San Lucas 9:11 - Q'eqchi Bible

¹¹ Ab'anan, naq ke'xnaw a'an eb' li poyanam, ke'xtaaqe. Li Jesus kixk'uleb' ut ki'ok chi raatinankileb' chirix li xnimajwal awab'ejihom li Yos, jo' ajwi' chi xk'irtasinkileb' li te'raj ru k'iraak.

Li Santil hu

¹¹ Abanan li qꞌuila tenamit queꞌxqꞌue retal nak li Jesús yo̱queb chi xic saꞌ li naꞌajej aꞌan, ut queꞌco̱eb chirix. Li Jesús quixcꞌuleb ut qui-oc chixchꞌolobanquil xya̱lal chiruheb chirix lix nimajcual cuanquilal li Dios. Ut quixqꞌuirtesiheb ajcuiꞌ li yaj.

San Lucas 9:11 ပူးပေါင်းရင်းမြစ်များ

Hebreos 4:16

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

Romanos 15:3

Li Kriist ajwi' ink'a' kixsik' li k'aru kiwulak chiru, kixb'aanu b'an jo' tz'iib'anb'il sa' li Santil Hu: “Sa' inb'een kinaqk li xmajewahomeb' li ke'majewank aawe”.

Romanos 10:14

Ab'anan, chanru naq te'xyaab'a xk'ab'a' wi ink'a' ke'xpaab'? Chanru naq te'xpaab' li ink'a' ke'rab'i resil? Chanru te'rab'i wi maa'ani taapuktesinq resil?

Hechos 28:31

jo'wi' chi xpuktesinkil resil li xnimajwal awab'ejihom li Yos ut chi xtzolb'aleb' chirix li Qaawa' Jesukriist chi maak'a' xxiw ut chi maa'ani naramok chiru.

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

San Juan 4:34

Kixye li Jesus reheb': —Lintzekemq a'an naq tinb'aanu li rajom li kitaqlank chaq we ut tink'e chi yaalo'k ru li xk'anjel.

San Lucas 9:2

Ut kixtaqlaheb' chi xpuktesinkil resil li xnimajwal awab'ejihom li Yos ut chi k'irtasink.

San Lucas 8:10

ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

San Lucas 8:1

Chirix chik a'in li Jesus kixb'eeniheb' li tenamit ut eb' li k'aleb'aal, yo chi xpuktesinkil li xchaab'il esil li xnimajwal awab'ejihom li Yos, rochb'eeneb' li Kab'laju

San Lucas 5:31

Kichaq'ok li Jesus ut kixye reheb': —Ink'a' neke'raj aj b'anonel li kaweb', a'eb' b'an li yaj neke'ajok re.

San Lucas 1:53

Kixnujob'resiheb' li te'tz'okaaq rik'in chaab'il eechej, ut eb' li b'ihom kixtaqlaheb' chi maak'a' chik wank reheb'.

San Mateo 21:43

Jo'kan naq ninye eere naq li xnimajwal awab'ejihom li Yos taamaq'e'q cheru ut taak'ehe'q re jalan chik tenamit re naq taa'uuchinq chi us.

San Mateo 21:31

Ani reheb' li wiib' chi alalb'ej xb'aanu li rajom li yuwa'b'ej? —A' li xb'een, chankeb'. Ut li Jesus kixye reheb': —Relik chi yaal ninye eere naq eb' laj titz'ol toj ut eb' laj yumb'eet te'wulaq xb'enwa cheru laa'ex sa' li xnimajwal awab'ejihom li Yos.

San Mateo 14:14

Naq li Jesus ki'elk chaq sa' li jukub', kiril naab'aleb' li tenamit, kixtoq'ob'a ruheb' ut kixk'irtasiheb' li yaj wankeb' sa' xyanqeb'.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Romanos 10:17

Jo'kan naq li paab'aal nachalk sa' xk'ab'a' li Esilal, ut li Esilal napuktesimank sa' xk'ab'a' li Raatin li Kriist.

San Mateo 12:15

Ab'an li Jesus, naq kixnaw a'in, ki'elk aran. Ut kitaaqeek xb'aaneb' naab'al li tenamit, ut kixk'irtasiheb' chixjunil.

San Lucas 9:10

Naq ke'sutq'iik chaq eb' li apóstol, ke'xseeraq'i re li Jesus jo'ch'inal jo'nimal ke'xb'aanu chaq. Ut a'an kixk'ameb' xjuneseb' ut koho sa' jun tenamit, Betsaida xk'ab'a'.

San Lucas 9:12

Ak yo chi ewuuk naq eb' li Kab'laju ke'jilok chi xk'atq li Jesus ut ke'xye re: —Chaq'rab'iheb' li tenamit re naq te'xik sa'eb' li tenamit ut k'aleb'aal wankeb' chi nach' ut xsik'aqeb' chaq rochochnaal ut xtzekemqeb', xb'aan naq wanko sa' junesal na'ajej.