San Lucas 9:32 - Q'eqchi Bible

³² Laj Pedro ut eb' li rochb'een numtajenaqeb' xwara, ab'anan ke'ajk ru ut ke'ril li xnimal xloq'al li Jesus jo' ajwi' li wiib' chi winq li wankeb' rochb'een.

Li Santil hu

³² Usta yo̱queb xcuara laj Pedro ut li cuanqueb rochben, abanan incꞌaꞌ queꞌcuar. Yo̱queb ban chirilbal lix lokꞌal li Jesús joꞌ ajcuiꞌ li cuib chi cui̱nk li cuanqueb rochben.

San Lucas 9:32 ပူးပေါင်းရင်းမြစ်များ

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Daniel 8:18

“Naq li ánjel yo chi waatinankil, kisachk linna'leb', chi hupuukin chiru ch'och'; ab'an a'an kinxwaklesi ut kinxxaqab'.

Daniel 10:9

Naq kiwab'i li xyaab' xkux, kint'ane'k chi hupu chiru ch'och' chi sachso inna'leb'.

2 Pedro 1:16

Naq xlajqak'ut cheru li xwankilal ut li xk'ulunik li Qaawa' Jesukriist moko xqaye ta a'an jo' jun seeraq' li maak'a' rajb'al, chirix b'an naq ak xqil chaq tz'aqal rik'in qu li xnimajwal loq'al.

San Juan 17:24

“At inYuwa', eb' li xak'eheb' we nawaj naq wanqeb' wochb'een b'arwi' wanqin laa'in, re naq te'xka'ya linloq'al li xak'e chaq we, xb'aan naq xinaara rub'elaj xk'ojlajik li ruuchich'och'.

Isaías 60:19

“Moko aajel ta chik ru li saq'e cho'q aasaqenk chiru li kutan chi moko li xsaqenkil li po chiru li q'oqyink. Laa'in chik laasaqenk chi junelik; laa'in li Qaawa' laaYos, laa'in chik li xnimal aaloq'al.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

San Marcos 14:40

Ut naq kisutq'iik chaq, kixtaweb' wi' chik chi wark, xb'aan naq k'ajo'eb' li xwara sa' ruheb', ut ink'a' neke'xnaw k'aru te'xsume wi'.