San Lucas 8:12 - Q'eqchi Bible

¹² Li ke'naqk chire li b'e a'aneb' li ke'ab'ink re, ab'an moqon nachalk laj tza ut naxmaq' li Aatin sa' xch'ooleb' re naq ink'a' te'xpaab' ut te'kole'q.

Li Santil hu

¹² Ut li iyaj li quinak chire li be, aꞌan retalileb li nequeꞌabin re li ra̱tin li Dios. Nak ac xeꞌrabi li a̱tin, laj tza incꞌaꞌ naxcanabeb re teꞌxtau ru lix ya̱lal li ra̱tin li Dios re nak incꞌaꞌ teꞌpa̱ba̱nk ut teꞌcolekꞌ.

San Lucas 8:12 ပူးပေါင်းရင်းမြစ်များ

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

San Marcos 4:15

Li wankeb' chire li b'e, a'aneb' li na'awe' wi' li Aatin, ab'an naq ak xe'rab'i, sa' junpaat nachalk laj tza ut naxmaq' li aatin awb'il sa' xch'ooleb'.

San Mateo 13:19

Chixjunileb' li neke'rab'i li aatin chirix li xnimajwal awab'ejihom li Yos ut ink'a' neke'xtaw ru, nachalk li maa'us rik'ineb' ut nokolxsaapu li awb'il sa' xch'ooleb': a'an a'in li ki'awmank chire li b'e.

Proverbios 4:5

Sik' li chaab'il na'leb', ut chiwanq xseeb'al laach'ool; maatz'eqtaanaheb', chi moko chisachq sa' laach'ool li k'aru ninye.

Proverbios 1:29

Xb'aan naq xetz'eqtaana li chaab'il k'a'uxl ut ink'a' xeraj roxloq'inkil li Qaawa'.

San Lucas 8:5

“Ki'elk jun aj awinel chi rawb'al li riyaj. Ut naq yo chi awk, wan iyaj kinaqk chire li b'e: a'an kiyeq'mank, ut ke'chalk eb' li xul neke'rupupik chiru choxa ut ke'xwa'.

Isaías 65:11

“A'ut laa'ex li neketz'eqtaana li Qaawa' ut neketz'eq chirix eech'ool linsantil tzuul, li nekemayeja li tzekemq chiru laj Gad ut nekenujob'resi li sek' rik'in b'iin cho'q re laj Mení,

San Mateo 13:4

Ut naq yo chi awk, wan iyaj kinaqk chire li b'e: ke'chalk li kok' xul ut ke'xwa'.

San Lucas 8:11

“A'an a'in xyaalal li jaljookil ru aatin: li iyaj a'an li Raatin li Yos.

San Lucas 8:13

Li ke'naqk sa' pek ru a'aneb' li neke'rab'i li Aatin ut neke'xk'ul chi saheb' sa' xch'ool, ab'an maak'a'eb' xxe' rik'ineb': jun k'amok ajwi' neke'xpaab' ut, naq nachalk li aaleek, neke'ch'inank xch'ool.