we li wiib' chi tz'alam pek b'arwi' tz'iib'anb'il li Sumwank,

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Éxodo 24:18

Laj Moisés kox'okaq sa' li choql, kitaqe'k sa' xb'een li tzuul, ut chiru ka'k'aal kutan ut ka'k'aal q'oqyink kiwank chaq aran.

San Mateo 4:1

Toja' naq kik'ame'k li Jesus xb'aan li Musiq'ej sa' li chaqich'och' re naq taayale'q raalenkil xb'aan laj tza.

San Lucas 4:1

Li Jesus, nujenaq chi Santil Musiq'ej, ki'elk chaq chire li nima' Jordán ut kik'ame'k xb'aan li Musiq'ej sa' li chaqich'och'.