San Lucas 9:16 - Q'eqchi Bible

¹⁶ Toja' naq kixchap li oob' chi wa ut li wiib' chi kar, kixtaqsi li rilob'aal sa' choxa, kiyoxink ut kixjachi, yo chi xk'eeb'al reheb' li xtzolom re naq te'xjek'i reheb' li tenamit.

Li Santil hu

¹⁶ Li Jesús quixchap li o̱b chi caxlan cua ut li cuib chi car. Qui-iloc saꞌ choxa. Quixbantioxi chiru li Dios. Quixjachi ut quixqꞌue reheb lix tzolom re nak teꞌxjeqꞌui reheb li qꞌuila tenamit.

San Lucas 9:16 ပူးပေါင်းရင်းမြစ်များ

San Mateo 14:19

Ut kixtaqlaheb' chi hilank li tenamit sa' li pach'aya', kixchap li oob' chi wa ut li wiib' chi kar, kixtaqsi li rilob'aal sa' choxa, kiyoxink ut kixjachi li wa; kixk'e reheb' li xtzolom, ut eb' li xtzolom ke'xjek'i reheb' li tenamit.

San Lucas 24:30

Naq yo chi hilank sa' meex rochb'eeneb', kixchap li wa, kiyoxink sa' xb'een, kixjachi ut kixtikib' xk'eeb'al reheb'.

San Mateo 15:36

kixchap li wuqub' chi wa ut eb' li kar, kiyoxink, kixjachi, yo chi xk'eeb'al reheb' li xtzolom ut eb' li xtzolom ke'xjek'i reheb' li tenamit.

Romanos 14:6

Li naxk'e xloq'al junaq kutan, re li Qaawa' naq naxb'aanu a'an; li natzekank, re li Qaawa' naq natzekank, ut nayoxink ajwi' chiru li Yos; ut li ink'a' natzekank, re li Qaawa' naq naxb'aanu a'an, ut nayoxink chiru li Yos.

Hechos 27:35

Ut naq kixye a'an, kixchap li wa, kiyoxink re li Yos chiru chixjunileb', kixjach ut ki'ok chi wa'ak.

San Juan 6:23

Ab'anan wankeb' kok' jukub' ke'elk chaq Tiberias, ke'wulak nach' rik'in li na'ajej b'arwi' ke'wa'ak.

San Juan 6:11

Toja' naq li Jesus kixchap eb' li wa, kiyoxink ut kixjek'i reheb' li k'ojk'ookeb' aran. Jo'kan ajwi' kixb'aanu rik'ineb' li kar; kixk'e reheb' jo'k'ihal li ke'raj.

San Lucas 22:19

Chirix chik a'an kixchap li wa, kiyoxink, kixjachi ut kixk'e reheb': —A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil.

1 Corintios 11:24

ut naq ak xyoxink chiru li Yos, kixjachi ut kixye: “A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil”.

1 Corintios 10:30

Wi laa'in ninyoxink chirix li xintz'aqk, k'a'ut naq tinq'useq' rik'in li k'aru ninyoxi?

San Marcos 7:34

Kixtaqsi li rilob'aal sa' choxa, kixjiq' xch'ool ut kixye re: “Effatá”, chi jalb'il ru naraj naxye: “Teliiqat!”.

1 Samuel 9:13

Ka'ajwi' tex'ok sa' li tenamit, teetaw aran naq xik xikaq re taqe'q chi tzekank. Eb' li tenamit ink'a' te'wa'aq toj reetal taawulaq a'an, xb'aan naq a'an na'osob'tesink re li mayej. Tojo' naq te'wa'aq li b'oqb'ileb'. Taqenqex anaqwan ut teetaw chi junpaat”.

San Lucas 9:15

Ke'xb'aanu chi jo'kan ut ke'xk'eheb' chi hilank chixjunileb'.

San Lucas 9:17

Ke'tzekank chixjunileb' toj reetal ke'k'ojlaak xch'ool. Ut kixokmank li rela' li wa: kab'laju chakach chi wa.