San Lucas 7:46 - Q'eqchi Bible

⁴⁶ Laa'at ink'a' xayul linjolom rik'in aseeyt; ab'an a'an xyuleb' li woq rik'in b'an.

Li Santil hu

⁴⁶ La̱at incꞌaꞌ xaqꞌue li aceite saꞌ lin jolom joꞌ cꞌaynako xba̱nunquil, abanan li ixk aꞌin xyuli li cuok saꞌ sununquil ban.

San Lucas 7:46 ပူးပေါင်းရင်းမြစ်များ

Salmos 23:5

Nakak'uub' jun li meex cho'q we chiruheb' li xik' neke'ilok we; ut nakayul linjolom rik'in sununkil b'an. K'ajo' naq natz'iptz'otk xsa' linsek'!

Eclesiastés 9:8

Tiqib' aawib' chi chaab'il chi junelik ut b'on aawib' chi us wulaj wulaj.

San Mateo 6:17

A'ut laa'at, naq tat-ayuuniq, chayul laajolom sa' sununkil b'an ut chach'aj laawu,

Daniel 10:3

ink'a' kintzeka li sahil tzekemq, ink'a' kintiwok tib' chi moko kin'uk'ak b'iin, ink'a' kinyul wib' sa' sununkil b'an toj reetal kiraqe'k li oxib' xamaan.

Salmos 104:15

li b'iin li nasaho'k wi' xch'ool, li aseeyt re naq taalemtz'unq li xnaq' ru ut li wa li nak'ehok kawilal.

2 Samuel 14:2

Jo'kan naq kixtaqla chaq xk'amb'al aran Tékoha jun li ixq seeb' xch'ool ut kixye re: “B'aanu aawib' jo' naq ra sa' aach'ool, tiqib' aawib' jo' na'uxk naq nakamk anihaq ut maak'e aasununkil b'an. B'aanu aawib' jo' junaq ixq li ak junxil x'ok xrahil li xch'ool.

Li xHu LIX RUT 3:3

Ch'ajon b'i', k'e laasununkil b'an, tiqib' aawib' chi chaab'il ut ayu sa' li xch'oxleb'aal. Ab'anan maak'ut aawib' chiru li winq a'an naq toj yooq chi wa'ak ut chi uk'ak.

Miqueas 6:15

Tat-awq, ab'an maak'a' taaxok; tatyatz'oq ru li oliiw, ab'an maak'a' taataw; tatyatz'oq uub', ab'an ink'a' tat-uk'aq b'iin.

Amós 6:6

Nekex'uk'ak b'iin sa'eb' li xninqal sek' ut nekeyul eerib' sa' sununkil b'an jwal chaab'il; ab'an maak'a' nekeraj wi' li xrahilaleb' laj José.

2 Samuel 12:20

Tikto kiwakliik laj David, ki'atink, kixk'e xsununkil b'an ut kixjal li raq'. Chirix chik a'an koho sa' rochoch li Qaawa' ut koxhupub' rib' chi loq'onink. Ut naq kisutq'iik sa' rochoch, kixpatz' xtzekemq ut kiwa'ak.

San Lucas 7:47

Jo'kan naq ninye aawe: kuyb'ileb' sachb'ileb' li xk'iila maak xb'aan naq q'axal xrahok. A'ut li yal kach'in xmaak nakuye'k, kach'in ajwi' narahok.