San Lucas 8:32 - Q'eqchi Bible

³² Wankeb' aran jun nimla ch'uut chi aaq, yookeb' chi ichajib'k chiru li tzuul; ut eb' laj tza ke'relaji ru naq tixkanab'eb' chi ok rik'ineb' li aaq. Ut kixkanab'eb' chi xik.

Li Santil hu

³² Aran cuanqueb jun tu̱b li a̱k yo̱queb chi ichajibc chiru li tzu̱l. Eb li ma̱us aj musikꞌej queꞌxtzꞌa̱ma chiru li Jesús nak tixtaklaheb chi oc riqꞌuineb li a̱k. Ut li Jesús quixcanabeb chi oc riqꞌuineb.

San Lucas 8:32 ပူးပေါင်းရင်းမြစ်များ

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Isaías 65:4

neke'k'ojlaak sa'eb' li muqleb'aal kamenaq ut neke'xnumsi li q'oqyink sa' muqmuukil na'ajej; neke'xtzeka xtib'el li aaq ut neke'xk'e sa' li xsek'eb' li ink'a' us xtzekankil.

Apocalipsis 20:7

Akaq xraqe'k li jun mil chihab', taa'isiiq chaq laj tza sa' li xtz'alam,

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

Salmos 62:11

Meekawub'resi eech'ool rik'in li rahob'tesink, miwank xnimal eeroyb'enihom rik'in li elq'ak; us ta taatamq leeb'ihomal, ab'an mixik eech'ool chirix a'an.

Li xHu LAJ JOB 2:6

Toja' naq li Qaawa' kixye re laj tza: —Us, maak'a' naxye. B'aanu li k'aru taawaj, ab'anan maawisi li xyu'am laj Job.

Li xHu LAJ JOB 1:12

Toja' naq li Qaawa' kixye re laj tza: —Us, maak'a' naxye. B'aanu li k'aru taawaj rik'in jo'nimal wank re, ab'anan laj Job maak'a' taab'aanu re, chan li Qaawa'. Chirix a'an laj tza ki'elk rik'in li Qaawa'.

Li xHu LAJ JOB 1:10

Ma maawa' tab'i' xb'aan naq laa'at nakatk'aak'alenk re, li xjunkab'al jo'wi' chixjunil li k'aru wank re? Xawosob'tesi li xk'anjel, ut eb' li xketomq neke'xnujob'resi li ruuchich'och'.

1 Reyes 22:22

Kichaq'ok li musiq'ej: «Tinxik ut toxink'e li tik'ti' chi xtz'uumal reheb' chixjunileb' li propeet». Toja' naq li Qaawa' kixye re: «Us, ayu ut b'alaq'i laj Ajab. Ut taa'uxmanq jo' xaye», chan.

Levítico 11:7

“Li aaq, xb'aan naq us ta xalxo rixi'ij li roq, ab'anan ink'a' naxhab'le xka'sutil li xwa. A'an jun yib' aj xul cho'q eere.

San Mateo 7:6

“Meek'e li k'aru q'axal sant reheb' li tz'i', chi moko chekut leelemtz'il q'ol chiruheb' li aaq: mare anchal te'xyeq'i sa' roqeb', te'xsutq'isi chaq rib' ut tole'xt'upi laa'ex.

San Lucas 8:31

Eb' laj tza ke'relaji ru li Jesus naq ink'a' te'taqlaaq sa' xb'alb'a.

San Lucas 8:33

Naq ke'elk li maa'usej musiq'ej rik'in li winq, koxe'okaq sa'eb' li aaq; ut chixjunil li xk'ihaleb' ke'xkut rib' sa' xteram li uul, jun t'anikeb' sa' li palaw, ut aran ke'kamk.